ბაღდათის მუნიციპალიტეტის მერმა ნოდარ გიორგიძემ, მოადგილეებთან და საკრებულოს თავმჯდომარე გურამ კიკნაველიძესთან ერთად, ბაღდათის მუნიციპალიტეტის საჯარო სკოლების წარმატებული კურსდამთავრებულები დააჯილდოვა. ფულადი ჯილდო და დიპლომები მაღალმთიანი, მცირე კონტიგენტიანი სკოლების სამ კურსდამთავრებულს გადაეცა.

დაჯილდოებას ბაღდათის მუნიციპალიტეტის მერიის კულტურის სამსახურის წარმომადგენლები, საგანმანათლებლო რესურსცენტრის ხელმძღვანელი და სკოლების დირექტორები დაესწრნენ.

მუნიციპალიტეტის მასშტაბით ფინანსური წახალისება სამმა კურსდამთავრებულმა  -ელენე ზირაქაძემ (ზეგანის პირველი საჯარო სკოლა), ოლეგ თაბუკაშვილმა (საკრაულას სკოლა) და ქეთი ტაბეშაძემ( ხანის სკოლა) მიიღო.

მიმდინარე წლის 16 სექტემბერს, ქალაქ ქუთაისში, ცენტრალურ მოედანზე, საქართველოს განათლების, მეცნიერებისა და ახალგაზრდობის სამინისტროს ორგანიზებითა და ქუთაისის მუნიციპალიტეტის მერიისმხარდაჭერით, დაგეგმილია პირველკურსელთა მიღების მასშტაბური ღონისძიება.

ღონისძიების მოსამზადებელი სამუშაოების განხორციელების მიზნით, სატრანსპორტოსაშუალებათა მოძრაობა და პარკირება დროებით შეიზღუდება:

14 სექტემბრის 10:00 საათიდან 16 სექტემბრის ღონისძიების დასრულებამდე, TBC ბანკის, მაკდონალდსისა და ყოფილი მუზეუმის შენობის მიმდებარე ტერიტორიაზე;

15 სექტემბერს, 08:00 საათიდან 16 სექტემბრის ღონისძიების დასრულებამდე,

ცენტრალურ მოედანზე სრულად შეიზღუდება მოძრაობა და პარკირება.

16 სექტემბერს, 08:00 საათიდან ღონისძიების დასრულებამდე, მოძრაობა და პარკირება შეიზღუდება: გელათის ქუჩა N2-დან, ბროსეს ქუჩა N2-დან, ასევე, კოლუმბია- მისურის ქუჩაზე, ფალიაშვილის ქუჩის კვეთამდე.

შესაბამისად, შეიცვლება მუნიციპალური ტრანსპორტის მარშრუტი:

 1L- აღმაშენებლის მოედნის ნაცვლად, გურამ ფანჯიკიძის ქუჩით გაივლის აკაკი წერეთლის ქუჩას, დავით აღმაშენებლის გამზირს, გალაკტიონ ტაბიძის ქუჩას, წითელ ხიდს და შემდეგ - დადგენილი სვლაგეზით.

N3- აღმაშენებლის მოედნისა და ფალიაშვილის ქუჩის ნაცვლად, გურამ ფანჯიკიძის ქუჩით გაივლის აკაკი წერეთლის ქუჩას,შემდეგ - დადგენილი სვლაგეზით.

 N4 და N5 - იმოძრავებენ შემდეგი მარშრუტით: გურამ ფანჯიკიძის ქუჩა, აკაკი წერეთლის ქუჩა, დავით აღმაშენებლის გამზირი, გალაკტიონ ტაბიძის ქუჩა, წითელი ხიდი, შემდეგ - დადგენილი სვლაგეზით.

N6 - აღმაშენებლის მოედნის ნაცვლად იმოძრავებს დავით და კონსტანტინეს ქუჩით.

 N10 - აღმაშენებლის მოედნის ნაცვლად იმოძრავებს წითელი ხიდიდან.

 N19 - იმოძრავებს აკაკი წერეთლის, მანდარიას, თამარ მეფის, სოლომონ პირველის ქუჩების გავლით საფიჩხიის ცენტრისკენ.უკან დაბრუნდება სოლომონ პირველის, 26 მაისის, მერაბ კოსტავას, ვარლამიშვილის ქუჩებისა და რუსთაველის გამზირის გავლით, შემდეგ - დადგენილი სვლაგეზით.

N20 - აღმაშენებლის მოედნისა და ფალიაშვილის ქუჩის ნაცვლად, იმოძრავებს წითელი ხიდიდან.

 N41- აღმაშენებლის მოედნისა და ფალიაშვილის ქუჩის ნაცვლად, ჩაუხვევს გურამ ფანჯიკიძის ქუჩაზე, შემდეგ - დადგენილი სვლაგეზით განაგრძობს მოძრაობას.

 N141 (მიკროავტობუსი) - აღმაშენებლის მოედნისა და თბილისის ქუჩის ნაცვლად, გაივლის გელათის, 26 მაისის ქუჩებს და შემდეგ - დადგენილი სვლაგეზით განაგრძობს მოძრაობას.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბრაკონიერობის წინააღმდეგ ბრძოლის ფარგლებში, 2026 წლის 1 იანვრიდან 31 აგვისტოს ჩათვლით, თევზჭერის წესების დარღვევისა და უკანონო თევზჭერის 412 ფაქტი გამოავლინეს. 

 მათგან 213 ფაქტი სისხლის სამართლის დანაშაულის ნიშნებს შეიცავს. მასალები, შემდგომი რეაგირების მიზნით, შესაბამის უწყებებში გადაიგზავნა.  

