Download Newskit App
Lorem Ipsum is simply dummy text of the printing and
typesetting industry.
- გადასვლები: 791
აფხაზეთის გულთან მისასვლელი გზა და მანძილი ხონიდან გულრიფშამდე
,,გამარჯობა,უკაცრავად,გვიანი ხომ არ არის?-"ტელევიზიონშიკის"განწყობით მივესალმე.
,,არა,რას ბრძანებთ,,-მიპასუხა...
,,ხვალ შეგეხმიანებით,ფონდ"სოხუმთან"თანამშრომლობის შესახებ გკითხავთ,,- დავუკონკრეტე მე და წამის შემდეგ ,ნანი ბენიძის სევდანარევი ხმა ოპტიმიზმმა ჩაანაცვლა-"ჩემი ფონდი ,,სოხუმი", 20 ათეულ წელზე მეტი"...
...და ქალბატონმა ნანიმ თბილი და ნაკადულივით კამკამა ხმით ჩამოარაკრაკა ორივესთვის საყვარელი ადამიანების სახელები.საუბარმა კარგა ხანს გასტანა,შიგა და შიგ გვიმძიმდა,თუმცა,სასიამოვნო დიალოგი შედგა.გვიმძიმდა აფხაზეთის ომის პერიოდი ,ცეცხლის ალში გახვეული ურთიერთობები.ნანი ბენიძემ ტკივილით გაიხსენა 3 წლისა და 10 თვის შვილთან ერთად გაჭირვებით გადმოლახული ჭუბერის უღელტეხილი.სოხუმის აეროპორტი,დაზავების მიუხედავად უმოწყალოდ ჩამოგდებული ქართული თვითმფრინავი.38 წლის ძმის შემზარავი დაღუპვის ამბავი და სევდა,რომელმაც,სხვა ოჯახების გვერდით,ბენიძეების კართანაც ჩაიმუხლა.მეუღლე და ორი ობოლი დარჩა ასმეთაურს.4 წლის შემდეგ გადმოასვენეს ძმის ნეშტი.გმირთა მოედანზე დიდი პატივითაა ამოტვიფრული რომან ბენიძის სახელი და გვარი,რომელიც ხონში დაკრძალეს.
ნანი ბენიძისთვის აფხაზეთის შემდეგ ხონი,მშობლიური ქალაქი გახდა და ამის ბევრი მიზეზი არსებობდა.განათლებით ინჟინერ-პოლიგრაფისტს იმერეთის ადმინისტრაციულ ცენტრთან პირველი შეხება მაშინ მოუწია,როცა ,ლენინგრადში,საკმაოდ პრესტიჟულ გარემოში სამუშაო პრაქტიკით განაწილებულმა ნანიმ ფრაზა"ჩემს ქვეყანაში უნდა დავბრუნდე" მტკიცედ წარმოთქვა და ნათქვამი სისრულეში მოიყვანა.თავდაპირველად ქუთაისში,ხოლო შემდეგ ხონში განაგრძო საქმიანობა.საკუთარი გადაწყვეტილება კი ,მარტივად ახსნა - "სამშობლო უპირველესია"-თქვა და დღესაც ამ სულისკვეთებით ცხოვრობს,დღესაც ადამიანებისთვის იღწვის და ფონდ"სოხუმთან "ერთად დევნილი და ადგილობრივი მოსახლეობის პრობლემების მოგვარებას ცდილობს.მიუსაფარი ძაღლების საკითხი ნაწილობრივ გადაიჭრა.ხეების გასხვლის პრობლემა,ასევე ნაგვის ურნების თემა მოგვარებულია. მიტოვებული შენობა_ნაგებობების დასუფთავება_დემონტაჟი მთავარ გამოწვევად რჩება.საუბრისას აღნიშნა,რომ ადგილობრივი თვითმმართველობის ძალისხმევით გაკეთებული სპორტული მოედანი მისასალმებელია,მაგრამ იქვე არსებული ანტისანიტარია სერიოზულ პრობლემას წარმოადგენს . ფიქრობს,რომ,ფონდ"სოხუმთან"ერთად ბევრი რამ გამოვა.საყვარელ ორგანიზაციასთან თანამშრომლობას დიდხანს ,დაუსრულებლად აპირებს და უამრავი საკითხის სისრულეში მოყვანას გეგმავს.
