ქალთა მიმართ ძალადობის წინააღმდეგ საზოგადოების წარმომადგენლები ერთაინდებიან.
ქალთა მიმართ ძალადობის წინააღმდეგ საზოგადოების წარმომადგენლები ერთაინდებიან.
სათაური: ადვოკატირების გაფართოებული შეხვედრა
სასტუმრო „თბილისი რუმსში“ გაეროს ქალთა ორგანიზაციისა და სამოქალაქო საზოგადოების პარტნიორ ორგანიზაციების - იძულებით გადაადგილებულ ქალთა ასოციაცია „თანხმობის“, ქალთა საინფორმაციო ცენტრისა და ქალთა ფონდი „სოხუმის“ ორგანიზებით გაიმართა იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების გადაუდებელი საჭიროებების მოგვარების თაობაზე ადვოკატირების გაფართოებული შეხვედრა.
ღონისძიებაში მონაწილეობდნენ ეროვნული და ადგილობრივი ხელისუფლების წარმომადგენლები, მათ შორის გენდერული თანასწორობის, ქალთა მიმართ ძალადობისა და ოჯახში ძალადობის უწყებათაშორისი კომისიია; საქართველოს შერიგებისა და სამოქალაქო თანასწორობის საკითხებში სახელმწიფო მინისტრის აპარატი, საქართველოს რეგიონული განვითარებისა და ინფრასტრუქტურის სამინისტრო, საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტრო; სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტო; სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტო; შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტი; სახელმწიფო უსაფრთხოების სამსახური; აფხაზეთის ავტონომიური რესპუბლიკის იუსტიციის დეპარტამენტი; სახალხო დამცველი; საქართველოს ადგილობრივ თვითმმართველობათა ეროვნული ასოციაცია; ადგილობრივი ხელისუფლება სამიზნე მუნიციპალიტეტები; გარდა ამისა, შეხვედრას ესწრებოდნენ საერთაშორისო ორგანიზაციები, საქართველოში მოქმედი დონორი ორგანიზაციები, ქალების, მშვიდობისა და უსაფრთხოების დღის წესრიგზე მომუშავე საერთაშორისო არასამთავრობო ორგანიზაციები, კერძო სექტორი - ქალთა გაძლიერების პრინციპების ხელმომწერი კომპანიები, ქალთა ადგილობრივი ორგანიზაციები, იძულებით გადაადგილებული და კონფლიქტი შედეგად დაზარალებული ქალები - თემის ლიდერები.
ღონისძიების ძირითად მიზანს წარმოადგენდა ქალების, მშვიდობისა და უსაფრთხოების დღის წესრიგის და 2020-2024 წლების საქართველოს ეროვნული სამოქმედო გეგმის განხორციელების გაუმჯობესებისთვის, საქართველოს ცენტრალური და ადგილობრივი ხელისუფლების წარმომადგენლებისა და უშუალოდ კონფლიქტით დაზარალებული და დევნილი ქალების ჩართულობით დისკუსიის გამართვა, კონფლიქტით დაზარალებული ქალებისა და ახალგაზრდების წინაშე არსებულ გამოწვევებზე ინფორმაციის გაზიარება და არსებული პრობლემების გადასაწყვეტად ქმედითი რეაგირების მექანიზმების და გადაწყვეტის გზების განსაზღვრა.
