ქალაქ ქუთაისის მუნიციპალიტეტის მერია 13 წლიდან -17 წლამდე ასაკის მოსწავლეთათვის, დაბა ბაკურიანში, საზაფხულო ბანაკში მონაწილეობის მისაღებად კონკურსს აცხადებს. 

ბანაკი სამ ნაკადად გაიმართება.

პირველი ნაკადი- 2026 წლის 28 ივლისიდან 2 აგვისტომდე;

მეორე ნაკადი - 2026 წლის 2 აგვისტოდან 7 აგვისტომდე; 

მესამე ნაკადი- 2026 წლის 7 აგვისტოდან 12 აგვისტომდე.

ბანაკის თემატიკაა: „მენტალური კეთილდღეობა და ემოციური ინტელექტი;პროფესიული ორიენტაცია;ხელოვნური ინტელექტი პრაქტიკაში; პროექტების წერა და გრანტების მოპოვება."

სააპლიკაციო ფორმის მიღება იწყება 3 ივლისს და დასრულდება 12 ივლისს.

ბანაკში მონაწილეობა უფასოა. მონაწილეების ტრანსპორტირებასა და სასტუმროში განთავსებას ქუთაისის მერია აფინანსებს.

ვრცლად ბმულზე

https://kutaisi.gov.ge/open_konkursebi/116

3 ივლისის დღის ბოლოდან 5 ივლისამდე საქართველოს მთიან რაიონებში მოსალოდნელია დროგამოშვებით ხანმოკლე წვიმა, ზოგან ძლიერი. შესაძლებელია ელჭექი, სეტყვა და ქარის გაძლიერება. 

მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

ინფორმაციას გარემოს ეროვნული სააგენტო აქვეყნებს. 

ა(ა)იპ “ქუთაისის მუნიციპალური ინსპექციის” მონიტორინგის ჯგუფი რეგულარულად ახდენს ქალაქში სამშენებლო და საყოფაცხოვრებო ნარჩენების უნებართვოდ განთავსების მონიტორინგს.

 მონიტორინგის პროცესში, ჯგუფის წევრებმა ავტოქარხნის დასახლებაში, კოლხეთის ქუჩის მიმდებარედ, დააფიქსირეს სატვირთო ავტომობილი, რომელიც სამშენებლო ნარჩენს ყრიდა აღნიშნულ ტერიტორიაზე.

ნარჩენების მართვის კოდექსის 32-ე მუხლის პირველი ნაწილის თანახმად, ავტომობილის მფლობელი დაჯარიმდა, ასევე, უკვე დაყრილი ნარჩენისგან გაათავისუფლა ტერიტორია.

ერთიანი ეროვნული გამოცდები ხვალ,2 ივლისს დაიწყება.

პირველი გამოცდა ქართული ენასა და ლიტერატურაში ჩატარდება . ქუთაისში სამი საგამოცდო ცენტრია გახსნილი -#41, #23 და #17 საჯარო სკოლებში.

წელს აბიტურიენტებისთვის მნიშვნელოვანი სიახლე შევიდა ძალაში-აქამდე არსებული საგრანტო სისტემა გაუქმდა და სახელმწიფო უნივერსიტეტებში ჩარიცხული სტუდენტებისთვის სწავლა უფასო გახდა. კერძო უნივერსიტეტებში 2026 წლიდან ჩარიცხული სტუდენტები სახელმწიფოსგან საგრანტო დაფინანსებას ვეღარ მიიღებენ.

გამოცდებზე ქვეყნის მასშტაბით 43 000-ზე მეტი აბიტურიენტია რეგისტრირებული.

ქუთაისის გარდა საგამოცდო ცენტრები კიდევ 11  ქალაქში გაიხსნება-თბილისში, ბათუმში, ზუგდიდში, ქუთაისში, ფოთში, ახალციხეში, გორში, ოზურგეთში, რუსთავში, თელავში, ხულოსა და ამბროლაურში.

ერთიანი ეროვნული გამოცდების პერიოდში ქუთაისში საზოგადოებრივი ტრანსპორტის მუშაობის საათები იცვლება.

2 -დან 24 ივლისის ჩათვლით მუნიციპალური ტრანსპორტი მუშაობას დილის 06:30 საათიდან დაიწყებს .

ინფორმაციას ქუთაისის მუნიციპალიტეტის მერია ავრცელებს. 

 გარემოსდაცვითი ზედამხედველობის დეპარტამენტმა გურიაში, იმერეთსა და ქვემო-ქართლში ქვიშა-ხრეშის უკანონო მოპოვების ფაქტები გამოავლინა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლების მიერ სამართალდარღვევები გამოვლენილია ოზურგეთის მუნიციპალიტეტის სოფელ სულაურში, სამტრედიის მუნიციპალიტეტის სოფელ საჯავახოში, გარდაბნის მუნიციპალიტეტის სოფელ ნაგებსა და რუსთავში. 

სამართალდამრღვევებმა სპეციალური ტექნიკის გამოყენებით, მდინარეების - სუფსის, რიონისა და მტკვრის კალაპოტებიდან უკანონოდ მოიპოვეს, ჯამში 100 კუბურ მეტრზე მეტი მოცულობის ქვიშა-ხრეში. 

შედგა შესაბამისი დოკუმენტაცია. მასალები, შემდგომი რეაგირების მიზნით შესაბამის უწყებებში გადაიგზავნა.