სახელმწიფო უსაფრთხოების სამსახურის ინფორმაციით, „ნაციონალური მოძრაობის“ ერთ-ერთი ლიდერი, ლევან ხაბეიშვილი ქრთამის სახით მოხელეებისთვის ფულადი თანხების საჯაროდ დაპირების ფაქტზეა დაკავებული.

ამის შესახებ სუს-ში ბრიფინგი გაიმართა.

დანაშაული სასჯელის სახით 4-დან 7 წლამდე თავისუფლების აღკვეთას ითვალისწინებს.

„ქრთამის სახით მოხელეებისთვის ფულადი თანხების საჯაროდ დაპირების ფაქტს. კერძოდ, ერთ-ერთი პოლიტიკური პარტიის წარმომადგენელი, ლევან ხაბეიშვილი საჯარო სივრცეში ტელევიზიასა და სოციალურ ქსელებში ავრცელებდა მოწოდებებს და ძალოვანი სისტემების თანამშრომლებს ჰპირდებოდა ქრთამის მიცემას იმ შემთხვევაში, თუ ხელისუფლების წინააღმდეგ გამართულ აქციებზე შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლები უარს იტყოდნენ მათზე დაკისრებული მოვალეობების შესრულებაზე, ასევე თუ არ გამოიყენებდნენ მათ ხელთ არსებულ კანონით ნებადართულ საშუალებებს. ვინც ასეთ ქმედებებს განახორციელებდა, ლევან ხაბეიშვილი საჯაროდ ჰპირდებოდა 200 ათასი აშშ დოლარის გადახდას", - განაცხადეს სუს-ში.

თავდაცვის ყოფილი მინისტრი ჯუანშერ ბურჭულაძე დაკავებულია.  განცხადება სახელმწიფო უსაფრთხოების სამსახურში გაკეთდა.

"ჩატარებული ოპერატიულ-სამძებრო და საგამოძიებო მოქმედებების შედეგად, სახელმწიფო პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება, სასამართლოს განჩინების საფუძველზე დაკავებულია საქართველოს თავდაცვის ყოფილი მინისტრი ჯუანშერ ბურჭულაძე", - განაცხადეს სუს-ში.

ქუთაისის მუნიციპალიტეტის მერის მოადგილედ დავით ნიშნიანიძე დაინიშნა. 

ახალი მოადგილე მერის მოვალეობის შემსრულებელმა დავით ერემეიშვილმა წარადგინა.

დავით ნიშნიანიძე დაიბადა ქუთაისში, 1986 წლის 14 აპრილს. დაამთავრა ქუთაისის აკაკი წერეთლის სახელმწიფო უნივერსიტეტის საზოგადოებრივ მეცნიერებათა ფაკულტეტი, ბიზნესის მართვის სპეციალობით.

საქართველოს შსს აკადემიაში გაიარა გადასახადის გადამხდელთა ადმინისტრირების და მომსახურების მიმართულების სტრუქტურული ერთეულების სტაჟირების თეორიული მომზადების, ხოლო 

საქართველოს ბუღალტერთა და აუდიტორთა ფედერაციაში - ფინანსური აღრიცხვისა და საგადასახადო აღრიცხვის სრული კურსი.

 2012 – 2015 წლებში მუშაობდა შპს „აუდიტორული კომპანია GRB -ში“, საგადასახადო შემოწმებების განყოფილების ხელმძღვანელის თანამდებობაზე, 2015 – 2017 წლებში სსიპ „შემოსავლების სამსახურის აუდიტის დეპარტამენტში“, აუდიტორის თანამდებობაზე, 2017 წლის სექტემბრიდან 2018 წლის იანვრის ჩათვლით - ა(ა)იპ ,,ქ. ქუთაისის ბაგა-ბაღების გაერთიანებაში“, მთავარი ბუღალტრის თანამდებობაზე.

2018 წლის იანვრიდან დღემდე იყო ქუთაისის მუნიციპალიტეტის მერიის საფინანსო პოლიტიკისა და სახელმწიფო შესყიდვების სამსახურის ხელმძღვანელი. 

ქუთაისის მერის მოადგილის დავით ნიშნიანიძის უფლებამოსილებაში შედის:

ქუთაისის მუნიციპალიტეტის ბიუჯეტში, ერთი პრიორიტეტის ფარგლებში, პროგრამებს შორის თანხების გადანაწილების, ერთი პროგრამის ფარგლებში ქვეპროგრამებს შორის თანხების გადანაწილების, საბიუჯეტო კლასიფიკაციის მუხლებსა და ქვეპროგრამებს შორის თანხების გადანაწილების და კანონმდებლობით ნებადართული სხვა (არასაბიუჯეტო სახსრები) შემოსავლებით მიღებული სახსრების გადანაწილების საკითხები, საკურატორო სფეროში შემავალი მერიის სტრუქტურული ერთეულების ხელმძღვანელებისა და თანამშრომლებისათვის დავალებების მიცემის საკითხი.