შეხვედრაზე ყურადღება გამახვილდა ეროვნულ სამოქმედო გეგმაში ასახულ ძირითად აქტივობებზე და იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების კეთილდღეობაზე, რომლებიც ცხოვრობენ გამყოფ ხაზთან და დევნილთა დასახლებებში. „საქართველოში კონფლიქტის შედეგად დაზარალებული თემების - ცხინვალის რეგიონის/სამხრეთ ოსეთის გამყოფ ხაზთან და დევნილთა დასახლებებში მცხოვრები მოსახლეობის მდგომარეობის“ საჭიროებების კვლევის მიგნებათა საფუძველზე (კვლევა ხელმისაწვდომია შემდეგ ბმულზე: https://shorturl.at/cjqI1), რომელიც ჩატარდა 2023 წელს არასამთავრობო ორგანიზაციების კოალიციის - იგპ ქალთა ასოციაცია „თანხმობის“, ქალთა ფონდი „სოხუმისა” და „ქალთა საინფორმაციო ცენტრის“ მიერ, გაეროს ქალთა ორგანიზაციასთან პარტნიორობით „ქალების, მშვიდობისა და უსაფრთხოების დღის წესრიგის ეფექტიანი განხორციელებისათვის საქართველოში” პროექტის ლოკალიზაციის კომპონენტის ფარგლებში, რომელსაც მხარს უჭერს დიდი ბრიტანეთის მთავრობის კონფლიქტის, სტაბილურობისა და უსაფრთხოების ფონდი.
ღონისძიების შესავალ ნაწილში ქალთა სამოქალაქო ორგანიზაციებმა და იძულებით გადაადგილებულმა და კონფლიქტით დაზარალებულმა ქალებმა - თემის ლიდერებმა თავად წარმოადგინეს კონკრეტული გამოწვევები, რომლებიც საჭიროებს დაუყოვნებლივ გადაჭრას. დისკუსიები გაიმართა ოთხი ძირითადი მიმართულებით: 1) ინფრასტრუქტურა, 2) სერვისებზე ხელმისაწვდომობა, 3) ადამიანის უსაფრთხოება.
ქალთა ფონდი „სოხუმიდან“ მოხსენებები გააკეთეს შემდეგმა ლიდერმა ქალებმა - ხათუნა გოგუა (ზუგდიდის მუნიციპალიტეტი), ქრისტინა ქუთათელაძე (წყალტუბოს მუნიციპალიტეტი), ბელა კუპრეიშვილი (ქუთაისის მუნიციპალიტეტი).
ღონისძიების მეორე პანელურ ნაწილს მოდერაციას უწევდა ქალთა ფონდი „სოხუმის“ თბილისის წარმომადგენლობის ხელმძღვანელი - ეკატერინე გამახარია, სადაც განხილული იყო დევნილი და კონფლიქტით დაზარალებული ქალებისა და გოგონების ხელმისაწვდომობა არსებულ სერვისებზე.
სენაკის ქალთა სამუშაო ჯგუფისთვის მნიშვნელოვანია ინფორმაციის გაცვლა იმ საკითხებზე, რომლიც მათ მიერ იდენთიფიცირებული პრობლემების ადვოკატირებას შეეხება. სახურავების პრობლემა, საწვიმარი ჟოლოფების არარსებობა, რომელიც მთელს საცხოვრებელს აზიანებს - ეს საკითხები ისევ დგას დღის წესრიგში.
მონაწილეებმა ისაუბრეს პრობლემის ცენტრალურ დონეზე გადაწყვეტის აუცილებლობაზე. გაეცნენ 29 თებერვალს, თბილისში დაგეგმილი კონფერენციის დღის წესრიგს, რომელიც აღნიშნული პრობლემების ცენტრალურ დონეზე მოგვარების კუთხით კარგი შესაძლებლობაა.
„კონფერენციაზე სწორედ ის სამინისტოები იქნებიან წარმოდგენილნი, რომელთაც აღნიშნული საკითხები პირდაპირ ეხებათ. ამიტომაც ჩვენი პრობლემების გაჟღერებით ახალი შესაძლებლობები გაჩნდება - მიაჩნიათ ჯგუფის წევრებს.
ხონის ქალთა საინიციატივო ჯგუფის შეხვედრაზე ჯგუფის წევრებთან ერთად მოხდა ონლიან პეტიციის რეგისტრაცია, რათა ხელი შევუწყოთ ბინათმესაკუთრეთა ამხანაგობების განვითარების პროგრამის დანერგვას ადგილობრივი მუნიციპალიტეტის ბიუჯეტში.
