ქუთაისის საერთაშორისო აეროპორტში ათენიდან Wizz Air-ის ჩარტერული რეისი შესრულდება. ინფორმაციას ქუთაისის საერთაშორისო აეროპორტი ავრცელებს. 

ავიაკომპანია Wizz Air ათენში დარჩენილი საქართველოს მოქალაქეებისთვის ჩარტერულ რეისს შეასრულებს, რომელიც ქუთაისის საერთაშორისო აეროპორტის მიმართულებით ამაღამ განხორციელდება.

 ქუთაისის საერთაშორისო აეროპორტისთვის ავიაკომპანიის მიერ მიწოდებული ინფორმაციით, ჩარტერული რეისი ათენიდან ქუთაისში 00:30 საათზე დაეშვება .

რეისი სპეციალურად ორგანიზებულია ათენში დარჩენილი საქართველოს მოქალაქეების სამშობლოში უსაფრთხოდ დაბრუნების მიზნით .

შეგახსენებთ,დღეს უამინდობის გამო ათენი-ქუთაისის რეისი გადაიდო, რასაც მოქალაქეების უკმაყოფილება მოყვა.

წყალტუბოს მუნიციპალიტეტში თოვლის საფარის გაწმენდითი სამუშაოები დილიდან დაიწყო.ინფორმაციას წყალტუბოს მუნიციპალიტეტის მერია ავრცელებს. 

გზებზე მობილიზებულია შესაბამისი ტექნიკა. იწმინდება როგორც ქალაქის ცენტრალური ქუჩები, ასევე სოფლების გზები. შესაბამისი ტექნიკა მუშაობს სოფლებში: წყალტუბო, ქვილიშორი, ცხუნკური, მაღლაკი, გვიშტიბი, გუმბრა, ბანოჯა, რიონი, ოფურჩხეთი, მექვენა, დღნორისა, დერჩი.

ამ ეტაპზე, ელექტროენერგია არ მიეწოდება დაახლოებით 800 აბონენტს; მიმდინარეობს ქსელის აღდგენითი სამუშაოები.

მუნიციპალიტეტის მერის, გენადი ბალანჩივაძის ხელმძღვანელობით, 24-საათიან რეჟიმში მუშაობს მერიის საგანგებო სიტუაციების მართვის შტაბი.

მომსახურების სააგენტოს ინფორმაციით,დიდთოვლობის გამო, ქალაქ ქუთაისში სატრანსპორტო საშუალების მართვის უფლების მისაღები პრაქტიკული გამოცდის პირველი (მოედანი) და მეორე ეტაპი შეჩერებულია.

,,ის პირები, ვისაც დღეს უწევდათ გამოცდაზე გასვლა, ისარგებლებენ სპეციალური შეღავათებით. კერძოდ:

ის პირები, ვისაც პრაქტიკული გამოცდის პირველ ეტაპზე ეწურებათ 30 კალენდარული დღე, გამოცდაზე გასვლის უფლებით სარგებლობას 2026 წლის 6 იანვრის ჩათვლით პერიოდში შეძლებენ;

 პრაქტიკული გამოცდის მეორე ეტაპის გამოცდაზე რეგისტრირებული კანდიდატების მიმართ დისკვალიფიკაცია არ გავრცელდება, გადახდილი თანხა სრულად შეუნარჩუნდებათ და გამოცდაზე გასვლას შეძლებენ 2026 წლის 10 იანვრის ჩათვლით პერიოდში. 

კანდიდატებს, გამოცდაზე გასვლის კონკრეტული თარიღის შესახებ, დეტალური ინფორმაცია ეტაპობრივად ეცნობებათ.,,-საქართველოს მომსახურების სააგენტო. 

დღეს დილიდან დასავლეთ საქართველოში უამინდობამ მაღალი და დაბალი ძაბვების ელექტროქსელის დაზიანება გამოიწვია. ამ წუთებში ,,ენერგო-პრო ჯორჯიას“ ტექნიკური სამსახური საგანგებო რეჟიმში მუშაობს. კომპანიის დამატებითი ბრიგადები დანარჩენი საქართველოდან უკვე ჩასულები არიან დაზიანების ადგილებზე.

განსაკუთრებულად რთული მდგომარეობაა იმერეთის და სამეგრელოს რეგიონებში.