2026 წელსაც 10%-ით გაიზრდება საჯარო მოსამსახურეთა ხელფასები, - ამის შესახებ პრემიერ-მინისტრმა, ირაკლი კობახიძემ მთავრობის სხდომაზე განაცხადა.

როგორც პრემიერმა აღნიშნა, ხელფასების მატება საჯარო სამსახურში გაგრძელდება.

„როგორც მოგეხსენებათ, გასული წლების განმავლობაში ყოველ წელს ხელფასები იმატებდა 10%-ით. 2026 წელსაც 10%-ით გაიზრდება საჯარო მოსამსახურეთა ხელფასები“,- აღნიშნა კობახიძემ.

დღეს, ზუგდიდში "ძლიერი საქართველო - ლელოს" ერთ-ერთმა ლიდერმა, ლევან სამუშიამ და თბილისის ვიცე-მერობის საერთო კანდიდატმა, ალეკო ელისაშვილმა, დასავლეთ საქართველოს ქალაქებსა და მუნიციპალიტეტებში მერობის კანდიდატების წარადგინეს. 

4 ოქტომბრის თვითმმართველობის არჩევნებზე, ზუგდიდის მერობის კანდიდატად წარდგენილია გიორგი თოდუა, ხობში - იური ბუკია.

ხარაგაულის მერობის კანდიდატი ინგა მაღრაძე იქნება, სამტრედიაში კი ბადრი ვაშაკიძე. ხონში წარდგენილია გელა ბობოხიძე, ხოლო ჩოხატაურში "ძლიერი საქართველო - ლელოს" მერობის კანდიდატი ნუგზარ ჩხიკვაძე იქნება.

მიხეილ ყაველაშვილმა პარტია - „ძლიერი საქართველო - ლელოს“ ლიდერები-მამუკა ხაზარაძე და ბადრი ჯაფარიძე შეიწყალა.

როგორც ყაველაშვილის განცხადებაშია ნათქვამი, "მიუხედავად სხვადასხვა გარემოებებისა, პრეზიდენტმა აღნიშნული გადაწყვეტილება მიიღო, რათა არავის დარჩეს იმის თქმის საბაბიც კი, რომ ადგილობრივი თვითმმართველობის არჩევნები შეზღუდული კონკურენტუნარიანობის პირობებში ტარდება".

“გუშინ დასრულდა ადგილობრივი თვითმმართველობის არჩევნებისთვის საარჩევნო სუბიექტების რეგისტრაციის პროცესი. რეგისტრირებულ პოლიტიკურ გაერთიანებებს შორის არის ერთი პარტია - „ძლიერი საქართველო - ლელო“, რომლის ლიდერები ამჟამად კონკრეტული დანაშაულისთვის პენიტენციურ დაწესებულებაში იხდიან სასჯელს.

უდავოა, რომ ადგილობრივი თვითმმართველობის არჩევნები კონკურენტულ გარემოში მათი პატიმრობის პირობებშიც ჩატარდება. ამასთან, ხაზგასასმელია ის გარემოებაც, რომ საზოგადოდ, არჩევნები არ უნდა იქცეს ინდულგენციად არცერთი პოლიტიკოსისთვის, რომელიც დანაშაულს სჩადის. არც ის გარემოებაა მხედველობიდან გასაშვები, რომ ჩემს შეთავაზებას შეწყალების შესახებ შესაბამისმა პატიმრებმა რამდენიმე კვირის წინ უარით უპასუხეს, რითაც პრეზიდენტის ინსტიტუტისთვის შეურაცხყოფის მიყენება სცადეს.

თუმცა, ყველა ზემოაღნიშნული გარემოების მიუხედავად, რათა არავის დარჩეს იმის თქმის საბაბიც კი, რომ ადგილობრივი თვითმმართველობის არჩევნები შეზღუდული კონკურენტუნარიანობის პირობებში ტარდება, მივიღე გადაწყვეტილება ორი მსჯავრდებულის - მამუკა ხაზარაძისა და ბადრი ჯაფარიძის შეწყალების თაობაზე. გამოვთქვამ იმედს, რომ მომავალში ისინი კანონის პატივისცემით განაგრძობენ პოლიტიკურ საქმიანობას.

მოვუწოდებ ყველა საარჩევნო სუბიექტს, ხელი შეუწყოს ადგილობრივი თვითმმართველობის არჩევნების ჯანსაღ და მშვიდ გარემოში ჩატარებას. წარმატებებს ვუსურვებ ყველა საარჩევნო სუბიექტს, რომელიც ადგილობრივი თვითმმართველობის არჩევნებში მუნიციპალიტეტების განვითარებისა და მოსახლეობის ინტერესების რეალიზების გულწრფელი სულისკვეთებით მონაწილეობს”, - აღნიშნულია მიხეილ ყაველაშვილის განცხადებაში.