ხვალ, 23 დეკემბერს, 19:00 საათზე, თერჯოლაში, მუნიციპალიტეტის მერიის შენობის მიმდებარე ტერიტორიაზე,საქართველოს მთავრობის, კულტურის სამინისტროს და სსიპ შემოქმედებითი საქართველოს მხარდაჭერით, საახალწლო კონცერტი გაიმართება. 

საზეიმოდ აინთება ქალაქის მთავარი ნაძვის ხე. 

კონცერტში მონაწილეობას მიიღებენ: ეკა კახიანი, ნინი ბადურაშვილი, ქრისტინე იმედაძე, თაკო გაჩეჩილაძე, კახა კუხიანიძე, თემურ თათარაშვილი, მაია ჯაბუა, ჯორჯიან სიქს და გუფილენდი. წამყვანი თამუნა გომართელი.

საახალწლო ღონისძიებები ასევე მოიცავს საბავშვო აქტივობებს, ზღაპრის გმირების წარმოდგენებსა , მუსიკალურ ნომრებს. ზეიმის პატარა სტუმრებს თოვლის ბაბუა დაასაჩუქრებს, მოეწყობა ფოიერვერკი.

 ფოტო არქივიდან.

შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, დიდი ოდენობით ნარკოტიკული საშუალების უკანონო შეძენა-შენახვისა, რეალიზაციისა და საბრძოლო მასალის მართლსაწინააღმდეგო შეძენა-შენახვის ბრალდებით 1992 წელს დაბადებული ჯ.დ. დააკავეს.

სამართალდამცველების მიერ, მოსამართლის განჩინების საფუძველზე, ინტენსიურ რეჟიმში ჩატარებული საგამოძიებო მოქმედებების შედეგად, მათ შორის განხორციელებული ფარული აუდიო-ვიდეო ჩანაწერებით დგინდება, რომ ჯ.დ. ნარკოტიკულ საშუალება „მეთადონის“ რეალიზაციას ახდენდა.

პოლიციამ ჯ.დ.-ს მიერ უკანონოდ გაყიდული ნარკოტიკული საშუალება ნივთმტკიცებად ამოიღო, ასევე საცხოვრებელი სახლის ჩხრეკის შედეგად ამოღებულია საბრძოლო ვაზნები.

დანაშაული 20 წლამდე ან უვადო თავისუფლების აღკვეთას ითვალისწინებს. 

ზესტაფონის მუნიციპალიტეტში მთავარი ნაძვის ხე დღეს, 21 დეკემბერს, საზეიმო ვითარებაში აინთება. ცერემონია 19:00 საათზე დაიწყება.გაიმართება საახალწლო კონცერტი, რომელშიც ქართველი მუსიკოსები- ეკა კახიანი,ნინი ბადურაშვილი, სოფო ხალვაში, და სხვები მონაწილეობენ . 

ასევე საახალწლო კონცერტი ჩატარდება 31 დეკემბერსაც . იმღერებენ აჩიკო ნიჟარაძე, დათუნა სირბილაძე და ჯგუფი  ,,ჰერიო,,. ღონისძიება 18:00 საათზე დაიწყება. 

23 დეკემბერს 18:30 საათზე, ბაღდათის მუნიციპალიტეტის მთავარი ნაძვის ხე, ახალგაზრდობის სკვერში, საზეიმოდ აინთება. 

საზეიმო ღონისძიებების ფარგლებში გაიმართება წინასაახალწლო კონცერტი ადგილობრივი შემსრულებლების მონაწილეობით. ღონისძიება ფოიერვერკით დასრულდება.

 ფოტო არქივიდან.

დაცული ტერიტორიების სააგენტოს ინფორმაციით, ტექნიკური სამუშაოების გამო, ვიზიტორებისთვის პრომეთეს,  სათაფლიისა და ნავენახევის მღვიმეები დროებით დაიკეტება.

22-23 დეკემბერს ვიზიტორებს ვერ მიიღებს პრომეთეს მღვიმე.

24 დეკემბერს კი  სათაფლია და ნავენახევის მღვიმე.

საერთაშორისო მნიშვნელობის თბილისი–სენაკი–ლესელიძის საავტომობილო გზის 188-ე კმ-ზე გამავალ მონაკვეთზე, მაგისტრალის შორაპანი-არგვეთას მონაკვეთის მშენებლობის პროექტის ფარგლებში, მიმდინარეობს ელექტროგადამცემი ხაზების მონტაჟის სამუშაოები.

საავტომობილო გზით მოსარგებლეთა საგზაო მოძრაობის უსაფრთხოების პირობების უზრუნველსაყოფად, აღნიშნულ მონაკვეთზე  ავტოტრანსპორტის მოძრაობა იზღუდება.

2025 წლის 18 დეკემბერს 14:00 სთ-დან 16:00 სთ-მდე, საავტომობილო გზის თბილისი-სენაკის მიმართულებით ავტოტრანსპორტის მოძრაობა ჩაიკეტება 4-ჯერ, 2-2 წუთით, ხოლო 19 დეკემბერს 12:00 სთ-დან 14:00 სთ-მდე სენაკი-თბილისის მიმართულებით ავტოტრანსპორტი იმოძრავებს არგვეთას სატრანსპორტო კვანძის პანდუსების და წრიული მოძრაობის გამოყენებით.