პოლიგრაფიული სასწავლებლის წითელდიპლომიანი კურსდამთავრებულისთვის ,მცირე ხნიანი დიალოგი საკმარისი აღმოჩნდა აეხსნა,თუ რა დატვირთვა გააჩნდა უწინ ობსეტურ ბეჭდვას.რას საქმიანობენ ლინოტიპისტები და როგორია ლინოტიპური ბეჭდვა.გაიხსენა იმ პერიოდის გამომცემლობა და გაზეთი "ხონი". ქალბატონმა ნანი ბენიძემ ,გულრიფშიდან ხონამდე, ტკივილნარევი სიხარულით ,დიდი, მოგონებებით დატვირთული და საინტერესო გზა განვლო.ახლა ხონიდან-გულრიფშამდე გზა, მომავლის იმედით აქვს გასავლელი.იმედით,რომელიც აფხაზეთთან მოფერების სურვილს უღვივებს . ახლახან აღმოაჩინა,რომ შავი ფერის გარდა,მწვანე კაბაც უხდება,თურმე მწვანე ფერიც ყვარებია,როგორც იისფერი ორქიდეა და თეთრი ვარდები. ნატვრა კი ბევრი აქვს,ხოლო უმთავრესი, აფხაზეთის გულთან მისასვლელ გზას უკავშირდება.
ბლოგის ავტორი ნანა რობაქიძე
- გადასვლები: 1619
კორონა სახლში აქვს და არ ყიდის-ქრისტი ქუთათელაძის წარმატების ისტორია
,,წლების წინ,ფონდი ,,სოხუმის,, ტრენინგზე ბენეფიციარის სტატუსით მივედი,ახლა,მათ მიერ განხორციელებული არა ერთი პროექტის მონაწილე ვარ,,_გვიყვება ქრისტი ქუთათელაძე.ის ფონდ "სოხუმის"პროექტის ფარგლებში, წყალტუბოს ქალთა საინიციატივო ქსელის კოორდინატორია.აქტიურ ქალებთან ერთად კვლევის შედეგად გამოვლენილი პრობლემების იდენტიფიცირებასა და ადვოკატირებას ახდენს . როგორც თვითონ ამბობს,ფონდმა"სოხუმმა"მათ სწორი გზა უჩვენა,თუ როგორ მოახერხონ საკუთარი უფლებების დაცვა დემოკრატიულ პრინციპებზე დაყრდნობით. ფონდი"სოხუმის"ქალთა საინიციატივო ჯგუფისა და ადგილობრივი თვითმმართველობის თანამშრომლობით , წყალტუბოს დევნილთა თემში მოხერხდა სანიაღვრე სისტემის მოწესრიგება,მოიხსნა წყლის ტუმბოს პრობლემა,კორპუსებზე გაკეთდა საინფორმაციო წარწერები,მოწესრიგდა გათბობის სისტემა და დაბინძურებული არხის გაწმენდა,რაც მთავარია ბაგა_ბაღის პრობლემა გადაიჭრა.სამომავლოდ დღის წესრიგშია კორპუსის გადახურვის პრობლემის მოგვარება,ფასადების მოწესრიგება,კორპუსების შეფუთვა სირისტის თავიდან აცილების მიზნით.გეგმები ბევრია,იცის,რომ გამოუვა,ისიც იცის,რომ "სოხუმი"გვერდითაა და საქმეს ერთად ბოლომდე მიიყვანენ.
ქრისტი აფხაზეთიდანაა,ქალაქ გაგრიდან,რომლის იძულებით დატოვება აფხაზეთის ომის დროს დედასთან და ახლობლებთან ერთად მოუწია.მამა და ბიძა დღემდე უგზო_უკვლოდ დაკარგულებად ითვლებიან,ხოლო მათი სახელები აფხაზეთის გმირების გვერდით ოქროს ასოებითაა ამოტვიფრული.
