გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2026 წლის 1 ივლისიდან 31 ივლისის ჩათვლით პერიოდში, ოთხ ქალაქში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 787 ფაქტი გამოავლინეს.

484 სამართალდარღვევა გამოვლენილია თბილისში, 126 - ქუთაისში, 115 - ბათუმში, 62 კი - რუსთავში. 

 683 სამართალდარღვევა ფიზიკური პირის მიერაა ჩადენილი, 104 შემთხვევაში კი, დეპარტამენტის თანამშრომლებმა იურიდიული პირები დააჯარიმეს. 

აღსანიშნავია, რომ 469 სამართალდარღვევა მსუბუქი ავტომობილების, 299 - მიკროავტობუსების, 19 კი სატვირთო ავტომობილების მძღოლების/მფლობელების მიერაა ჩადენილი.  

ატმოსფერული ჰაერის ხარისხის გაუმჯობესებისა და სატრანსპორტო სექტორიდან დაბინძურების მინიმუმამდე შემცირების მიზნით, დეპარტამენტის ინსპექტორები ქვეყნის ოთხ ქალაქში გზებზე მოძრავი ავტოსატრანსპორტო საშუალებების გამონაბოლქვის კონტროლს ყოველდღიურად ახორციელებენ. 

აგროქიმიკატების არარეგისტრირებულ სარეალიზაციო ობიექტს საქმიანობა შეუჩერდა

სააგენტოს იმერეთის დეპარტამენტის ინსპექტორებმა აგროქიმიკატების არარეგისტრირებული სარეალიზაციო ობიექტი გამოავლინეს. ინდივიდუალური მეწარმე ე.ყ. (მისამართი: ქუთაისი, ნიკეას მე -2 შესახვევი) ბიზნესსაქმიანობას, ეკონომიკურ საქმიანობათა რეესტრში რეგისტრაციისა და სააგენტოს სავალდებულო აღიარების გარეშე ეწეოდა. კანონმდებლობის შესაბამისად, სპეციალიზებული ობიექტის ფუნქციონირებისათვის სავალდებულოა სურსათის ეროვნული სააგენტოს მიერ დადგენილი წესით აღიარება, რაც გულისხმობს სანიტარიულ-ჰიგიენური მოთხოვნების და უსაფრთხოების წესების სრულად დაკმაყოფილებას. 

ბიზნესოპერატორი დაჯარიმდა და საწარმოო პროცესი შეუჩერდა.

შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და წინასწარი შეთანხმებით ჯგუფის მიერ რეალიზაციის ხელშეწყობის ბრალდებით, სხვადასხვა დროს, უცხო ქვეყნის 3 მოქალაქე დააკავეს.

გამოძიებით დგინდება, რომ ბრალდებულები ნარკოტიკული საშუალებების გასაღების დანაშაულებრივ სქემებში იყვნენ ჩართული, ისინი შემდგომში გასაღების მიზნით, ნარკოტიკულ საშუალებას სხვადასხვა ადგილზე ათავსებდნენ, ფოტოებს უღებდნენ და ნარკოტიკული საშუალების შეძენით დაინტერესებულ პირებს უგზავნიდნენ.

სამართალდამცველებმა, ქუთაისსა და წყალტუბოში, ბრალდებულების პირადი ჩხრეკის შედეგად, ასევე მათ მიერ მითითებული ადგილებიდან, ნივთმტკიცებად ამოიღეს სარეალიზაციოდ გამზადებული განსაკუთრებით დიდი ოდენობით - 329 შეკვრა „მეთადონი“.

საგამოძიებო მოქმედებების შედეგად, დაკავებულების დროებითი საცხოვრებლებიდან, ასევე, ამოღებულია ნარკოტიკული საშუალებების დაფასოებისთვის საჭირო მასალები.

გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, პროკურატურასთან ერთად, კომპლექსურად ჩატარებული ოპერატიული ღონისძიებებისა და საგამოძიებო მოქმედებების შედეგად, მოსამართლის განჩინების საფუძველზე, „ქურდულ სამყაროსთან“ კავშირში მყოფი 4 პირი დააკავეს, ხოლო 2 პირს ბრალი დაუსწრებლად წარედგინება.

