6 მაისს, ხონში, ტრადიციულად, ,,ხონელობის ,, სახალხო დღესასწაული აღინიშნება.
სადღესასწაულო ღონისძიებები 12:00 საათიდან დაიწყება.
საზეიმოდ გაიხსნება ახლადრეაბილიტირებული ცენტრალური ბულვარი ( საპილოტე რეგიონების პროგრამა, დაიხარჯა 1 733 109 ლარი).
ცენტრალურ ბულვარში საზოგადოება იხილავს თეატრალურ პერფორმანსებს. ამფითეატრის სცენაზე გაიმართება ,,საპატიო ხონელის,, წოდების მინიჭების ცერემონიალი. ღონისძიება გააგრძელდება ,,თეატრალური კვარტეტი,,-ს კონცერტით.
პარალელურად, ხონის ცენტრალურ სტადიონზე გაიმართება მეგობრული მატჩი ფეხბურთში ვეტერანებს შორის „ლაზეთი“ (ფინდიკლი, თურქეთი) – „იმერეთი“ (ხონი)
კულტურის ცენტრის შენობაში გამოიფინება ირაკლი აბაშიძის მოღვაწეობის ამსახველი ფოტომასალა. ასევე მიმდებარე ტერიტორიაზე მოეწყობა საბავშვო გასართობი სივრცეები და გაიმართება ქორეოგრაფიული პერფორმანსი.
ფოტოკონკურსი ,, იპო,,-ს , ყვავილების, სამხედრო შეიარაღებისა და ტექნიკის, ადგილობრივი ნაწარმის, ხელნაკეთი და ხელოვანთა ნამუშევრების გამოფენა- გაყიდვა, ასევე ეთნოგრაფიული კუთხეები სკვერში და ცენტრალურ მოედანზე მოეწყობა.
წარმოდგენილი იქნება ჯაზ ბიგ ბენდის კონცერტი.
20 :00 საათზე ღონისძიებებს დაასრულებს ჯგუფი ,,რეგიონი”.