ფონდი"სოხუმის"ქალთა საინიციატივო ჯგუფის ხელმძღვანელი,საჯარო სკოლაში კომპიუტერული ტექნოლოგიების მასწავლებელი,სასულიერო სასწავლებლის პედაგოგი,ორი ვაჟიშვილის დედა ქრისტი ქუთათელაძე ასევე, მეწარმე ქალია.საკუთარი ხელით ქმნის ულამაზეს თოჯინებს და მათში სულსა და გულს აქსოვს.
იდეა პირველი შვილის დაბადების შემდეგ, 2013 წელს გაჩნდა.პირველი თოჯინა შვილისთვის მოქსოვა,დღეს თავისი ნაშრომების გამოფენა_გაყიდვას პერმანენტულად აწყობს.
გამოგვიტყდა,რომ კორონა სახლში აქვს და არ ყიდის.მისთვის ის სიმბოლურია,გამოწვევის გამკლავებასა და სიცოცხლის მოფრთხილებასთან ასოცირდება.
საუბრისას აფხაზეთის თემატიკაზე ტილოს მოქსოვა დაგეგმა_დარწმუნებული ვარ, ესეც გამოუვა. ქრისტის ფერადი ფერები უყვარს,გაგვიმხილა,რომ გარდერობშიც ფერადი სამოსი ჭარბობს,შინაგანი სამყაროც ფერადი,თბილი და სიყვარულით სავსე აქვს,ისეთივე ლამაზი და ლაღი,როგორიც გარეგნულადაა.
ამბობს,რომ, ფონდ "სოხუმთან"თანამშრომლობას ვერასდროს შეელევა.
უამრავი სამომავლო გეგმა გააჩნია,უყვარს ადამიანები და მათი კეთილდღეობა ახარებს.შვილების წარმატება და მშვიდობიან საქართველოში ცხოვრება კი,მისთვის უმთავრესია.
- გადასვლები: 1234
აფხაზური ჰორტენზია,ზღვის სურნელი,მშობლიურ მხარეში დაბრუნების სურვილი და ფონდი სოხუმი-ხათუნა გოგუას ისტორია
,,დიდი ხნის წინ,ჩემი და ფონდის"სოხუმი"ურთიერთობა,სრულიად შემთხვევით გადაიკვეთა.საერთო ინტერესებიდან გამომდინარე თანამშრომლობის სურვილი სულ მქონდა და ერთად მეტის კეთების შანსი,რათქმაუნდა ხელიდან არ გავუშვი.დღეს,ფონდი"სოხუმი"ჩემთვის ყველაფერია,,_ამბობს ხათუნა გოგუა.
მანამდე კი...1997 წელი...ომის შემდგომი პერიოდი...პოლიტიკური და სოციალური პრობლემები...რიგები,გაუთავებელი რიგები...ეთნოკონფლიქტი და გათითოკაცებული საქართველო.უამრავ სხვა პრობლემასთან ერთად,ბავშვებისთვის საბავშვო ბაღების არარსებობა იყო.
