კულტურა

: კულტურა; 07 დეკემბერი 2022; გადასვლები: 821

საახალწლო კონცერტზე მომღერლების ჰონორარისთვის 55 700 ლარი დაიხარჯება

31 დეკემბრის ღამეს, ქუთაისის ცენტრალურ მოედანზე საახალწლო კონცერტი გაიმართება. მოსახლეობისთვის ჯგუფე "მგზავრები," "ოჩოს ქოხი", "ჩვენი კვარტეტი" და ი დილა ჯგერნაია იმღერებს. მომღერლების ჰონორარში 55 700 ლარი დაიხარჯება.

ჯგუფი „მგზავრები” - 42 000 ლარი, „ჩვენი კვარტეტი” - 4 000 ლარი, „ოჩოს ქოხი” - 7 655 ლარი, ინდირა ჯგერნაია - 2 045 ლარი.

წელს ქუთაისს ახალი ნაძვის ხე ექნება. შესაძენად ბიუჯეტიდან 146 000 ლარი დაიხარჯა. სად დაიდგმება ახალი ნაძვის ხე,უცნობია.

: კულტურა; 04 დეკემბერი 2022; გადასვლები: 869

2023 წელს ქუთაისელი ხელოვანის, არსენ ფოჩხუას ნამუშევრების გამოფენა გაიმართება- კულტურის მინისტრი

კულტურის, სპორტისა და ახალგაზრდობის მინისტრი თეა წულუკიანი და იმერეთში სახელმწიფო რწმუნებული ზვიად შალამბერიძე, ქუთაისში არსენ ფოჩხუას ოჯახს ესტუმრნენ.

საქართველოს დამსახურებული არტისტის 200-ზე მეტი ნამუშევარი მისივე სახლში ინახება და მათ ხელოვანის მეუღლე პატრონობს.

ლია ქურციკიძის თქმით, აუცილებელია, რომ მეტმა მოსწავლემ და ახალგაზრდამ იხილოს და ეზიაროს არსენ ფოჩხუას შემოქმედებას. მან მადლობა გადაუხადა თეა წულუკიანს საკითხით დაინტერესებისთვის და ნამუშევრების გამოფენაში დახმარება სთხოვა.

კულტურის მინისტრმა არსენ ფოჩხუას ნამუშევრების გამოფენაში დახმარებისთვის მზადყოფნა გამოხატა და აღნიშნა, რომ მხატვრის საიუბილეო წელს (2023 წლის 22 აგვისტოს ა. ფოჩხუას დაბადებიდან 100 წელი სრულდება), მოეწყობა გამოფენა და შეიქმნება კატალოგი.

აღსანიშნავია, რომ 1996 წლის შემდეგ, საქართველოში მხატვრის ნამუშევრების მასშტაბური პერსონალური გამოფენა არ გამართულა.

არსენ ფოჩხუა 1923 წელს ქუთაისში დაიბადა. 1944-48 წლებში სწავლობდა კონსერვატორიაში.

1945-82 წლებში მუშაობდა საქართველოს სახელმწიფო სიმფონიურ ორკესტრში და პირველ სამუსიკო სასწავლებელში პედაგოგად.

1946-47 წლებში ლადო გუდიაშვილის მიწვევით არსენ ფოჩხუა მონაწილეობდა ქაშვეთის ტაძრის მოხატვაში დამხმარე მხატვრად.

1951 წლიდან არსენ ფოჩხუა, როგორც გრაფიკოსი, მონაწილეობს გამოფენებში, ხოლო 1955 წელს გამოფენაზე პირველად გამოაქვს ბზასა და სადაფზე ნაკვეთი ნამუშევრები.

1978-82 წლებში მხატვარი მუშაობს ქართულ ბროლზე, თავისეული ჩუქურთმის მისადაგებისა და ღრმა კვეთით მრავალფიგურიანი კომპოზიციების შექმნაზე. ბროლის გაქართულების ეს ექსპერიმენტი წარმატებით განხორციელდა. ასევე აღსანიშნავია მისი მუშაობა ძვალზე (მამონტის ეშვი).

მხატვრის ნამუშევრების გამოფენები ეწყობოდა სხვადასხვა ქვეყანაში, მათ შორის - საფრანგეთში. მას 1982 წელს მიენიჭა საქართველოს დამსახურებული არტისტის წოდება.

არსენ ფოჩხუას ნამუშევრებია: „მუზა" (1974), „შემოქმედის სამყარო" (1973), „მემატინე" (1965), „ვეფხისტყაოსნის“ ილუსტრაციები (1968-1974), „მუსიკის დაბადება" (1971), ლარნაკები - „საქართველო" (1980), „ჩვენი სამშობლო" (1982) და მრავალი სხვა.

: კულტურა; 02 დეკემბერი 2022; გადასვლები: 933

ქუთაისის ოპერის თეატრის რეაბილიტაცია 21 მილიონი ლარი დაჯდება

საქართველოს კულტურის, სპორტისა და ახალგაზრდობის მინისტრი თეა წულუკიანი და იმერეთში სახელმწიფო რწმუნებული ზვიად შალამბერიძე, ადგილობრივი ხელისუფლების წარმომადგენლებთან ერთად, სსიპ ქუთაისის მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრის ინფრასტრუქტურულ განვითარებასთან დაკავშირებით გამართულ შეხვედრას დაესწრნენ.

შეხვედრაზე წარმოადგინეს შენობის რეაბილიტაციის პროექტის საპრეზენტაციო ფორმატი და თეატრის მთავარი ფარდის ესკიზი, რომელზეც გამოჩენილი ქართველი მხატვარი თეიმურაზ (მურაზ) მურვანიძე მუშაობდა.