პროგრამის ფარგლებში უზრუნველყოფილი იქნება მუნიციპალიტეტის თანამონაწილეობით ბინათმესაკუთრეთა ამხანაგობების საკუთარი და საერთო საკუთრების მოვლა–პატრონობა. თანადაფინანსების პრინციპით განხორციელებული პროექტებითა და ღონისძიებებით მუნიციპალიტეტი აქტიურად დაეხმარება მოსახლეობას მნიშვნელოვნად გააუმჯობესოს საცხოვრებელი გარემო და შექმნას ხელსაყრელი პირობები სამოქალაქო საზოგადოების განვითარებისათვის.
ქალთა ფონდი „სოხუმის“ თბილისის წარმომადგენლობის ორგანიზებით ახალი მონიტორინგის ანგარიშის - „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის შეფასება“ პრეზენტაცია ონლაინ - Zoom პლათფორმის საშუალებით გაიმართა, რომელიც ორგანიზაციის მკვლევარმა - ნინო კორინთელმა წარმოადგინა.
ღონისძიების შესავალი ნაწილი რელევანტური სახელმწიფო უწყებების წარმომადგენლების მოკლე მოხსენებებს დაეთმო, სადაც ქალთა მიმართ ძალადობის ან/და ოჯახში ძალადობის არსებულ ეროვნულ პრევენციულ მექანიზმებზე მიზნობრივად ისაუბრეს: საქართველოს მთავრობის ადმინისტრაციის ადამიანის უფლებათა დეტაპარტამენტის უფროსის მოადგილემ - ელისო შონიამ, თბილისის ადამიანით ვაჭრობის (ტრეფიკინგის) და ძალადობის მსხვერპლთა მომსახურების დაწესებულების უფროსმა - ინდირა რობაქიძემ, შინაგან საქმეთა სამინისტროს ადამიანის უფლებათა დაცვის სამმართველოს უფროსმა - ანი ფაჩუაშვილმა.
მუნიციპალურ დონეზე დღესარსებული ქალთა მიმართ ძალადობის ან/და ოჯახში ძალადობის საკითხებზე პრევენციული ინსტრუმენტები მიმოიხილა ფონდი "სოხუმის" წარმომადგენელმა - ემა კამკიამ.
ღონისძიების მესამე ნაწილი დაეთმო მუნიციპალიტეტების წარმომადგენლების მიზნობრივ მოსხენებებს, თუ რა მიღწევები და გამოწვევები გააჩნიათ ამ ეტაპზე. მერის წარმომადგენელების როლზე ქალთა მიმართ და ოჯახში ძალადობის პრევენციაში ისაუბრა ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსმა - გოგი რევიამ, უწყებათაშორისი თანამშრომლობის პრაქტიკული ასპექტებზე (მიღწევები და გამოწვევები) - ისაუბრა სენაკის მუნიციპალიტეტეის გენდერული თანასწორობის საბჭოს წევრმა - ნატალია ხუბუამ, ეკონომიკური გაძლიერების მუნიციპალური პროგრამების მნიშვნელობაზე ქალთა მიმართ და ოჯახში ძალადობის პრევენციაში - ქობულეთის მუნიციპალიტეტის განათლების, კულტურის, სპორტის, ტურიზმისა და ახალგაზრდულ საკითხთა კომისიის თავმჯდომარემ - ლია შქარიშვილმა.
შეხვედრაზე კიდევ ერთხელ გამოიკვეთა სახელმწიფო უწყებებს, სამოქალაქო საზოგადოებებსა და მუნიციპალიტეტებს შორის თანამშრომლობის გაძლიერების, ინფორმაციის გაცვლისა და კოორდინირებული მუშაობის აუცილებლობა.