,,მაშინ,ოროთახიან ბინაში დედა,მამა,ბებია და 5 დედმამიშვილი ვცხოვრობდით,,_იხსენებს ხათუნა გოგუა.,,18 წლის გოგოსთვის საკმაოდ საპასუხისმგებლო მისია ვიტვირთე,ჩემი მოკვლევის შემდეგ,ფართის ერთი,შედარებით დიდი ნაწილის მოწყობა დავიწყე და სულ მალე დღის ცენტრის პირველი 10 ბენეფიციარიც მივიღე.გვერდით ჩემი აფხაზი დედა დამიდგა,რომლის სიყვარულით სავსე გული,იმედიანი სიტყვა და ბაღის ბავშვების მიმართ(ყველა ნაციონალობის) მოფრთხილებული,თბილი დამოკიდებულება ძალას მმატებდა. "წითელქუდამ"(ასე ვუწოდეთ ცენტრს) მოლოდინს გადააჭარბა.ამბავმა განათლების სამინისტროს ყურამდეც მიაღწია.გაზეთებში წერდნენ პატარა გოგონაზე,დიდი საქმეებით.მის შეუპოვრობასა და მიზანდასახულობაზე,დედებისთვის საქმის შემსუბუქებაზე,საზოგადოების გამთლიანების მცდელობასა და სიყვარულის გაღვივებაზე და ეს გოგონა მე,ხათუნა გოგუა ვიყავი,,_იხსენებს ჩვენი რესპონდენტი. დღეს კი,ბაღის შენობისთვის მრავალწლიანი ბრძოლის შემდეგ,ფონდი "სოხუმის"ადვოკატირების ფარგლებში მშენებლობის საკითხი მოგვარდა.დამტკიცდა მიწა.
ფონდის"სოხუმი"ძალისხმევით,პრობლემების ადვოკატირების ფარგლებში ,ბაღის აღმზრდელებისთვის უკვე მოქმედებს შეღავათიანი ტარიფი.
ფონდი "სოხუმის"ზუგდიდის ქალთა საინიციატივო ჯგუფის ხელმძღვანელი ხათუნა გოგუა,პროექტის ფარგლებში გამოვლენილი პრობლემების ადვოკატირების შედეგებზე სიამოვნებითა და სიამაყით გვიყვება. ვცდილობთ,ანალოგიური შეღავათი,სკოლის პედაგოგებსაც შეეხოს.ასევე,ინგირის თემში,კომფორტული გარემოს შესაქმნელად,მოეწყობა სპორტული სკვერი.სამომავლოდ,ფონდ "სოხუმთან" თანამშრომლობით,უამრავი აქტივობის განხორციელება იგეგმება.
მანამდე კი,ხათუნა გოგუა,აფხაზეთის ომის პერიოდს იხსენებს..ენგურის ხიდი..ცეცხლის გახსნა..მძიმედ დაჭრილი ახალგაზრდა მეუღლე რაულ ნარმანია და მისი ჯანმრთელობის გართულებული მდგომარეობა,რასაც 18 წლის მანძილზე ოჯახი გაჭირვებით უმკლავდებოდა...
დღეს ,ხათუნა გოგუას ფიქრი და საქმე,ფონდი"სოხუმის"კვალდაკვალ,აქტიურ საზოგადოებრივ მოღვაწეობასთან ერთად,შვილების,მარიამისა და გიორგის ბედნიერებასა და აფხაზეთში დაბრუნების სურვილს უკავშირდება.
ულამაზესი ქალბატონის სტილი,სადა ჩაცმულობაა,ფერი_ცის.ყვავილებს შორის ჰორტენზია მისი ფავორიტია,რაც ბავშვობას,მზრუნველი ბებოს სითბოსა და აფხაზეთს,იქაურობას ახსენებს. დიდი ნებისყოფის,თბილი გულისა და ნოვატორული იდეების მქონე ხათუნა გოგუა,საუბრისას გამოგვიტყდა,რომ შეუფასებელი განძის მფლობელია,რომლის თავიც უფალს მაშინ შეავედრა,როცა,მშობლიური კერიდან,აფხაზეთის მიწიდან,ჰორტენზიის ყვავილის სიცოცხლედაკარგული ფესვები სათუთად, გულში ჩაკრული,იმედის გასაღვივებელ ნაპერწკლად და სულის საზრდოდ ,აფხაზეთში დაბრუნებამდე,შინ,სახლში მოჰქონდა.
ფონდი "სოხუმის" დაარსებიდან დღემდე ქეთი გვაძაბია აქტიური "სოხუმელია". ფონდთან თანამშრომლობამ, მათთან ერთად პრობლემების მოგვარებაზე ზრუნვამ აქტიურ მოქალაქედ ჩამოაყალიბა.
