ქუთაისის 59-ე საოლქო საარჩევნო კომისიის თავმჯდომარის მოადგილის, გელა თუთბერიძის ინფორმაციით, ქუთაისის 130 საარჩევნო უბანზე კრნჭსიყრის პროცედურა 8 საათზე დაიწყო. უმეტეს უნბანზე მისულია პირველი ამომრჩეველი . ტექნიკური ხასიათის დარღვევებს ადგილი არ ჰქონია. ქუთაისში ძირითადი საარჩევნო 123 უბანია და 7 სპეც. უბანი,აქედან ერთი სასჯელაღსრულების დაწესებულებაში,ხოლო დანრჩენი 6 კი ის უბნებია,სადაც კორონავირუსით ინფიცირებული მოქალაქეები მისცემენ ხმას.

ქუთაისში სულ 156275 ამომრჩეველია რეგისტრირებული.

ქუთაისში ,,ერთიანი ნაციონალური მოძრაობის ,, ოფისი დააზიანეს.დღეს დილით ოფისში მისულ წევრებს პარტიის მაჟორიტარი დეპუტატობის კანდიდატის ბანერები წითელი საღებავებით დახვდათ გაფუჭებული.

,,ნაციონალური მოძრაობის,, ქუთაისის მერობის კანდიდატი ფაქტს მმართველ პარტიას უკავშირებს.

 ,,მაშინ როცა ჩვენი აქტივისტები იმყოფებოდა აქციაზე და ოფისები ცარიელი იყო,ქურდულად ,როგორც იცის ,,ქართულმა ოცნებამ,, მოიპარნენ და დააზიანეს ჩვენი ოფისი.ეს ყველაფერი ჩვენი აზრით უკავშირდება ლილუაშვილის ჩამობრძანებას ქუთაისში.გუშინ ის ჩამოვიდა და ჩაიბარა ქუთაისის არჩევნების გაყალბება.მინდა გავაფრთხილო ყველა,რომ ხელი არ წაუცდეთ,თორემ არავინ არაფრის დათმობას არ აპირებს.ხელები დაატყდება ყველას,ვინც გაბედავს ქუთაისლებისთვის არჩევნების მოპარვას,,-აცხადებს ,,ერთიანი ნაციონალური მოძრაობის,, ქუთაისის მერობის კანდიდატი გიგა შუშანია.

ეკონომიკისა და მდგრადი განვითარების მინისტრი ნათია თურნავა ტყიბულში, კომპანია „საქნახშირში“ დასაქმებულ მეშახტეებს შეხვდა. შეხვედრას ასევე ესწრებოდენ სახელმწიფო რწმუნებული იმერეთის რეგიონში ზვიად შალამბერიძე და  "საქნახშირის" მფლობელი კომპანია Steel International Trade Company-ის მენეჯერი ალექსანდრე ჩოჩია.

საქართველოს ეკონომიკისა და მდგრადი განვითარების მინისტრი ნათია თურნავა იმერეთის რეგიონში ქვეყნის გაზიფიცირების 3-წლიანი გეგმის მიმდინარეობის პროცესს ადგილზე გაეცნო. ნათია თურნავა თერჯოლის მუნიციპალიტეტის სოფელ გოგნს და ზესტაფონის მუნიციპალიტეტის სოფელ ქვემო კლდეეთს იმერეთის რეგიონში სახელმწიფო რწმუნებულ ზვიად შალამბერიძესთან, საქართველოს გაზის ტრანსპორტირების კომპანიის გენერალურ დირექტორ მიხეილ შალამბერიძესთან  და  „სოკარ ჯორჯია გაზის“ დირექტორთან, აზერ მამმადოვთან ერთად ესტუმრა.

ქუთაისის მუნიციპალიტეტის საკრებულომ რიგით 35-ე სხდომა გამართა. სხდომას საკრებულოს თავმჯდომარის მოვალეობის შემსრულებელი ირაკლი შენგელია უძღვებოდა.

დეპუტატებმა დღის წესრიგით გათვალისწინებული სხვადასხვა საკითხი განიხილეს და დაამტკიცეს, მათ შორის ქალაქ ქუთაისის მუნიციპალიტეტის ქონების საპრივატიზაციო და სარგებლობაში გასაცემი ობიექტების ნუსხასა და გეგმაში შეტანილი ცვლილებები. ამავე სხდომაზე მიღებული იქნა გადაწყვეტილება, ახალი კორონავირუსისი (COVID 19) გავრცელების გამო, 2020 წლის პირველი ოქტომბრიდან 2020 წლის 31 ოქტომბრის ჩათვლით პერიოდში, ქალაქ ქუთაისში M/1(მსუბუქი ავტომობილი) , M/2( ავტობუსი 5 ტონამდე მასის) და M/3( ავტობუსი 5 ტონაზე მეტი მასის) კატეგორიების ავტოსატრანსპორტო საშუალებებით მომსახურეობის გამწევი კომპანიების ადგილობრივი, საქალაქო, რეგულარული სამგზავრო გადაყვანის მარშრუტებზე ნებართვის გაცემის ფასის გადახდისგან გათავისუფლების თაობაზე.

სხდომას ოპოზიცია არ ესწრებოდა.

დღეს ქუთაისში პარტია ,,ევროპული საქართველოს,, ლიდერები ამომრჩევლებს შეხვდნენ.პარტიული ღონისძიება პარლამენტისა და მთავრობის სახლის ყოფილ შენობებთან,რეგულაციების დაცვით გაიმართა.როგორც აღინიშნა,ადგილი შეირჩა როგორც სიმბოლო ,,მიტოვებული საქართველოს და გაჩერებული პროექტების,,

შეხვედრაზე ქუთაისისა და იმერეთის  განვითარების პერსპექტივებზე ისაუბრეს.