პარტია „თეთრებმა“ დღეს ქუთაისში მაჟორიტარი დეპუტატობის კანდიდატი წარადგინა. მანდატის მოსაპოვებლად თემურ შაშიაშვილი იბრძოლებს. კანდიდატმა ქალაქის შესაძლებლობებს გაუსვა ხაზი  და აღნიშნა, რომ ქალაქის მმართველობის სტილი შესაცვლელია. შაშიაშვილმა დააანონსა, რომ ხვალიდან ყველა პარტიას სპეციალურ ღია წერილის გადასცემს, სადაც საუბარია 2020 წლის არჩევნებზე, რომელიც კანდიატის თქმით, ღირსების ბრძოლაა საქართველოსთვის.

,,ნაციონალური მოძრაობის,, მაჟორიტარი დეპუტატობის კანდიდატი გრიგოლ ვაშაძე და ქუთაისის მერობის კანდიდატი გიგა შუშანია ქუთაისის აკაკი წერეთლის სახელმწიფო უნივერსიტეტის პროფესორ-მასწავლებლებს შეხვდნენ. შეხვედრა კითხვა-პასუხის რეჟიმში გაიმართა, პედაგოგებმა იმ ვითარებაზე ისაუბრეს, რაც დღეს უნივერსიტეტში და მთლიანად ქუთაისშია.

კანდიდატებმა პირობა დადეს, რომ არჩვენებში გამარჯვებისთანავე შეეცდებიან აკაკი წერეთლის სახლმწიფო უნივერსიტეტში, პრობლემები მოგვარდეს. ასევე აცხადებენ, რომ ქუთაისს ექნება კანონი მისი განსაკუთრებული სტატუსის შესახებ და ქალაქი აუცილებლად გახდება საქართველოს პოლიტიკური და სამხრეთ კავკასიის ტურისტული ცენტრი.

,,ევროპული საქართველოს,, ლიდერებმა ქუთაისში პარტიის წინასაარჩევნო პროგრამა წარადგინეს. 

გამარჯვების შემთხვევაში პარტია მოსახლეობას გადასახადების შემცირებას და შედეგად 1 000 00 სამუშაო ადგილის შექმნას პირდება, რომლის მიხედვითაც წელიწადში თითოეულ ოჯახს საშუალოდ 2000 ლარი დანაზოგი დარჩება.

პარტიის წარმომადგენლები ამბობენ, რომ  გამორიცხავენ და არ შეუქმნიან  კოალიციას ბიძინა ივანიშვილს და "ქართულ ოცნებას", ასევე არ დაუჭერენ მხარს მიხეილ სააკაშვილს პრემიერის თანამდებობაზე. მათ ხელი სპეციალურ დოკუმენტსა-,,ხელშეკრულება ხალხთან,, მოაწერეს.

,,ევროპული საქართველოს,, ლიდერებმა დღესვე ,,ქართული ოცნების ,, 8 წელი შეაფასეს. მათი განცხადებით, ამ ხნის მანძილზე მმართველ გუნდს ხალხის სასიკეთოდ არაფერი გაუკეთებია.

ლეიბორისტული პარტიის ქუთაისის მერობის კანდიდატმა ირაკლი კიკვაძემ საარჩევნო პროგრამა წარადგინა. პროგრამა სამი ძირითადი მიმართულებისგან შედგება, ესაა ახალგაზრდების ხელშეწყობა, რაც სტუდენტებისა და მოსწავლეებისთვის სოციალური შეღავათით სარგებლობას გულისხმობს. ასევე, მეორე- საბიუჯეტო პოლიტიკის ცვლილება, რაც ადმინისტრაციული ხარჯების შემცირებას ითვალისწინებს და მესამე -შემუშავდება დასაქმების სტრატეგია.

ლეიბორისტული პარტიის ქუთაისის მერობის კანდიდატმა ოფიციალურად წინასაარჩევნო კამპანია დღეიდან დაიწყო.

საკრებულოს უმრავლესობის წევრი ალეკო ახალაძე ჟურნალისტებზე თავდასხმის ფაქტს ეხმაურება.მისი თქმით, ბევრი ჟურნალისტი მუშაობს, როგორც მხარე.

,,ჩემთვის კატეგორიულად მიუღებელია მასმედიის თანამშრომლებთან ესეთი დამოკიდებულება, თუმცა უნდა ვთქვა, რომ მასმედიის ძალიან ბევრი წარმომადგენელი უკვე აღარ წარმოადგენს თავისუფალ მედიას.ისინი არიან კონკრეტული პარტიული ორგანიზაციების წარმომადგენლები, მხარე არიან და მიკროფონსა და გადამღებს ამოფარებულები ახორციელებენ მავნებლურ საქმიანობას, რაც მიუღებელია,,-განაცხადა ალეკო ახალაძემ.

გვიან ღამით მარნეულში  ინციდენტი მოხდა . დაშავდნენ „ნაციონალური მოძრაობის“ წარმომადგენლები, „მთავარი არხის“ ჟურნალისტი, ხოლო „პირველი არხის“ ოპერატორს კამერა დაუმტვრიეს და ფიზიკური შეურაცხყოფა მიაყენეს. მომხდართან დაკავშირებით შინაგან საქმეთა სამინისტრომ გამოძიება ჯანმრთელობის დაზიანებისა და ჟურნალისტისთვის პროფესიულ საქმიანობაში უკანონოდ ხელის შეშლის მუხლებით დაიწყო.