სომხეთის ქალაქ ვანაძორში ჩატარდა საერთაშორისო ტურნირი 2010-2011 წლებში დაბადებულ მოკრივეთა შორის, სადაც საქართველოს, სომხეთისა და ისრაელის ასაკობრივი გუნდები მონაწილეობდნენ. 

ტურნირზე წარმატებით გამოვიდა ქუთაისის აკაკი კაკაურიძის სახელობის N18 კრივის სპორტსკოლის გუნდი. ქუთაისელმა მოკრივეებმა 5 ოქროს, 7 ვერცხლისა და 4 ბრინჯაოს მედალი მოიპოვეს. 

ვანაძორის საერთაშორისო ტურნირის გამარჯვებულები გახდნენ: საბა კერძევაძე ( 42კგ. მწვრთნელი, ირაკლი გვენეტაძე), ვლადიმერ ხვისტანი (46კგ. მწვრთნელი, ზაალ ჯავახაძე), მათე თათელიშვილი (40კგ. მწვრთნელი, მამუკა სუთიძე), საბა რატიანი (60კგ. მწვრთნელი, მამუკა სუთიძე), საბა ობოლაძე (54კგ. მწვრთნელი, გიორგი ქოჩიშვილი).

,,ამ ტურნირზე ნაჩვენები შედეგების მიხედვით დაკომპლექტება გუნდი, რომელიც ჯერ საქართველოს ჩემპიონატში მიიღებს მონაწილეობას, გამარჯვების შემთხვევაში კი ევროპის ჩემპიონატზე იასპარეზებს" - აღნიშნა კრივის სპორტსკოლის დირექტორმა ირაკლი გვენეტაძემ.

საქართველოს 21 წლამდე ნაკრები საკვალიფიკაციო რაუნდის ბოლო მატჩს ქუთაისში ითამაშებს.

ახალგაზრდული ნაკრები შენგელია არენაზე უეფას 2025 წლის 21 წლამდელთა ევროპის ჩემპიონატის საკვალიფიკაციო ეტაპის ფარგლებში ჩრდილოეთ მაკედონიას დაუპირისპირდება.

მატჩი 20:00 საათზე დაიწყება.

 თამაში ახალგაზრდული ნაკრებისთვის ძალიან მნიშვნელოვანია.თუ 10 ოქტომბერს, სტუმრად შვედეთში ქართველები მასპინძლებთან მინიმუმ ფრეს ითამაშებენ, მაკედონიასთან გამარჯვების შემთხვევაში მინიმუმ პლეი-ოფის, ხოლო შესაძლებელია პირდაპირ ევროპის ჩემპიონატის საგზური მოვიპოვოთ.

 საქართველოს სარაგბო ჩემპიონატის ,,დიდი 10” - ის ლიდერები ქუთაისური გუნდები ,,აია” და ,,არესი” არიან.

საქართველოს მოქმედმა ჩემპიონმა ,,აიამ” ოთხიდან, ოთხივე შეხვედრა მოიგო და 17 ქულით პირველ ადგილზეა. ქუთაისელებმა გუშინ ,,აია” არენაზე რუსთავის ,,ხარები” 24:12 დაამარცხეს. 

დიდი 10- ის IV ტურში გამარჯვება იზეიმა ,,არესმაც”, რომელმაც საოცრად დაძაბულ და სანახაობრივ შეხვედრაში სტუმრად ,,არმია” დაამარცხა ანგარიშით 48:41.

,,არესი” სატურნირო ცხრილში, 15 ქულით მეორე ადგილზეა. 

მომდევნო ტურის შეხვედრებს ქუთაისური გუნდები 11-13 ოქტომბერს გამართავენ. 

,,არესი” 11 ოქტომბერს ,,აია არენაზე” ბოლნისის ,,ყოჩებს” ეთამაშება (დასაწყისი-17:00).

 ,,აია” 13 ოქტომბერს სტუმრად ,,ხვამლს” დაუპირისპირდება.

ლას-ვეგასში, „სფეროს“ არენაზე, UFC 306-ის ღონისძიების ფარგლებში ქართველი მებრძოლი მერაბ დვალიშვილი სუპერმსუბუქი წონის საჩემპიონატო ქამრისთვის ოქტაგონზე მოქმედ ჩემპიონს, ამერიკელ შონ ო’მალის, დაუპირისპირდა, მეტოქე დაამარცხა და მეორე ქართველი გახდა, რომელმაც UFC-ის ჩემპიონობა იზეიმა.

მერაბ დვალიშვილმა შონ ო’მალი ხუთრაუნდიან ბრძოლაში დაამარცხა და MMA-ს ყველაზე პრესტიჟული ორგანიზაციის ჩემპიონის ტიტულის მოპოვება შეძლო. 33 წლის მერაბ დვალიშვილმა UFC-ში ზედიზედ მეთერთმეტე ბრძოლა მოიგო.

შეგახსენებთ, რომ მიმდინარე წლის თებერვალში ქვემსუბუქი წონის ჩემპიონი გახდა ილია თოფურია, ის პირველი ქართველი მებრძოლია, რომელმაც UFC-ის ჩემპიონობა იზეიმა. მან საჩემპიონო ქამრისთვის ავსტრალიელი ალექსანდრ ვოლკანოვსკი დაამარცხა.

გერმანიის მეორე ბუნდესლიგის მეხუთე ტურის შეხვედრაში ბუდუ ზივზივაძის „კარლსრუემ“ საკუთარ მოედანზე „შალკე“ 2:0  დაამარცხა. ქუთაისელმა ფეხბურთელმა დუბლი შეასრულა.

ბუდუ ზივძივაძემ ანგარიში პირველი ტაიმის მიწურულს, 45+3-ე წუთზე გახსხნა, ხოლო მეორე გოლი 73-ე წუთზე გაიტანა.

 ზივზივაძემ გერმანიის მეორე ბუნდესლიგის მიმდინარე სეზონში ექვსი გოლი  გაიტანა და ერთი საგოლე გადაცემაც მის ანგარიშზეა.ამ მაჩვენებლით ის ბომბარდირთა დავის ლიდერია.

 „კარლსრუეს“, ხუთი ტურის შემდეგ 13 ქულა აქვს და  სატურნირო ცხრილში პირველ ადგილზეა

დღეს,  საქართველოს ნაკრები სტუმრად ალბანეთს დაუპირისპირდება. შეხვედრა ტირანიის გაიმართება და საქართველოს დროით 22:45 დაიწყება.თამაშის ტრანსლირება ქუთაისში, დიდი ეკრანზე განხორციელდება. 

,,10 სექტემბერს, ევროპის ერთა ლიგის ჯგუფურ ეტაპზე, საქართველოს ეროვნული საფეხბურთო ნაკრებისა და ალბანეთის ნაკრების თამაშის პირდაპირი ტრანსლირება გაიმართება ქუთაისში, ასსაფეხურიანი კიბის მიმდებარე ტერიტორიაზე.

 ერთად ვუგულშემატკივროთ ჩვენი ქვეყნის ეროვნულ ნაკრებს!,,-ქუთაისის მუნიციპალიტეტის მერია.