მერაბ დვალიშვილის დიდებული გამარჯვება - უკვე მეორედ, ქამარი დაცულია.

ქართველი მებრძოლი მერაბ დვალიშვილი სუპერმსუბუქი წონის საჩემპიონატო ქამრის დასაცავად  ოქტაგონზე  ამერიკელ შონ ო’მალის, დაუპირისპირდა და მეტოქე დაამარცხა .

ბრძოლა ქამრის დასაცავად 3 რაუნდი გაგრძელდა.

მერაბ დვალიშვილს ეკუთნის UFC-ის ისტორიაში მეოთხე ყველაზე გრძელი გამარჯვებათა სერია. მან  ზედიზედ მე-13 ბრძოლა მოიგო.

დღეს ქუთაისში საქართველო-კაბო ვერდეს შორის ამხანაგური მატჩი გაიმართება.  ყველა ბილეთი გაყიდულია.

ივნისის თვის მეორე ამხანაგური თამაში კაბო ვერდეს წინააღმდეგ ქუთაისის რამაზ შენგელიას სახელობის სტადიონზე, 8 ივნისს, 20:00 საათზე დაიწყება. 

პირველი ამხანაგური მატჩი კი 5 ივნისს, დინამო არენაზე შედგა.საქართველო-ფარერის კუნძულების წინააღმდეგ შეხვედრა მინიმალური ანგარიშით 1:0 დასრულდა.

საქართველოს ეროვნულმა  ნაკრებმა ქუთაისში ბოლოს 8 წლის წინ, 2017 წლის 13 ნოემბერს, ბელარუსის წინააღმდეგ ითამაშა.მაშინ შეხვედრა 2-2 დასრულდა. 

კაბო-ვერდეს საფეხბურთო ნაკრები ფიფას რეიტინგში 72-ე ადგილზეა,ხოლო საქართველოს ნაკრები 68-ე ადგილზე იმყოფება. 

ევროპის სასკოლო ჩემპიონატზე, 9 წლამდე ასაკის გოგონათა შორის, ბრწყინვალე გამარჯვება მოიპოვა ლილე სვანაძემ.

 ლილე ქუთაისის საჭადრაკო სკოლას, წარმოადგენს,მისი მწვრთნელი ხათუნა გუბელაძეა.

უკვე მესამედ, ქუთაისელი პარამკლავჭიდელი, ვახტანგ ახობაძე ევროპის ჩემპიონია.

მისი მწვრთნელი ირაკლი გამთენაძეა.

ევროპის ჩემპიონატი რუმინეთში, ქალაქ კლუჟ-ნაპოკა-ში მიმდინარეობს.

ვახტან ახობაძე არის მსოფლიოს ჩემპიონიც.2024 წელს, მოლდოვაში გამართულ მსოფლიო ჩემპიონატზე, ვახტანგ ახობაძემ 60 კგ წონით კატეგორიაში (მარჯვენა მკლავი) ოქროს მედალი მოიპოვა. ეს მისი მეორე მსოფლიო ჩემპიონობაა; პირველი გამარჯვება 2015 წელს მალაიზიაში გამართულ ჩემპიონატზე მოიპოვა .

ის 2024 წელს ქუთაისის წლის საუკეთესო სპორტსმენად დასახელდა .

ქუთაისელი მკლავჭიდელები ევროპის ჩემპიონატზე ლიდერობენ.

რუმინეთის ქალაქ კლუჟ-ნაპოკა-ში მკლავჭიდის ევროპის ჩემპიონატი იმართება. ქუთაისელი ავთო თუთბერიძე, 23 წლამდელთა შორის ოქროს მედლის მლობელია, მარცხენა მკლავი.

მესამე ადგილი - ნოდარ ბოჯგუა, მარცხენა მკლავი. 

მესამე ადგილი - 18 წლამდელებს შორის, ნიკოლოზ ყიფშიძე, მარცხენა მკლავი.

მწვრთნელი ირაკლი გამთენაძეა.

ისტორიაში პირველად, აკადემიური ნიჩბოსნობის ევროპის ჩემპიონატზე საქართველომ მედალი მოიპოვა. ნაკრების ორივე სპორტსმენი ქუთაისის ა(ა)იპ სპორტულ დაწესებულებათა გაერთიანების მოსწავლეა (მწვრთნელი, ნიკოლოზ მიქაუტაძე).

ნიჩბოსნობაში ევროპის ჩემპიონატი, ბულგარეთის ქალაქ პლოვდივში გაიმართა. აკადემიური ნიჩბოსნობის აბსოლუტურ ასაკში ორადგილიანი გასაშლელი ნავით, გიორგი კანთელაძემ და დავით ლაშქარეიშვილმა 2000-მეტრიანი დისტანცია 06:59,12 წამში დაფარეს და ვერცხლის მედალი მოიპოვეს.