საქართველოს ბანკზე თავდამსხმელს დაზიანებები აღენიშნება -ამის შესახებ გრიგოლ ნარსიას ადვოკატებმა განაცხადეს.ადვოკატებმა დაკავებული უკვე მოინახულეს.

,,სამივეს ერთად არ გვიშვებდნენ წინასწარი დაკავების იზოლატორში, დაკავებულს აქვს დაზიანებები, მას დაკავების დროს წინააღმდეგობა არ გაუწევია, ასევე გარკვეული პრობლემები შეიქმნა საქმის მასალების გადმოცემასთან დაკავშირებით. რაც შეეხება მოტივს, ეს დაკავშირებული არის ოჯახურ პირობებზე. ,,-განაცხადა ადვოკატმა

გრიგოლ ნარსიას ადვოკატები დაახლოებით 2 საათის განმავლობაში ხვდებოდნენ. საქართველოს ბანკის საქმეზე დაკავებულს  ქუთაისის იურისტთა ასოციაციის 5 ადვოკატი იცავს. დღეს გრიგოლ ნარსიას მხოლოდ 3 ადვოკატი შეხვდა.

2021 წელი დიდი ქართველი კომპოზიტორის რევაზ ლაღიძის საიუბილეო წელია.100 წლის საიუბილეო თარიღთან დაკავშირებით ბაღდათის მუნიციპალიტეტში დაგეგმილია სხვადასხვა სახის ღონისძიებები.

9 ივლისს,  16:00 საათზე   რევაზ ლაღიძის სახელობის ბაღდათის კულტურის ცენტრში, საქართველოს პატრიარქის სახელით ცნობილი საერთაშორისო სააღდგომო მე-16 ფესტივალის გაიმართება, რომლის ფარგლებში ბაღდათს ეწვევა ფესტივალის საპატიო სამხატვრო მრჩეველი, ამერიკაში მცხოვრები ცნობილი პიანისტი და ბოსტონის ,,New England Conservatory”-ს პროფესორი ალექსანდრე კორსანტია. საიუბილეო საღამოში მონაწილეობას მიიღებს ქ. ქუთაისის ოპერის სიმფონიური ორკესტრი.

10 ივლისს 17:00 საათზე   ბაღდათის კულტურის ცენტრის ეზოში გაიხსნება კომპოზიტორის ბიუსტი.

18:00 საათზე  ვ. მაიაკოვსკის სახლ-მუზეუმის ეზოში გაიმართება კონცერტი ანსამბლ ,,ქართული ხმები“-ს, ,,ჩვენი კვარტეტი“-ს, ასევე ადგილობრივი მუსიკოს შემსრულებლების მონაწილეობით.

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის წყალტუბოს რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ჯგუფურად ჩადენილი ხულიგნობის ბრალდებით, 2001 წელს დაბადებული, წარსულში ნასამართლევი გ.ქ., 2000 წელს დაბადებული ქ.ქ. და 2004 წელს დაბადებული თ.თ. დააკავეს.

დანაშაული 2-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ალკოჰოლის ზემოქმედების ქვეშ მყოფმა ბრალდებულებმა მიმდინარე წლის 15 ივნისს, წყალტუბოში, სასტუმრო „არგოს“ ფასადი ქვებით დააზიანეს და ამავე სასტუმროს მფლობელს ფიზიკური შეურაცხყოფა მიაყენეს.

დაშავებული მამაკაცი საავადმყოფოში გადაიყვანეს, სადაც შესაბამისი სამედიცინო დახმარება გაეწია. მის ჯანმრთელობის მდგომარეობა დამაკმაყოფილებელია.

ბრალდებულები არ დაემორჩილნენ შემთხვევის ადგილზე ოპერატიულად მისული სამართალდამცველების კანონიერ მოთხოვნას და დაკავების დროს პოლიციელებს წინააღმდეგობა გაუწიეს.

რაიმე საგნის გამოყენებით, ჯგუფურად ჩადენილ ხულიგნობის ფაქტზე გამოძიება საქართველოს სისხლის სამართლის კოდექსის 239-ე მუხლის მე-2 ნაწილის „ა“ ქვეპუნქტით და მე-3 ნაწილით მიმდინარეობს.

ბოლო 24 საათის განმავლობაში გამოვლენილია ვირუსით ინფიცირების 5 068 ახალი დადასტურებული შემთხვევა.თბილისში გამოვლენილია 1 959 შემთხვევა, აჭარაში-483, იმერეთში-980, ქვემო ქართლში-296, შიდა ქართლში-222, გურიაში-122, სამეგრელო-ზემო სვანეთში-408, კახეთში-335, მცხეთა-მთიანეთში-130, სამცხე-ჯავახეთში-114, რაჭა-ლეჩხუმსა და ქვემო სვანეთში-19.

ბოლო 24 საათში გამოჯანმრთელდა 2 336 პირი, ხოლო ჯამში გამოჯანმრთელებულთა რაოდენობა გაიზარდა-126 904-მდე.

ბოლო 24 საათში, კორონავირუსისგან კიდევ 38 პაციენტი გარდაიცვალა.

იმერეთში კორონავირუსის 65 შემთხვევა დადასტურდა. ინფიცირებულთა შორის არიან მოსწავლეები და მასწავლებლები.

,,გვქონდა ინფიცირების შემთხვევები წყალტუბოს ერთ-ერთ სოფელში, ქუთაისის რამდენიმე სკოლაში, ტყიბულში იყო შედარებით მრავალრიცხოვანი  შემთხვევა. ყველა სკოლა გადასულია ონლაინ სწავლების რეჟიმზე, ინფიცირებულთა ახლო კონტაქტები არიან კარანტინში.ჯერჯერობით ზომების გამკაცრების აუცილებლობა იმერეთში არ არის, ვინაიდან სიტუაციას ვაკონტროლებთ და უკონტროლო გავრცელება არ გვაქვს.,,-განაცხადა სახელმწიფო რწმუნებულმა იმერეთში.

ზვიად შალამბერიძის ინფორმაციით, იმერეთის მასშტაბით 450 ადამიანი მკურნალობს , 1800 ადამიანი  თვითიზოლაციაშია, 200 კი კარანტინში