ტყიბულელი ილია სულამანიძე ევროპის ჩემპიონატის ბრინჯაოს პრიზიორია.

მისი მეტოქე ზელიმ კოცოევი უნდა ყოფილიყო, თუმცა აზერბაიჯანელმა 1/2-ფინალში აკრძალული ილეთი შეასრულა, რის გამოც დაისაჯა და ტურნირიდან მოიხსნა.

სულამიძემ რეპეშაჟში შვეიცარიელ დანიელ ეიხს იპონით მოუგო.

ევროპის ჩემპიონატი თბილისში იმართება.

ქართველი სპორტსმენების ანგარიშზე უკვე არის 3 ოქროს და ორი ვერცხლის მედალი.

ევროპის ჩემპიონები არიან: ლაშა შავდათუაშვილი(73 კგ) , ეთერ ლიპარტელიანი (57 კგ) და  ლუკა მაისურაძე (90კგ).

ვერცხლის მედლები მოიპოვეს გიორგი სარდალაშვილმა (60 კგ) და ტატო გრიგალაშვილმა (81 კგ).

დღეს ევროპის ჩემპიონატის ოქროსთვის გურამ თუშიშვილი იბრძოლებს.