საზოგადოება

: საზოგადოება; 22 სექტემბერი 2023; გადასვლები: 314

როდემდე გაგრძელდება მზიანი ამინდები?

22-24 სექტემბერს სითბოს ფონზე საქართველოს ცალკეულ რაიონში შესაძლოა ხანმოკლე წვიმა აღინიშნოს.

ქ. თბილისში შესაძლებელია მცირე ხანმოკლე წვიმა. ჰაერის ტემპერატურა დღისით +25, +27 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): 22-23 სექტემბერს თბილი და უნალექო ამინდი იქნება, ხოლო 24 სექტემბერს შესაძლოა მცირე ხანმოკლე წვიმა აღინიშნოს. ჰაერის ტემპერატურა დღისით +26, +28 გრადუსია მოსალოდნელი.

დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): 22-23 სექტემბერს თბილი და უნალექო ამინდი იქნება, ხოლო 24 სექტემბერს შესაძლოა მცირე ხანმოკლე წვიმა აღინიშნოს. ზოგან იქროლებს აღმოსავლეთის ქარი. ჰაერის ტემპერატურა დღისით +28, +30 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): 22-23 სექტემბერს თბილი და უნალექო ამინდი იქნება, ხოლო 24 სექტემბერს შესაძლოა მცირე ხანმოკლე წვიმა აღინიშნოს. ჰაერის ტემპერატურა დღისით +26, +28 გრადუსი დაფიქსირდება.

დასავლეთ საქართველოს მაღალმთიან რეგიონებში (მესტია, ბახმარო): 22-23 სექტემბერს თბილი და უნალექო ამინდი იქნება, ხოლო 24 სექტემბერს შესაძლოა მცირე ხანმოკლე წვიმა აღინიშნოს. ჰაერის ტემპერატურა დღისით +22, +24 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან შესაძლოა მცირე ხანმოკლე წვიმა აღინიშნოს. ჰაერის ტემპერატურა დღისით +24, +26 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო,): ზოგან მოსალოდნელია ხანმოკლე წვიმა ელჭექით, ზოგან შესაძლებელია სეტყვა. ჰაერის ტემპერატურა დღისით +24, +26 გრადუსი დაფიქსირდება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): შესაძლოა ხანმოკლე წვიმა აღინიშნოს. ჰაერის ტემპერატურა დღისით +22, +24 გრადუსი დაფიქსირდება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): 22-23 სექტემბერს თბილი და უნალექო ამინდი იქნება, ხოლო 24 სექტემბერს შესაძლოა ხანმოკლე წვიმა აღინიშნოს. ჰაერის ტემპერატურა დღისით +18, +20 გრადუსი დაფიქსირდება.

: საზოგადოება; 22 სექტემბერი 2023; გადასვლები: 320

ქუთაისში გამონაბოლქვის დადგენილ ნორმასთან შეუსაბამობის 149 ფაქტი გამოვლინდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლები 4 სექტემბრიდან თბილისში, რუსთავში, ქუთაისსა და ბათუმში მოძრავი ავტოსატრანსპორტო საშუალებების გამონაბოლქვის კონტროლს ახორციელებენ.

4 სექტემბრიდან 21 სექტემბრის ჩათვლით პერიოდში, დეპარტამენტის მოძრავი ეკიპაჟების მიერ ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობისთვის 641 სამართალდამრღვევი დაჯარიმდა.

დეპარტამენტის თანამშრომლებმა ყველაზე მეტი - 303 დარღვევა თბილისში გამოავლინეს, 149 სამართალდარღვევა დაფიქსირდა ქუთაისში, 109 - ბათუმში, 80 კი, ქალაქ რუსთავში.

641 ჯარიმიდან 508 ფიზიკური პირის სახელზე დაფიქსირდა, 133 შემთხვევაში კი, გარემოსდაცვითი ზედამხედველობის დეპარტამენტის თანამშრომლებმა იურიდიული პირები დააჯარიმეს.