ფონდი"სოხუმი"სხვა თემებთან ერთად, დევნილთა უფლებებზე, საჭიროებებსა და პრობლემებზე წლებია მუშაობს. უამრავი საკითხის მოგვარება ხდება მათი გვერდით დგომით, ადგილობრივ თვითმმართველობასთან თანამშრომლობითა და ერთიანი ძალებით. ტრენინგები, რომელსაც, ფონდის წევრები გვიტარებენ, ინფორმაციულად დატვირთული, საინტერესო და მნიშვნელოვანია_გვიყვება ქეთი.
ბევრი რამე შევიმეცნეთ, რაც ყოველდღიურობაში გვეხმარება და პრობლემის მოგვარების პროცესში გვიწყობს ხელს. ქუთაისის ქალთა საინიციატივო ჯგუფის მიერ ჩატარებული კვლევების საფუძველზე, უამრავი საჭირბოროტო თემა გამოიკვეთა. პრობლემის იდენტიფიცირების შემდეგ ხდება ადვოკატირება და საკითხის მოგვარებაზე ზრუნვა. ფონდი"სოხუმის" თანადგომით ადგილობრივ თვითმმართველობასთან კომუნიკაცია გაცილებით მარტივი და ხელმისაწვდომი გახდა. გზების, საცხოვრებელი სახლების გადახურვის, საკანალიზაციო სისტემის მოწესრიგებისა და სხვა პრობლემების მოგვარება, უკვე მოხერხდა. საინიციატივო ჯგუფის წევრებმა კარგად იციან, რომ, აქტიურობითა და ერთიანი ძალებით, როგორც დევნილი, ასევე ადგილობრივი მოსახლეობისთვის არსებული თითქმის ყველა პრობლემის მოგვარებაა შესაძლებელი. ფონდი"სოხუმი" განსაკუთრებული მნიშვნელობის ორგანიზაციაა, მათთან, როგორც საკუთარ ოჯახში, თავს ისე ვგრძნობ. ვიცით დაგვეხმარებიან და გვერდით დაგვიდგებიან_ამბობს ქეთი და პარალელს მის მთავარ საქმიანობასთან ავლებს, რომელიც ოჯახისთვის შემოსავლის წყაროდ იქცა და რომლის პოპულარიზაციაშიც ფონდის წვლილი საგრძნობლად დიდია.
ჩემი ნამუშევრების არა ერთი გამოფენა მოეწყო ფონდის მეშვეობით. ხალხმა უკეთ გამიცნო და ჩემს მიერ ნატურალური ტყავით დამზადებული ჩანთებისა და სხვა ხელნაკეთი ნივთების მიმართ ინტერესი გაიზარდა. რაშიც ფონდი "სოხუმი" დამეხმარა. გამოფენის შემდეგ, ჩემი შემოქმედებით, ტელეკომპანია"რიონი" დაინტერესდა და ტელეჟურნალში"7 დღე" ვრცელი სიუჟეტი მომზადდა. მეორე დღეს ქალაქში ყველა მცნობდა, ხოლო, ჩანთების დამზადება ბევრმა ადამიანმა შემიკვეთა.
გულრიფშის რაიონის სოფელ ვარჩეს მკვიდრი წლებია ქუთაისში, მეუღლესთან ერთად ცხოვრობს. აფხაზეთის ომის შემდეგ ჩვენი ქალაქი გახდა მისთვის მშობლიური, თუმცა, აფხაზეთში დაბრუნება და განსხვავებული, ფირუზის ფერი, მოწმენდილი ცის, იქაური სურნელისა და ზღვის შრიალის ხმა, დღემდე არ ამოდის მისი მეხსიერებიდან და იმ კუთხეში დაბრუნებაზე ოცნებობს, რომლის დატოვებაც 28 წლის ასაკში იძულებით მოუწია.მოწონს სალათისფერი კაბა. ყველა ყვავილზე მეტად გვირილა უყვარს, რომელიც მისთვის, პირველ ნახატთან და მზესთან ასოცირდება, ფორთოხლის, ნარინჯისა და ყვითელი ფერების ულამაზესი ნაზავით.