სამართალდამცველების მიერ, მოსამართლის განჩინების საფუძველზე ჩატარებული ფარული საგამოძიებო მოქმედებების შედეგად დადგინდა, რომ სისხლის სამართლის დანაშაულში ბრალდებული პირები, იმერეთის რეგიონში აქტიურად მონაწილეობდნენ „ქურდულ გარჩევებში“.  

გამოძიებით ასევე, დგინდება, რომ ბრალდებულები შეკრებებზე ე.წ. ქურდული ტრადიციების შესაბამისად იღებდნენ გადაწყვეტილებებს, ხოლო დაკისრებული ვალდებულებების შეუსრულებლობის ან კონკრეტული ვადების დარღვევის შემთხვევაში, მათ ფიზიკური ანგარიშსწორებით, ჯანმრთელობის დაზიანებითა და სიცოცხლის მოსპობით ემუქრებოდნენ.

სამართალდამცველებმა, ბრალდებულების პირადი და საცხოვრებელი სახლების ჩხრეკის შედეგად, ნივთმტკიცებად ამოიღეს კომპიუტერული ტექნიკა და მობილური ტელეფონები, რომელთა საშუალებითაც ისინი ერთმანეთს უკავშირდებოდნენ.

გამოძიება საქართველოს სისხლის სამართლის კოდექსის 223-ე პრიმა, 223-ე ტერცია და 223-ე კვარტა მუხლებით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.

12 აგვისტოს, ქუთაისში, ახალგაზრდობის საერთაშორისო დღე აღინიშნება.

ღონისძიებები ქუთაისის ცენტრალურ ბულვარსა და ფალიაშვილის ქუჩაზე გაიმართება.

ღონისძიებების შეუფერხებლად განხორციელების, ასევე სცენის მონტაჟისა და დემონტაჟის მიზნით, 11 აგვისტოს 18:00 საათიდან 13 აგვისტოს 03:00 საათამდე, ფალიაშვილის ქუჩაზე, №29/4-დან №33-მდე, სატრანსპორტო მოძრაობა შეიზღუდება.

აღნიშნულიდან გამომდინარე, შეიცვლება მუნიციპალური ტრანსპორტის მარშრუტები:

 №1L, №4 და №5 მარშრუტები, ფალიაშვილის ქუჩის ნაცვლად, იმოძრავებენ შემდეგი მიმართულებით: ფანჯიკიძის ქუჩა (ყოფილი პუშკინის ქუჩა) – წერეთლის ქუჩა – აღმაშენებლის გამზირი – გალაკტიონ ტაბიძის ქუჩა – წითელი ხიდი.

№19 და №20 მარშრუტები, ფალიაშვილის ქუჩის ნაცვლად, იმოძრავებენ მარი ბროსეს ქუჩით, ვარლამიშვილის ქუჩით, წმინდა ნინოს ქუჩით და მოძრაობას ფალიაშვილის ქუჩაზე გააგრძელებენ.

№10 და №126 მარშრუტები, ფალიაშვილის ქუჩის ნაცვლად, იმოძრავებენ წითელი ხიდის გავლით.

№3, №4 და №41 მარშრუტები, ფალიაშვილის ქუჩის ნაცვლად, იმოძრავებენ ფანჯიკიძის ქუჩის გავლით.

ინფორმაციას ქუთაისის მუნიციპალიტეტის მერია ავრცელებს. 

ქუთაისში 12 ოქტომბერს ახალგაზრდობის საერთაშორისო დღე რამდენიმე ღონისძიებით აღინიშნება.

ცენტრალური მოედნის მიმდებარედ,ფალიაშვილის ქუჩაზე აქტივობა შუადღის 15:00 საათიდან დაიწყება.დღის ბოლოს ჯგუფ ,,ურსას,, კონცერტი გაიმართება  

ახალგაზრდობის საერთაშორისო დღე  12 აგვისტოს ყოველწლიურად აღინიშნება. თარიღი დაარსდა გაერთიანებული ერების ორგანიზაციის (გაერო) მიერ, მიზანია  ხელი შეეწყოს  ახალგაზრდებისთვის  მნიშვნელოვანი საკითხების საერთაშორისო დღის წესრიგში გათვალისწინებას და ახალგაზრდების  როლის აღიარებას თანამედროვე საზოგადოებაში.