ავტოსატრანსპორტო საშუალებების გამონაბოლქვის კანონმდებლობით დადგენილ ნორმასთან შეუსაბამობისთვის, ფიზიკური პირის შემთხვევაში ჯარიმის ოდენობა პირველ ჯერზე 100 ლარია, მეორე ჯერზე - 300 ლარი, მესამე ჯერზე - 600 ლარი. იურიდიული პირის შემთხვევაში კი, ჯარიმა, შესაბამისად, 500, 1500 და 3000 ლარია. ჯარიმის 10 დღის ვადაში გადახდის შემთხვევაში, სამარალდამრღვევს ჯარიმის ოდენობა 20%-ით შეუმცირდება.

: საზოგადოება; 22 სექტემბერი 2023; გადასვლები: 557

ქუთაისის საერთაშორისო აეროპორტი მემილიონე მგზავრს უმასპინძლებს

პირველად, 70 წლიანი არსებობის მანძილზე, წლის ჭრილში, 24 სექტემბერს, ქუთაისის საერთაშორისო აეროპორტი მემილიონე მგზავრს უმასპინძლებს. აეროპორტების გაერთიანების ინფორმაციით,დაგეგმილია სხვადასხვა ღონისძიება.

ქალაქ ქუთაისში, ვერიკო ანჯაფარიძის სახელობის სკვერის მიმდებარედ (ცისფერყანწელთა ქუჩაზე) 13:00 საათიდან- 20:00 საათამდე გაიმართება ღონისძიება.

ღონისძიებაზე წარმოდგენილი იქნება: საგამოფენო სივრცე „ქუთაისის ავიაციის ისტორია“ - ინტეგრირებული აუდიო გამოფენა ეკრანებით და ყურსასმენებით;

☑ ლექცია თემაზე „ქუთაისის ავიაციის ისტორია“;

☑VR - სათვალეების აქტივობა - სპეციალურად მოწყობილ ინსტალაციაში.

☑ საბავშვო აქტივობები და თამაშები;

☑ გრანდიოზული თემატური გასაფერადებელი კედელი;

☑ ანიმატორები;

☑ თვითმფრინავის ბუშტის ვორქშოფი;

☑ ააწყვე თვითმფრინავი;

☑ ოჩოფეხა პილოტი;

ასევე, სხვა მრავალი საინტერესო და სახალისო აქტივობა.

ღონისძიებაზე ბავშვებს ბევრი სიურპრიზი დახვდებათ.

ღონისძიება კვირას,24 სექტემბერს გაიმართება.

: საზოგადოება; 20 სექტემბერი 2023; გადასვლები: 399

ხარაგაულის მუნიციპალიტეტში დენის წყაროს გამოყენებით უკანონო თევზჭერის ფაქტი გამოვლინდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ქვემო ქართლში, მცხეთა-მთიანეთსა და იმერეთში, თევზჭერის აკრძალული საშუალებით - ელექტროშოკური აპარატით უკანონო თევზჭერის 9 ფაქტი გამოავლინეს.

უკანონო თევზჭერის 5 ფაქტი გამოვლენილია მარნეულის მუნიციპალიტეტში, მდინარეების - ხრამის, დებედასა და მტკვრის კალაპოტებში. მოქალაქეებს, გასაბერი ნავებიდან, ელექტროშოკური აპარატების გამოყენებით, უკანონოდ ჰქონდათ მოპოვებული, ჯამში, 50 კილოგრამზე მეტი სხვადასხვა სახეობის თევზი.

1 სამართალდარღვევა გამოვლინდა გარდაბნის მუნიციპალიტეტში. სოფელ ჯანდარის მიმდებარედ არსებულ არხზე, მოქალაქეს, ელექტროშოკური აპარატის გამოყენებით, უკანონოდ ჰქონდა მოპოვებული 3,7კგ სხვადასხვა სახეობის თევზი.

