31 დეკემბრის ღამეს, ქუთაისის ცენტრალურ მოედანზე საახალწლო კონცერტი გაიმართება. მოსახლეობისთვის ჯგუფები "მგზავრები," "ოჩოს ქოხი", "ჩვენი კვარტეტი" და ინდილა ჯგერნაია იმღერებენ. დაუკრავს DJ Zapa .

ამ წუთებში ჩაის სახლ"ფოე-ფოეში"ირაკლი მაჩიტაძის სადებიუტო რომანის "სიკვდილის ლურჯი ეკრანი" პრეზენტაცია მიმდინარეობს. 

რომანში ყველაფერი „პლანეტის ფინანსური თუ პოლიტიკური ცენტრებისგან მოშორებით, იმერეთის ერთ პატარა სოფელში, ერთ უცნაურ კაცთან საუბრის შემდეგ“ იწყება.

ირაკლი მაჩიტაძე პროფესიით ჟურნალისტია, ცნობილი ქუთაისური რადიოსადგურის, „ძველი ქალაქის“ დამფუძნებელი და ხელმძღვანელი. მედიაში საქმიანობის ოცდაათწლიანი გამოცდილება და თანამედროვე ტექნოლოგიების ღრმა ცოდნა ავტორს საშუალებას აძლევს, დინამიკური, დამაინტრიგებელი ამბავი შესთავაზოს მკითხველს. მისი რომანის გმირები თანამედროვე, ამბიციური და ავანტიურისტული ბუნების ადამიანები არიან. 

ქალთა ფონდ „სოხუმის“ ინიციატივით, აკაკი წერეთლის სახელმწიფო უნივერსიტეტის სააქტო დარბაზში, ქუთაისში მცხოვრები უკრაინელი ბავშვებისთვის წმინდა ნიკოლოზის დღე აღინიშნა. 

ქუთაისის ოპერის თეატრში მელიტონ ბალანჩივაძის სახელობის ახალგაზრდა მუსიკოს-შემსრულებელთა  საერთაშორისო კონკურსი გაიხსნა. წელს კონკურსი  ქართული საკომპოზიტორო სკოლის და პროფესიული მუსიკალური განმანათლებლობის ერთ-ერთი ფუძემდებლის მელიტონ ბალანჩივაძის დაბადებიდან 160-ე წლისთავს ეძღვნება.

 "N-ოვაცია 2022"  ხვალ გაიხსნება და 19 დეკემბერს დასრულდება. 

 

ქუთაისში, დავით კაკაბაძის სახვითი ხელოვნების გალერეაში ფოტოგამოფენა "ბოდიფონტი" გაიმართა.