კვლევა ხელმისაწვდომია აქ - https://fsokhumi.ge/index.php/ka/publikacia/informatia-zaladobis-tsinaagmdeg/item/13796-2023-07-13-20-36-14
დღის სიახლეები
-
თუ ადიდდა ცხენისწყალი,სავალალო შედეგს…
ხონის მუნიციპალიტეტის სოფელი მათხოჯის მოსახლეობა დატბორვის საფრთხის წინაშე დგას. .მდინარე ცხენისწყალმა ბუნებრივი კალაპოტი რამდენიმე წლის…
ოთხშაბათი ოქტომბერი 04
In საზოგადოება -
მათემატიკოსი ბერი,რომელმაც მოსწავლეებს მათემატიკა…
,,ადიგენში, სოფელი ზარზმის სკოლაში, არის "ზარზმის აკადემია", რომელშიც ძალიან, ძალიან, ძალიან კარგად და გაძლიერებულად ისწავლება…
ოთხშაბათი ოქტომბერი 04
In საზოგადოება -
გელათში ფერწერის მდგომარეობა დინამიურად…
გელათში ვითარება მძიმეა-ინფორმაციას არასამთავრობო ორგანიზაცია,,ევროპა ჩვენი სახლია,, ავრცელებს. ,,პოლიტიკური როქის გათამაშებიდან, ანუ წულუკიანის მიერ პასუხისმგებლობის…
ოთხშაბათი ოქტომბერი 04
In საზოგადოება -
ქუთაისის პირველი საჯარო სკოლის…
წელს პირველად, საქართველოს უახლეს ისტორიაში მასწავლებლის ეროვნულ დღეს 27 ოქტომბერს ღვაწლმოსილ პედაგოგებს გადაეცემათ მასწავლებლის ეროვნული…
სამშაბათი ოქტომბერი 03
In განათლება -
ძლიერი წვიმის შედეგად ქუთაისში…
ძლიერმა წვიმის შედეგად ქუთაისში ქუჩები დაიტბორა. მუშაობის საგანგებო რეჟიმზე გადავიდა ააიპ ,,სპეციალური სერვისები,, ,,…
სამშაბათი ოქტომბერი 03
In საზოგადოება
გენდერი
-
ადვოკატირების გაფართოებული შეხვედრა
სათაური: ადვოკატირების გაფართოებული შეხვედრა სასტუმრო „თბილისი რუმსში“ გაეროს ქალთა ორგანიზაციისა და სამოქალაქო საზოგადოების პარტნიორ…
ორშაბათი ოქტომბერი 02
In გენდერი -
ახალი შესაძლებლობები პრობლემათა ადვოკატირებისთვის…
სენაკის ქალთა სამუშაო ჯგუფისთვის მნიშვნელოვანია ინფორმაციის გაცვლა იმ საკითხებზე, რომლიც მათ მიერ იდენთიფიცირებული პრობლემების ადვოკატირებას…
კვირა სექტემბერი 24
In გენდერი -
ხონის ქალთა საინიციატივო ჯგუფის…
ხონის ქალთა საინიციატივო ჯგუფის შეხვედრაზე ჯგუფის წევრებთან ერთად მოხდა ონლიან პეტიციის რეგისტრაცია, რათა ხელი შევუწყოთ…
სამშაბათი სექტემბერი 19
In გენდერი -
ქალთა ფონდ სოხუმის ონლაინ…
ქალთა ფონდი „სოხუმის“ თბილისის წარმომადგენლობის ორგანიზებით ახალი მონიტორინგის ანგარიშის - „მუნიციპალიტეტების მიერ ქალთა მიმართ ოჯახში…
ორშაბათი სექტემბერი 18
In გენდერი -
საინფორმაციო შეხვედრა ზუგდიდის ქალთა…
ჩატარდა საინფორმაცი შეხვედრა ზუგდიდის ქალთა საინიციატივო ჯგუფის წევრებთან, სადაც მონაწილეებთან ერთად განხილული იყო შერჩეული პრობლემების…
ხუთშაბათი სექტემბერი 14
In გენდერი