ჯამში, უკანონოდ მოპოვებული თევზის ოდენობა დაახლოებით 440 კგ-ს შეადგენს.

ყველაზე მეტი - 88 ფაქტი გამოვლენილია იმერეთის რეგიონული სამმართველოს სამოქმედო ტერიტორიაზე. 82 ფაქტი დაფიქსირდა მცხეთა-მთიანეთში, 51- სამეგრელო-ზემო სვანეთში, 49 - ქვემო ქართლში, 41 - კახეთის რეგიონული სამმართველოს ტერიტორიაზე, 34 ფაქტი გამოვლენილია შავი ზღვის დაცვის კონვენციური სამმართველოს თანამშრომლების მიერ, 20 ფაქტი - შიდა ქართლში, 14 - გურიაში, 10 - აჭარაში, 10 ფაქტი კი გამოვლენილია სამცხე-ჯავახეთის რეგიონული სამმართველოს ტერიტორიაზე.

სამართალდარღვევები გამოვლინდა დედაქალაქშიც. მიმდინარე წლის 8 თვეში დეპარტამენტის თანამშრომლებმა თბილისში თევზჭერის წესების დარღვევისა და უკანონო თევზჭერის 13 ფაქტი გამოავლინეს.   

ბრაკონიერები ხშირ შემთხვევაში იყენებდნენ ისეთ უკანონო თევზსაჭერ საშუალებებს, როგორიცაა სახლართი ტიპის ბადე და ელექტროიარაღი. მიმდინარე წლის 8 თვეში, დეპარტამენტის თანამშრომლების მიერ ამოღებულია 218 ერთეული სახლართი ბადე და 24 ერთეული ელექტროიარაღი.

უახლოეს დღეებში საქართველოში შენარჩუნებული იქნება თბილი და უმეტესად უნალექო ამინდი. 

ქ. თბილისში უმეტესად უნალექო ამინდია მოსალოდნელი. ჰაერის ტემპერატურა დღისით +27, +29 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): უნალექო ამინდია მოსალოდნელი. ჰაერის ტემპერატურა დღისით +26, +28 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): უნალექო ამინდია მოსალოდნელი. ჰაერის ტემპერატურა დღისით +29, +31 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): უნალექო ამინდია მოსალოდნელი. ჰაერის ტემპერატურა დღისით +27, +29 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): უმეტესად უნალექო ამინდია მოსალოდნელი. ჰაერის ტემპერატურა დღისით +24, +26 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): უმეტესად უნალექო ამინდია მოსალოდნელი. ჰაერის ტემპერატურა დღისით +29, +31 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): უმეტესად უნალექო ამინდია მოსალოდნელი. ჰაერის ტემპერატურა დღისით +28, +30 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უმეტესად უნალექო ამინდია მოსალოდნელი. ჰაერის ტემპერატურა დღისით +24, +26 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უმეტესად უნალექო ამინდია მოსალოდნელი. ჰაერის ტემპერატურა დღისით +20, +22 გრადუსი დაფიქსირდება.

შინაგან საქმეთა სამინისტროს სამეგრელო-ზემო სვანეთის, იმერეთის, შიდა ქართლის, რაჭა-ლეჩხუმისა და ქვემო სვანეთის პოლიციის დეპარტამენტების თანამშრომლებმა, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების ბრალდებით, სხვადასხვა დროს 5 პირი დააკავეს.  

სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, ბრალდებულების პირადი, ავტომობილებისა და საცხოვრებელი სახლების ჩხრეკის შედეგად, ნივთმტკიცებად ამოიღეს სხვადასხვა სახის ცეცხლსასროლი იარაღი და საბრძოლო მასალა, მათ შორის: 2 ავტომატი, 5 პისტოლეტი, მჭიდები და ათეულობით საბრძოლო ვაზნა.

გამოძიება სისხლის სამართლის კოდექსის 236-ე მუხლის მე-3, მე-4 და მე-6 ნაწილებით მიმდინარეობს, რაც 12 წლამდე ვადით თავისუფლების აღკვეთას ითვალისწინებს.

ქუთაისის საპელაციო სასამართლოს მოსამართლე ნიკოლოზ მარგველაშვილმა ოთხი ჭიათურელი მაღაროელის საქმეზე გადაწყვეტილება დღეს გამოაცხადა.

მან უცვლელი დატოვა პირველი ინსტანციის სასამართლოს გადაწყვეტილება და მსჯავრდებულებს — მერაბ სარალიძესა და გიორგი ნეფარიძეს — 6 წელი და 3 თვე, ხოლო არჩილ ჭუმბურიძესა და თენგიზ გველესიანს 4 წელი და 3 თვე პატიმრობა მიუსაჯა (1 წელი და 5 თვე უკვე გავიდა). 

,,ამ გადაწყვეტილებას ზემდგომ ინსტანციაში გავასაჩივრებთ, საბოლოოდ კი ადამიანის უფლებათა ევროპულ სასამართლოში (სტრასბურგში) წავიყვანთ.

ხაზგასვმით და ცალსახად შეგვიძლია ვთქვათ, რომ საქართველოში სასამართლო სისტემა არ არსებობს — ის მიკერძოებულია და ზემოდან ნაბრძანებ მითითებებს ასრულებს. როგორც თამარ მაზანაშვილი, ისე ნიკოლოზ მარგველაშვილი სისტემის ჯიბის მოსამართლეები არიან და მათ მსგავსად მრავალი სხვაა.,,-აცხადებენ დაკავებული მაღაროელების გულშემატკივრები.