ნატო ქარაიამ ფონდ "სოხუმთან" ურთიერთობა წლების წინ დაიწყო. მაშინ ამომრჩეველ ქალთა კლუბის აქტიური წევრი იყო და მოდერატორის პოზიცია ეკავა. დღეს, ფონდი"სოხუმის" პროექტის ფარგლებში, სენაკის ქალთა საინიციატივო ჯგუფის ხელმძღვანელია. ამბობს, რომ ბუნებით ოპტიმისტს ხელის ჩაქნევა არ სჩვევია და დევნილი მოსახლეობის პრობლემების მოგვარებაში აქტიურადაა ჩართული.
ფონდ"სოხუმთან" თანამშრომლობამ, ბევრი საჭირო ინფორმაცია მოგვცა_გვიყვება ნატო ქარაია. -ტრენინგებმა უფრო მოგვამზადა. ვიცით, როგორ წამოვწიოთ აქტუალური თემები, როგორ ვიმუშაოთ პრობლემის მოსაგვარებლად. ქალები მეტად აქტიურები გახდნენ. ახლა თვითონ იღებენ ინიციატივას, უკვე იციან ვის მიმართონ და როგორ მოაგვარონ საკითხი. ფონდი"სოხუმის" ტრენინგებმა შედეგი გამოიღეს. იყო შემთხვევა, როცა,ძლიერი ქარის დროს ელექტრო ბოძი დაზიანდა, მოსახლეობამ მაშინვე დაიწყო რეაგირება და შესაბამის სამსახურს ინფორმაცია დროულად მიეწოდა. პრობლემა უმოკლეს დროში მოგვარდა.ქალთა აქტიურობით მოგვარდა ასევე უმწვავესი პრობლემა დევნილთა დასახლებაში. შეკეთდა საკანალიზაციო არხი, რომელიც ანტისანიტარიის კერას წარმოადგენდა. საკითხთან დაკავშირებით ადგილობრივ თვითმმართველობასთან პერმანენტულმა შეხვედრამ შედეგი გამოიღო. მოხდა საცხოვრებელი სახლების გადახურვის საკითხის ადვოკატირება. პროცესი ოთხ კორპუსში უკვე დაწყებულია.
ფონდი"სოხუმის" ქსელური შეხვედრების დროს გაირკვა, რომ პრობლემები ყველგან იდენტურია, ხოლო ერთიანი ძალებით, მათი მოგვარება შესაძლებელი.
ნატო ქარაია კელასურის შოთა რუსთაველის სახელობის სკოლაში ქართულ ენასა და ლიტერატურას ასწავლიდა. 27 წლის იყო, როცა აფხაზეთი ომის გამო იძულებით დატოვა. სენაკში ჩამოსვლის შემდეგ ფსიქოლოგიით დაინტერესდა. ახლა, ინკლუზიური განათლების სპეციალური მასწავლებელია.
მეუღლესთან ერთად ცხოვრობს, ჰყავს ორი შვილი და ორი შვილიშვილი. ფიქრობს, რომ მნიშვნელოვანია, მშობლებმა ახალგაზრდებს საკუთარი ძალის რწმენა ჩაუნერგონ.
ოცნებობს იქ, აფხაზეთში დაბრუნებაზე, სადაც დაიბადა. იმედი აქვს, რომ მომავალი თაობა ამას შეძლებს. ოპტიმისტ ქალს წითელი ფერი უყვარს_ხასხასა და ხალისიანი. ღია ფერის კაბები მოსწონს. თვლის, რომ ტიტა ყვავილებს შორის ყველაზე განსხვავებულია, ყველგან ვერ ხარობს, ცოტა ხანს ცოცხლობს, მაგრამ ძალიან ლამაზია.
