,,27 წელი გავიდა სოხუმის დაცემიდან, ამ დროის განმავლობაში ძალიან ბევრი რამ შეიცვალა, სამწუხაროდ აფხაზეთთან ერთად ჩვენი სამაჩაბლოც, რუსული ოკუპაციის ქვეშ არის. ბევრი უდანაშაულო ადამიანი დაიღუპა შეიარაღებული შეტაკებების დროს და ძალიან ბევრი ქართველი გმირი დაეცა სოხუმის დაცვისას. მათი ხსოვნა ყოველთვის იქნება ჩვენი საქართველოს ისტორიაში და ყოველთვის მივაგებთ მათ პატივს“-ეს განცხადება სახელმწიფო რწმუნებულმა, ზვიად შალამბერიძემ საქართველოს ტერიტორიული მთლიანობისთვის ბრძოლაში დაღუპულ გმირთა მემორიალთან გააკეთა.

პარტია ,,ევროპული საქართველოს,, მაჟორიტარი დეპუტატობის კანდიდატმა პარლამენტში,ოთარ კახიძემ 27 წლის წინ,აფხაზეთის ომში დაღუპულ გმირებს პატივი მიაგო.კანდიდატი მემორიალზე ,,ევროპული საქართველოს,, ქუთაისის საკრებულოს წევრებთან ერთად მივიდა.

,,ჩვენ პატივი მივაგეთ აფხაზეთის ომში დაღუპული გმირი მეომრების ხსოვნას.დღეს არის სოხუმის დაცემის დღე.ეს ტრაგიკული დღეა,მაგრამ არც ერთმა ქართველმა არ უნდა დაკარგოს იმედი,რომ ჩვენ დავიბრუნებთ აფხაზეთს,რომ ჩვენ აღვადგენთ საქართველოს ტეტიტორიულ მთლიანობას.მინდა ვუთხრა ყველა დევნილს,რომ 30 წლის წინ საოკუპაციო ჯარები რუსეთს ყავდა მთელ აღმოსავლეთ  ევროპაში,გერმანიაშიც კი,მაგრამ ეს ოკუპაცია დასრულდა.ასევე დასრულდება მათი ოკუპაცია აფხაზეთში და ცხინვალში და საქართველო გამთლიანდება,,- განაცხადა ოთარ კახიძემ

პარტიამ "თავისუფალი საქართველო,, იმერეთში მჟორიტარი დეპუტატობის კანდიდატები წარაგდინა.დღესვე პარტიის ლიდერმა კახა კუკავამ ქუთაისის მერობის კანდიდატად გაგა გოგრიჭიანი დაასახელა.

საარჩევნო შეხვდრა ქუთაისში, პარლამენტის ყოფილ შენობასთან გაიმართა.

,,თავისუფალი საქართველოს,, სახელით ვანის, ხონის, სამტრედიისა და წყალტუბოს ოლქში პარტიის თანათავმჯდომარე გოგი წულაია იბრძოლებს, ქუთაისის მაჟორიტარი დეპუტატობის კანდიდატად  ექიმი ელგუჯა ხიშტოვანი დასახელდა, ხოლო ტყიბულის, თერჯოლის, ზესტაფონისა და ბაღდათის ამომრჩეველთა ნდობის მოპოვებას მურმან ნებიერიძე შეეცდება.

დღესვე ,,თავისუფალი საქსრთველო,, ლიდერმა კახა კუკავამ  მხარდამჭერებს საარჩევნო პროგრამის პრიორიტეტები გააცნო.

სოხუმის დაცემიდან დღეს 27 წელი გავიდა. სამხედრო დაპირისპირება აფხაზეთში 1992 წლის 14 აგვისტოს დაიწყო და 13 თვეს და 13 დღეს გაგრძელდა ,ხოლო1993 წლის 27 სექტემბერს, სოხუმის დაცემით დასრულდა.

სოხუმის დაცემის 27 წლისთავთან დაკავშირებით და აფხაზეთის ომში დაღუპულთა ხსოვნის პატივის მიგების მიზნით, სახელმწიფო დროშები ყველა სახელმწიფო უწყების შენობაზე დაშვებულია.

 ქართული მხარის ამ დრომდე დაუზუსტებელი მონაცემებით, აფხაზეთში 1992-1993 წლებში მიმდინარე სამხედრო დაპირისპირებისას, ქართული მხრიდან 10 ათასზე მეტი ჯარისკაცი და მშვიდობიანი მოქალაქე დაიღუპა. 300 ათასი აფხაზეთიდან დევნილი  კი უსახლკაროდ დარჩა. აფხაზური მხარის მონაცემებით კი, დაიღუპა 3 500 და დაიჭრა 2 ათასამდე აფხაზი.

"ქართული ოცნება - დემოკრატიული საქართველოს" ქუთაისის მერობის კანდიდატმა ახალგაზრდებთან ერთად შეიარაღებული კონფლიქტის დროს დაღუპულთა ხსოვნას პატივი მიაგო.

სოხუმის დაცემიდან 27 წელი გავიდა .  ქუთაისში , ,,ქართული ოცნება- დემოკრატიული საქართველოს" ახალგაზრდული ორგანიზაციის წარმომადგენლებმა, მაჟორიტარი დეპუტატობისა და მერობის კანდიდატებთან ერთად , აფხაზეთის ომში დაღუპულთა მემორიალი ყვავილებით შეამკეს და კიდევ ერთხელ გაიხსენეს გმირები, რომლებმაც ქვეყანა საკუთარი სიცოცხლის ფასად დაიცვეს.