პროექტში 460 ბენეფიციარი ჩაერთო.

ფეისბუქ გვერდი ,,შენი სიცოცხლის გადასარჩენად,, ინფორმაციას ავრცელებს.

,,ზესტაფონის N ბრიგადამ ქალაქში მდებარე ერთი-ერთი აფთიაქიდან გამოძახება ლოზუნგით -„უგონო“ მიიღო.

გამოძახებაზე მისულ ექიმებს ადგილზე დახვდა იატაკზე მწოლი 50 წლამდე მამაკაცი, რომელსაც მოქალაქე ზეწოლებს უტარებდა (როგორც მოგვიანებით გაირკვა, ქალბატონი რეანიმატოლოგი იყო, რომელიც ამ ფაქტს შემთხვევით შეესწრო). 

პაციენტს საძილე არტერიაზე არ აღენიშნებოდა პულსი, ხოლო მონიტორზე ფიქსირდებოდა პარკუჭოვანი ფიბრილაცია, სასწრაფოს ბრიგადის წევრებმა დაუყოვნებლივ დაიწყეს პაციენტის მართვა პროტოკოლის მიხედვით. რეანიმაციული ღონისძიებების სრულყოფილად ჩატარების შედეგად აღდგა პაციენტის პულსი და სუნთქვა, რის შემდეგაც სასწრაფოს ბრიგადამ ფორსმაჟორით შეიყვანა ქ. ზესტაფონის ერთ-ერთ კლინიკაში.

ამ ეტაპზე მამაკაცის მდგომარეობა დამაკმაყოფილებელია და თავს კარგად გრძნობს.,,-,,შენი სიცოცხლის გადასარჩენად,,.

ჭიათურის სასწრაფო დახმარების ექიმი ნინო კლდიაშვილი იხსენებს, რომ ადგილზე მისულ მე-3 ბრიგადას შუახნის მამაკაცი დახვდა. ოჯახის წევრების გადმოცემით,  მან მოულოდნელად შეუძლოდ იგრძნო თავი და სკამიდან გადმოვარდა. პაციენტი იყო კონტაქტური, ადეკვატური. მამაკაცი თავადვე მოუყვა ექიმს, რომ რამდენიმე დღის წინ იმყოფებოდა კლინიკაში, სადაც კორონარული სტენტირება გაიკეთა და მე-3 დღეა რაც სახლში დაბრუნდა. ფიზიკურად ზედმეტად დაიტვირთვის გამო კი თავი შეუძლოდ იგრძნო. ვინაიდან ანამნეზი საყურადღებო იყო, ყველა საჭირო სამედიცინო მანიპულაციის შემდეგ ბრიგადის წევრებმა პაციენტის ჰოსპიტალიზაციის გადაწყვეტილება მიიღეს. 

კლინიკისკენ ტრანსპორტირების პროცესში მამაკაცმა ისევ დაკარგა გონება და მონიტორზე ფიბრილაცია დაფიქსირდა. 

პროტოკოლით გათვალისწინებული წარმატებული რეანიმაციული ღონისძიებების შედეგად მოხდა გულის რითმის აღდგენა და მონიტორზე სინუსური რითმი დაფიქსირდა. 

აღდგენილი სასიცოცხლო პარამეტრებით პაციენტი საჩხერის კლინიკაში იქნა გადაყვანილი. 

ინფორმაციას გვერდი ,,შენი სიცოცხლის გადასარჩენად,, ავრცელებს. 

ჯანდაცვის სამინისტროს ინფორმაციისთ, ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო. აცრა, ყველა მოქალაქისთვის, უფასოდ იქნება ხელმისაწვდომი. 

იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™️) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის. ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.

ქუთაისში აცრის გაკეთება შემდეგ სამედიცინო დაწესებულებებში არის შესაძლებელი:

აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა.

საზოგადოებრივი ჯანდაცვის ცენტრის ინფორმაციით, 2 სექტემბერს, ქუთაისში, 11:00 სთ-დან, მოსწავლე ახალგაზრდობის პარკის წინ, კოლონებთან, მასშტაბური სკრინინგ-აქცია  იგეგმება.

ჩატარდება ც ჰეპატიტის, აივ შიდსის და ბ ჰეპატიტის სკრინინგი მობილური ლაბორატორიული ერთეულის გამოყენებით.

ამავე სივრცეში მოეწყობა ჰიპერტენზიის სკრინინგი და გაკეთდება ლაბორატორიული კვლევები გლუკოზის განსაზღვრის მიზნით.

ასევე,  ძუძუს კიბოს ადრეულ სტადიაზე გამოვლენის მიზნით, 40 წელს ზევით ქალბატონებისთვის, ჩატარდება სკრინინგი .

12 ივნისს, 11:00 სთ-დან 17:00 სთ-მდე, ქუთაისის ცენტრალური სკვერის მიმდებარედ, ჰიპერტენზიის წინააღმდეგ მიმართული ღონისძიება გაიმართება. სამედიცინო აქციის ფარგლებში ნებისმიერ მსურველს ექნება შესაძლებლობა, ისარგებლოს არტერიული წნევის გაზომვითა და სპეციალისტისგან მიიღოს საჭირო კონსულტაცია. პარალელურად, ჩატარდება უფასო სკრინინგი C ჰეპატიტზე, აივ ინფექციასა და B ჰეპატიტზე. 

აქცია დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ჰიპერტენზიის ასოციაციის, ასევე, ქუთაისის საზოგადოებრივი ჯანდაცვის ცენტრის ორგანიზებითა და ქუთაისის მუნიციპალიტეტის მერიის მხარდაჭერით ეწყობა.