ელექტეოენერგიის მიწოდება შეფერხებული ჰქონდა რკინიგზას. რიკოთის მონაკვეთი უკვე აღდგენილია, თუმცა, ქუთაისთან სამგზავრო მატარებელი გაჩერებულია. აღნიშნულ მონაკვეთს ელექტროენერგიის მიწოდება შეძლებისდაგვარად დროულად აღუდგება.

,,ენერგო-პრო ჯორჯიას ტექნიკური სამსახური საგანგებო რიჟიმში იმუშავებს იქამდე, სანამ სრულად არ აღდგება ენერგომომარაგება.,,-აცხადებენ კომპანიაში.

31 დეკემბერს, საქართველოს მთავრობის, კულტურის სამინისტროს და სსიპ შემოქმედებითი საქართველოს მხარდაჭერით, დაგეგმილია საახალწლო ღონისძიებების ჩატარება.

აღნიშნული ღონისძიებების შეუფერხებლად განხორციელების მიზნით, სცენისა და საახალწლო დეკორაციების მონტაჟისა და დემონტაჟისთვის, დავით აღმაშენებლის სახელობის მოედანზე (გელათის ქუჩა, კოლუმბია-მისურის ქუჩა, ფალიაშვილის ქუჩა, რუსთაველის ქუჩა) საავტომობილო მოძრაობა და პარკირება დროებით შეიზღუდება - მ/წ 29 დეკემბრის 14:00 საათიდან 2026 წლის 1 იანვრის 23 :00 საათამდე.

შესაბამისად, იცვლება მუნიციპალური ტრანსპორტის სვლაგეზები:

N⁰1L ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

 N⁰3 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰4 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

 N⁰5 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

 N⁰41 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

 N⁰133 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩებზე. აღნიშნული სვლაგეზის დანარჩენი მონაკვეთები უცვლელი რჩება.

 N⁰6 ავტობუსი, ნაცვლად აღმაშენებლის მოედნისა, იმოძრავებს დავით და კონსტანტინეს ქუჩის გავლით , ვარლამიშვილის მოედანზე. სვლაგეზის დანარჩენი მონაკვეთები უცვლელი რჩება.

 N⁰19 ავტობუსი, ნაცვლად აღმაშენებლის მოედნისა, იმოძრავებს მარი ბროსეს ქუჩის გავლით, ფალიაშვილის ქუჩაზე. სვლაგეზის დანარჩენი მონაკვეთები უცვლელი რჩება.

 N⁰41 ავტობუსი, ნაცვლად თბილისის ქუჩისა, იმოძრავებს ვარლამიშვილის ქუჩაზე და გაივლის გელათის ქუჩას. სვლაგეზის დანარჩენი მონაკვეთები უცვლელი რჩება.

ფოტო არქივიდან. 

დიდთოვლობის მიუხედავად ქუთაისის საერთაშორისო აეროპორტი ჩვეულ რეჟიმში მუშაობს და ფრენები შეუფერხებლადმიმდინარეობს.ინფორმაციას აეროპორტის ადმინისტრაცია ავრცელებს. 

,,აეროპორტის შესაბამისი სამსახურები დროულად ახორციელებენ საჰაერო ხომალდების მოყინვის საწინააღმდეგო პროცედურებს, ხოლო ასაფრენ-დასაფრენი ზოლი და სამიმოსვლო ბილიკები ინტენსიურად იწმინდება.

დღეისთვის დაგეგმილი ყველა რეისის მიღება და გაშვება ჩვეულ რეჟიმში სრულდება. გამთენიისას არ შესრულდა მხოლოდ ათენის მიმართულებით დაგეგმილი რეისი და საპირისპირო მიმართულებით ფრენა .

უამინდობის გამო თბილისიდან ბათუმის მიმართულებით მოძრავი მატარებლის დროებით შეჩერების შედეგად, ბროწეულას რკინიგზის სადგურთან მყოფი 12 მგზავრის ტრანსპორტირება ქუთაისის საერთაშორისო აეროპორტამდე აეროპორტის შესაბამისმა სამსახურებმა უზრუნველყვეს.

უამინდობა ქუთაისის საერთაშორისო აეროპორტის ტერიტორიაზე 2 იანვრის დღის პირველი ნახევრის ჩათვლით შენარჩუნდება.,,-ქუთაისის საერთაშორისო აეროპორტის ადმინისტრაცია.