,,ერთიანი ნაციონალური მოძრაობის,, ქუთაისის მერობის კანდიდატმა ქუთაისის N59-ე საოლქო საარჩევნო კომისიის შენობის წინ ბრიფინგი გამართა. გიგა შუშანიას განცხადებით, საუბნო კომისიებში ე.წ. ნეიტრალურ წევრებად წინასწარ განსაზღვრული პირების დანიშვნა ხდება, მისი თქმით არც ერთი კანდიდატი არაა ნეიტრალური და  ყველა მმართველი ძალის მხარდამჭერია, ფაქტი შუშანიამ შეფასა როგრც, მზადება არჩევნების გასაყალბებლად.მერობის კანდიდატი  საოლქო საარჩევნო კომისიას საარჩევნო რესურსის არამიზნობრივად გამოყენებაში ადანაშაულებს

,,ერთიანი ნაციონალური მოძრაობის,, ბრალდებას უარყოფს და აფსურდულს უწოდებს  ქუთაისის N59-ე საოლქო საარჩევნო კომისიის თავმჯდომარე.ავთანდილ ოსეფაიშვილის თქმით კანდიდატურები გამოცდილების მიხედვით შეირჩა და მათ შესაბამისი ტრენინგებიც გავლილი აქვთ.

ნაცმოძრაობის განცხადებით ,თუ დღეს საოლქო საარჩევნო კომისიაში15 საათზე ჩანიშნულ სხდომაზე ეს კანდიდატები დამტკიცდებიან, ისინი სხდომას დატოვებენ.

ქუთაისში მოძრავი საზოგადოებრივი ტრანსპორტის სადეზინფექციო სამუშაოები „თეგეტა მოტორსის“ ავტოპარკში მიმდინარეობს. ყოველის სამუშაო დღის ბოლოს, სპეციალურად გადამზადებული თანამშრომლები, დაავადებათა კონტროლის ეროვნული ცენტის მიერ რეკომენდირებული სადეზინფექციო საშუალებების გამოყენებით, ამუშავებენ ავტობუსებს და მიკროავტობუსებს, რათა მომდევნო სამუშაო დღეს ამ სატრანსპორტო საშუალებებით გადაადგილება უსაფრთხო იყოს მგზავრებისთვის.

სამუშაოებს ქუთაისის მერის მოვალეობის შემსრულებელი გაეცნო.

,,მაქსიმალურად ვცდილობთ, მივიღოთ უსაფრთხოების ყველა ზომა და შეძლებისდაგვარად შევაჩეროთ ვირუსის გავრცელება. ტარდება სადეზინფექციო სამუშაოები სხვადასხვა მიმართულებით და ლოკაციებზე. მკაცრდება კონტროლი საკოორდინაციო საბჭოს რეგულაციების და რეკომენდაციების დაცვაზე. ჩვენი სამსახურები მუდმივ მონიტორინგს უწევენ ამ პროცესებს.“- განაცხადა დავით ერემეიშვილმა.

დღესვე, დეზინფექცია ჩაუტარდა იმ საცხოვრებელ კორპუსს, სადაც ცხოვრობენ კოვიდინფიცირებული მოქალაქეები.

სადეზინფექციო სამუშაოები ქუთაისში გაგრძელდება.

ინფორმაციას ქუთაისის მერია ავრცელებს.

ქუთაისში სწავლა პირველ ოქტომბრამდე გადაიდო. ქუთაისთან ერთად სასწავლო პროცესი არ განახლდება კიდევ 5 ქალაქში ,თბილისში, გორში, რუსთავში, ზუგდიდსა და ფოთში .

სიახლე საკოორდინაციო საბჭოს დასრულების შემდეგ მოსახლეობას ქვეყნის პრემიერ-მინისტრმა აცნობა.

გიორგი გახარიას განცხადებით, მთავრობა არ აპირებს მკაცრი ეკონომიკური შეზღუდვების დაწესებას.

პრემიერის თქმით, ჯანდაცვის სამინისტროს უკვე მიეცა მითითება, რომ უახლოეს დღეებში მზად იყოს 3000 საწოლი, რათა თუ ინფიცირების შემთხვევათა რაოდენობა კიდევ გაიზარდა, მათ შეძლონ და ეფექტურად უმკურნალონ პაციენტებს. ამასთანავე, მთავრობის მეთაურმა აღნიშნა, რომ ინფიცირების გაზრდილი რაოდენობის მიუხედავად, ქვეყანაში პანიკის საფუძველი არ არსებობს, რადგან ეპიდემიოლოგები, კლინიკური ჯგუფი და მთავრობა სრულად აკონტროლებენ სიტუაციას.

მთავრობის მიერ რეგულაციების გამკაცრებასთან დაკავშირებით, ქუთაისის მერის მოვალეობის შემსრულებელი დავით ერემეიშვილი ქალაქის ბაზრებსა და ბაზრობებს ეწვია. მერის მოვალეობის შემსრულებელმა ნიკეას ქუჩაზე არსებული აგრარული საბითუმო ბაზარი დაათვალიერა და შეამოწმა, რამდენად არის დაცული შესაბამისი უწყებების რეკომენდაციები. ღია ტიპის ბაზარი უწყებათშორისი საკოორდინაციო საბჭოს და ჯანდაცვის ორგანიზაციების რეკომენდაციებს სრულად აკმაყოფილებს.

ოკუპირებული აფხაზეთიდან დააბრუნეს ხატი, რომელიც ,,პატრიოტთა ალიანსმა,, ილორის ტაძარს შესწირა. ხატი ბაგრატის ღვთისმშობლის მიძინების ტაძარშია დაბრძანებული.ენგურის ხიდის გადმოკვეთის შემდეგ ხატს ბაგრატში ქუთათელ-გაენათელი მიტროპოლიტი, მეუფე იოანე გამრეკელი დახვდა.სასულიერო პირებმა პარაკლისი გადაიხადეს. ,,პატრიოტთა ალიანსის,, ლიდერის განცხადებით, ხატის დაბრუნების მსურველი და პროცესების მოწინააღმდეგე  აფხაზეთში მხოლოდ 15 კაცი იყო.

,,ღვთის ნებაა ყველაფერი, რატომ ბაგრატის ტაძარში? ესეც ღვთის ნებაა.  ეს ღვთისმშობელი იქნება შემწე დევნილთა და მოწყალე, რომელიც დაიცავს და გააძლიერებს საქართველოს, ასევე აფხაზებს და ოსებს. დღეს დიდი და მძიმე დღე იყო, ასევე ამაღლებული. ღვთისმშობლის წინააღმდეგ ბრძოლა არავის მოუგია. ძალიან სამწუხაროა, რომ, მთელი ამ დღეების მანძილზე, მე ვაკვირდებოდი არაადამიანურ პროცესს, რომელსაც პოლიტიკასთან საერთო არაფერი აქვს. ეს არის ჯგუფები, თბილისში, სოხუმში, რომელთათვისაც არაფერი წმინდა არ არსებობს. დაიწყო პატარა ნაბიჯის გადადგმა და რამდენი მტერი აღმოაჩნდა ამ პატარა ნაბიჯს. არ ვიცი, რა გიხაროდათ, ღვთისმშობელს აბრუნებენო?,,-განაცხადა ირმა ინაშვილმა..

შეგახსენებთ, რომ აფხაზურმა მხარემ განაცხადა, რომ ხატი დაბეჭდილი რეპროდუქცია იყო და არანაირი მნიშვნელობა არ ქონდა.ოკუპირებულ ტერიტორიაზე ირმა ინაშვილი და გიორგი ლორია იმყოფებოდნენ.