თურქეთში, ქალაქ ანტალიაში ძიუდოში, კადეტთა შორის ევროპის თასი გაიმართა.

საქართველოს ნაკრებნა 6 მედალი მოიპოვა. 

ქუთაისელი ვალერი ლაცაბიძე (+90 კგ), ვერცხლის მედალს დაეუფლა. მისი წვრთნელი ვაჟა შველიძეა.

ბაღდათის მუნიციპალიტეტის მერიასა და ა.ა.ი.პ. რაგბის კლუბ ,,ბაღდათს" შორის ურთიერთთანამშრომლობის მემორანდუმი გაფორმდა. 

მემორანდუმს ბაღდათის მერმა ნოდარ გიორგიძემ და საქართველოს ეროვნული რაგბის ნაკრების წევრმა ვანო კარკაძემ მოაწერეს ხელი.

რაგბის კლუბი ,,ბაღდათი" 2025 წელს დაარსდა და მისი წევრები საქართველოს ეროვნული სარაგბო ნაკრების ბაღდათელი მოთამაშეები არიან. 

ბაღდათის მუნიციპალიტეტში რაგბის კლუბის შექმნის მიზანი ბავშვებსა და მოზარდებში რაგბის პოპულარიზაცია, მწვრთნელების პროფესიონალური გადამზადება და სარაგბო ინფრასტრუქტურის შექმნაა.

დღესვე ბაღდათის მუნიციპალიტეტის მერი ნოდარ გიორგიძე, საკრებულოს თავმჯდომარე გურამ კიკნაველიძესთან და მერის მოადგილეებთან ერთად, რაგბის კლუბის წევრებს შეხვდა და მათ წარმატებები უსურვა.

28 თებერვალს ჭიათურაში უწყვეტი პროტესტის ერთი წელი სრულდება.  მაღაროელები, რომლებიც ჭიათურაში არსებულ სიტუაციას აპროტესტებენ,  28-ში, 14:00 საათზე  აქციას აანონსებენ.

,,გაუტეხელობის და სიმტკიცის ერთი წელი.

ჭიათურას ყავს ოთხი უკანონო პატიმარი. მათი „დანაშაული“ იყო ის, რომ არ გაჩუმდნენ, არ დაუხარეს თავი უსამართლობას.

საქმე ცრუ მოწმეების დახმარებით შეკერეს, რომ ყველასთვის ეჩვენებინათ, რა ელის პრინციპულ პოზიციას.

მაგრამ ჩვენ აქ ვართ, როგორც გამძლეობის მაგალითი.

და ეს მხოლოდ ჩვენი დაპატიმრებული მეგობრების, მერაბის, თენგოს, აჩიკოს და გიორგის გათავისუფლებულების ბრძოლა არ არის.

ჩვენ ვიბრძვით მათთვისაც, ვინც მაღაროში სამუშაოდ ჩავიდა და იქ სოცკის ახალი წესები დახვდა - გაუარესებული შრომის პირობები, დაკნინებული უსაფრთხოება და ღირსების განცდა.

ჭიათურაში რეორგანიზაციის სახელით 2000-მდე სამუშაო ადგილი გაქრა.

1050-ზე მეტი ადამიანი საჯაროდ ითხოვს დასაქმებას, რომლებიც ჯორჯიან მანგანეზმა და სოცკიმ მოატყუეს და შეცდომაში შეიყვანეს.

ასობით ოჯახი შემოსავლის გარეშე დარჩა.

ასობით მშრომელი იძულებით წავიდა ქალაქიდან და ქვეყნიდან.

შემოსავლის გარეშე დარჩენილ ოჯახებს ბანკები გამოსახლებით ემუქრებიან.

ყვირილა კიდევ უფრო შავია, ვიდრე გუშინ.

ერთი წლის წინ ყველა ერთად ვიდექით ქუჩაში - მაღაროელი, მაღაზიის მფლობელი თუ გამყიდველი, მოსწავლე და მასწავლებელი და უკეთესი ჭიათურისთვის ვიბრძოდით.

ეს პასუხისმგებლობა არ გამქრალა.

არჩევანი ისევ ისეთია: ერთად დგომა, ან დუმილი.

ჭიათურა დღეს სოციალური პროტესტის ეპიცენტრია. აქ წყდება, იქნება თუ არა დაცული ღირსეული შრომის და ცხოვრების უფლება.

ჩადექი საერთო სოლიდარობის ჯაჭვში.

დადექი ეპიცენტრში!

28 თებერვალი, 14:00 საათი და შეკრების ადგილი ტრადიციულად ტრესტის მიმდებარე ტერიტორიაა მერიის წინ. ,,-წერს სოციალურ ქსელში გვერდი ,,მაღაროელი,,. 

ქალაქ ფოთში საქართველოს 19-წლამდელთა ჩემპიონატი გაიმართა კრივში.

ქუთაისელმა მოკრივემ დავით მხეცაძემ (80კგ) ფინალში ილია პაპუაშვილი დაამარცხა და ოქროს მედალი მოიპოვა. (მწვრთნელი, ზაალ ჯავახაძე)

დავით მხეცაძე ოქტომბრის თვეში მსოფლიო ჩემპიონატზე იასპარეზებს.

მარტის თვეში კი ის ტაილანდში მსოფლიო თასზე მიემგზავრება.

ქუთაისელი გიორგი გოგელაშვილი ბერძნულ რომაულ ჭიდაობაში საქართველოს ჩემპიონი გახდა.

საქართველოს ჩემპიონატი 23 წლამდელთა შორის ბერძნულ-რომაული სტილით ჭიდაობაში ქალაქ გორში გაიმართა. 

ქუთაისელ სპორტსმენთა შედეგები ასეთია-პირველი ადგილი-გიორგი გოგელაშვილი 77კგ;

მეორე ადგილი-თემურ სიმსივე 130კგ;

მესამე ადგილი-ზურაბ მელაძე 87კგ.

მუნიციპალური განვითარების ფონდმა რაგბის 14 სტადიონის მშენებლობისთვის ტენდერი გამოაცხადა.

დაგეგმილია 12 ხელოვნურსაფარიანი მოედნის აშენება: თბილისის ზღვის მიმდებარედ, ფონიჭალაში, თბილისის 180-ე საჯარო სკოლის ტერიტორიაზე, მცხეთის მუნიციპალიტეტის სოფელ წეროვანში, წყალტუბოში, გურჯაანში, საჩხერეში, ყაზბეგის მუნიციპალიტეტის დაბა სტეფანწმინდაში, ლენტეხში, ამბროლაურში, ხაშურის მუნიციპალიტეტის დაბა სურამში და ცაგერის მუნიციპალიტეტის სოფელ ორბელში.

ქუთაისში და წყალტუბოს მუნიციპალიტეტის სოფელ გუმბარაში, კი, მუნიციპალური განვითარების ფონდი, გეგმავს რაგბის ბუნებრივსაფარიანი სტადიონების მშენებლობას.

გარდა ამისა, დაგეგმილია ქუთაისის „აიას“ სტადიონისა და თბილისში, ავჭალაში მდებარე სტადიონის რეაბილიტაცია.

ვარკეთილში კი აშენდება 2000 მაყურებელზე გათლილი ახალი, ბუნებრივსაფრიანი სტადიონი, რომელიც საერთაშორისო თამაშებსაც მოემსახურება.