- გადასვლები: 1212
სოხუმთან ურთიერთობას არასდროს გავწყვეტ_ეს მაია მანდარიას ისტორიაა
1998 წელს ხონის სამხედრო დასახლებაში, სადაც აფხაზეთიდან დევნილები იყვნენ ჩასახლებულები, არასამთავრობო ორგანიზაცია ჩავიდა. მაშინ დევნილებისთვის კიდევ უფრო მეტს ნიშნავდა ყურადღება, თანადგომა, სითბო, იმედი, დახმარების ხელის გაწვდენა. საჭირო ინფორმაციის მიწოდება და რაც მთავარია, სიტყვის საქმედ ქცევა. მაია მანდარია თავისუფალი მსმენელის სტატუსით შეუერთდა ტრენინგის მონაწილეთა მცირერიცხოვან ჯგუფს. სულ მალე, აფხაზეთიდან დევნილი, სოხუმელი ქალისთვის ფონდი "სოხუმი" ისეთივე მშობლიური გახდა, როგორც მონატრებული სახლი და ქალაქი.
ფონდ"სოხუმთან" ხანგრძლივმა თანამშრომლობამ, გამომუშავებულმა უნარ_ჩვევებმა, ცოდნამ და გამოცდილებამ, ერთ დროს პატარა გოგონა, რომელსაც თანაკლასელებთან, ნასწავლი გაკვეთილის მოყოლაც კი ერიდებოდა, ლიდერ ქალად აქცია.
მაია მანდარია ფონდი"სოხუმის" პროექტებში აქტიურადაა ჩართული. ახლა უკვე იცის, რომ ქალს ბევრი სასიკეთო საქმის გაკეთება შეუძლია და ადგილობრივ თვითმმართველობასთან იმ პრობლემების მოგვარების გზების ძიებას ცდილობს, რომელთა გადაჭრაც, როგორც დევნილი, ასევე ადგილობრივი მოსახლეობისთვის სასიცოცხლოდ მნიშვნელოვანია.
,,ფონდი"სოხუმის" მიერ განხორციელებული პროექტების ფარგლებში უამრავი პრობლემა გადაიჭრა. თავდაპირველად ქალთა საინიციატივო ჯგუფში პრობლემის იდენტიფიცირებას ვახდენთ, შემდეგ ადგილობრივ თვითმმართველობასთან ადვოკატირებას ვეწევით და მოსახლეობის საერთო ინტერესებიდან გამომდინარე უმთავრესი პრობლემების მოგვარებას ვცდილობთ. ეს ყველაფერი კი ფონდი"სოხუმის" დამსახურებაა,რომელთანაც ურთიერთობას არასოდეს გავწყვეტ"-გვიყვება მაია.
ახლა ლიდერი ქალის ამოცანა, ყოფილ სამხედრო დასახლებაში რამდენიმე ამორტიზირებული და საფრთხის შემცველი შენობის დემონტაჟია, სადაც, როგორც თვითონ გვიხსნის ბავშვებს თამაში უყვართ. არადა ნაგებობის ჩამონგრევის საშიშროება ყოველ წუთს იმატებს და მაშინ, ტრაგედია გარდაუვალი იქნება. საკითხის შესახებ შესაბამისი ორგანოები ინფორმირებულები არიან და როგორც მაია ამბობს, ფონდი"სოხუმის" და ხონის საინიციატივო ჯგუფის თანადგომით, მოსახლეობასთან ერთად საქმეს ბოლომდე მიიყვანს.
მაია მანდარია მეუღლესთან ერთად სოფელ კუხში ცხოვრობს. ცდილობს ხალხის გვერდით იყოს და პრობლემების მოგვარებაში დაეხმაროს. უყვარს პატარები. იასამნისფერი მოწონს. ვარდი_ყვავილებს შორის მისი ფავორიტია, ხოლო, ჩაცმის სტილი სადა, ელეგანტური და ოფიციალური. მთავარ მიზანს კი ფონდ"სოხუმთან" ერთად დევნილებისთვის, რაც შეიძლება მეტი კარგი საქმის გაკეთება წარმოადგენს.
კონტაქტი
ტელ: +995 558 35 06 15
ელ. ფოსტა: info@act2.ge