2 სამართალდარღვევა გამოვლენილია მცხეთის მუნიციპალიტეტში, მტკვრისა და ძეგვის კალაპოტებში.

1 სამართალდარღვევა დეპარტამენტის თანამშრომლებმა აღკვეთეს ხარაგაულის მუნიციპალიტეტში. მოქალაქე, მდინარე ჩხერიმელაზე ე.წ ჩოგან-ბადეზე მიერთებული დენის წყაროს გამოყენებით ახდენდა უკანონო თევზჭერას.

გარემოსადცვითი ზედამხედველობის დეპარტამენტის თანამშრომლებმა გასაბერი ნავები, თევზჭერის აკრძალული საშუალებები და უკანონოდ მოპოვებული თევზი დალუქეს. სამართალდამრღვევების მიმართ შედგა ადმინისტრაციული სამართალდარღვევის შესაბამისი ოქმები. მდინარე დებერას კალაპოტში გამოვლენილი ფაქტი კი, სადაც მოქალაქეებს 45 კილოგრამი ოდენობის თევზი ჰქონდათ მოპოვებული, სისხლის სამართლის დანაშაულის ნიშნებს შეიცავს და მასალები, შემდგომი რეაგირების მიზნით, შესაბამის უწყებაში გადაიგზავნება.

: საზოგადოება; 18 სექტემბერი 2023; გადასვლები: 333

ბაღდათის მუნიციპალიტეტში დღეს ბაღი დაიწყო

ბაღდათის მუნიციპალიტეტის საბავშვო ბაღებში დღეს სწავლა დაიწყო.

ახალი სასწავლო წლის დაწყება საბავშვო ბაღების აღსაზრდელებს, პედაგოგებს და მშობლებს, ბაღდათის მუნიციპალიტეტის მერმა კახა ენუქიძემ, საკრებულოს თავმჯდომარე ნოდარ გიორგიძესთან, საკრებულოს დეპუტატებთან და ა.ა.ი.პ. სკოლამდელი და სკოლის გარეშე დაწესებულებათა გაერთიანების ხელმძღვანელ ნინო რობაქიძესთან ერთად მიულოცა.

წელს ბაღდათის მუნიციპალიტეტის მასშტაბით 623 აღსაზრდელია, პატარებს საბავშვო ბაღების შესაბამის სტანდარტებზე გათვლილი საგანმანათლებლო პროგრამა ექნებათ.

: საზოგადოება; 18 სექტემბერი 2023; გადასვლები: 378

ქუთაისის აეროპორტი ისევ დაიტბორა

ქუთაისის აეროპორტში წყალი ისევ ჩავიდა.,,ერთიანი ნაციონალური მოძრაობის,,იმერეთის პოლიტიკური საბჭოს თავმჯდომარის თქმით,ბოლო ორი თვის მანძილზე ეს მეორე შემთხვევაა.პირველ შემთხვევაში აეროპორტმა დროებით ფუნქციონირება შეწყვიტა.

საკითხთან დაკავშირებით თემურ ცამციშვილმა ქუთაისის საერთაშორისო აეროპორტის წინ ბრიფინგი გაიმართა.

,,პრემიერს მოვუწოდებ,რომ მოილევს მის საქმეს,ერთ ჩარტერს მამამისი დაუფინანსებს და იქნებ ქუთაისში ჩამოფრინდეს და ნახოს რა ხდება.2021 წელს რომ გახსნა ეს აეროპორტი და 110 მილიონ ლარზე მეტია დახარჯული.ადგილობრივმა ხელისუფლებამ აეროპორტი ვერ დააკავშირა ქუთაისს ვერც რკინიგზით,ვერც საზოგადოებრივი ტრანსპორტით,მაგრამ ყოველი წვიმის დროს ქუთაისივით იტბორება აეროპორტი და ეს შეძლო ,,ქართულმა ოცნებამ,, ბოლო 10 წელიწადში,,-განაცხადა თემურ ცამციშვილმა.

დღის სიახლეები

საზოგადოება

Search