პროექტის მოსამზადებლად, სამინისტროს დაფინანსებით ჩატარდა თეატრის შენობის ძირეული ისტორიულ-არქიტექტურული კვლევა. ამ ეტაპზე პროექტი დასრულებულია. იგი შედგება არქიტექტურული, კონსტრუქციული, საინჟინრო, ინტერიერის დიზაინის და სხვა ნაწილებისაგან.

კულტურის სამინისტრომ 300 000 ლარი გაიღო პროექტისათვის, რომელზე მუშაობაც 2022 წლის 21 ოქტომბერს დასრულდა.

სარეაბილიტაციო სამუშაოების საერთო ღირებულება 21 მილიონი ლარია.

2022 წლის თებერვალში სარეაბილიტაციო/სარემონტო სამუშაოებისთვის საჭირო საპროექტო სახარჯთაღრიცხვო დოკუმენტაციის მომზადებისთვის გამოცხადებულ ტენდერში გაიმარჯვა არქიტექტურულ-საპროექტო კომპანია შპს „ჯორჯიან ჰაუსმა“. აკუსტიკის დიზაინისა და ტექნოლოგიური ნაწილის პროექტი, „ჯორჯიან ჰაუსის“ დაკვეთით, საერთაშორისო გამოცდილების მქონე ფინურმა კომპანია „აკუკონმა“ შეიმუშავა.

ქუთაისის ოპერის აღორძინების საჭიროება 2021 წლის 15 აპრილს ქუთაისის ოპერის თეატრში კულტურის მინისტრის ვიზიტისას გამოიკვეთა, რის შემდეგაც დაიწყო აქტიური მუშაობა არაერთი მიმართულებით.

ქუთაისის ოპერის აღორძინების პროექტი გულისხმობს თეატრის შენობის სრულ განახლებასა და თანამედროვე აპარატურით აღჭურვას, ასევე, შესაბამისი ინვესტიციის განხორციელებას თეატრის ადამიანური რესურსით გაძლიერების მიზნით, მაღალი საშემსრულებლო და შემოქმედებითი დონის შექმნასა და ქუთაისის ოპერის თეატრის მსოფლიოს წარმატებულ თეატრთა რიგში ჩაყენებას.

2022 წელს, საშემსრულებლო საკადრო რესურსით გაძლიერების მიზნით, ქუთაისის ოპერის თეატრს სამინისტროს მიერ უკვე გაეზარდა ბიუჯეტი 812 580 ლარით.

: კულტურა; 22 ნოემბერი 2022; გადასვლები: 793

სცენარების კონკურსი ფორუმ-თეატრისთვის

ქალთა ფონდ „სოხუმის“ ორგანიზებით, ქალთა მიმართ ძალადობის პრევენციის 16 აქტიური დღის კამპანიის ფარგლებში, დაიწყო სცენარების კონკურსი ფორუმ-თეატრისთვის, რომელიც 2 დეკემბრამდე გაგრძელდება.

კონკურსში მონაწილეობა შეუძლია მიიღოს ნებისმიერი ასაკის მსურველმა, რომელსაც შემოქმედებითად წერის უნარი გააჩნია და ამასთან ერთად, დაინტერესდება ფორუმ -თეატრის სპეციფიკით.

სცენარის კითხვის ქრონომეტრაჟი, სასურველია, არ აღემატებოდეს 5 წუთს.

კონკურსში მონაწილეებმა ფონდ „სოხუმის“ ელ.ფოსტის მისამართზე ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. უნდა გამოაგზავნონ სცენარის ტექსტი და პირადი მონაცემები (სახელი, გვარი, დაბადების თარიღი, საკონტაქტო ინფორმაცია).

სცენარი შეიძლება ეხებოდეს ოჯახურ/ ქალთა მიმართ ძალადობას, ბულინგს, ურთიერთობას და კონფლიქტებს თაობებს შორის, ტოლერანტობას, სამოქალაქო პასუხისმგებლობებს და ფემიციდს.

კონკურსში მონაწილეობა შანსს გაძლევთ, მოიგოთ ფულადი პრემია და ასევე, თქვენი სცენარი შევიდეს ქალთა ფონდ „სოხუმის“ ფორუმ-თეატრის მუდმივ რეპერტუარში.

: კულტურა; 17 ნოემბერი 2022; გადასვლები: 859

გალაქტიონ ტაბიძის დაბადებიდან 131 წელი მის მშობლიურ სოფელ ჭყვიშში აღინიშნა

ვანში, გალაკტიონ ტაბიძის მშობლიურ სოფელ ჭყვიშში, პოეტის დაბადებიდან 131 წლის იუბილე საზეიმო ღონისძიებებით აღინიშნა, რომელშიც ვანის საჯარო და კერძო სკოლის მოსწავლეებმა მიიღეს მონაწილეობა.

საღამოზე, მონაწილეებმა გალაკტიონის შემოქმედებაზე შექმნილი მუსიკალურ-ლიტერატურული პერფორმანსი წარადგინეს.

საიუბილეო ღონისძიებებს ვანის მუნიციპალიტეტის მერი ალექსანდრე გოგორიშვილი მოადგილეებთან და ადგილობრივი ხელისუფლების წევრებთან ერთად დაესწრო.

გალაკტიონი 1891 წლის 17 ნოემბერს ,სოფელ ჭყვიშში, მასწავლებლის ოჯახში დაიბადა. 1900 წლიდან სწავლობდა ქუთაისის სასულიერო სასწავლებელში, ხოლო 1908 წლიდან - თბილისის სასულიერო სემინარიაში. ის არის ჟურნალ "მნათობის" ერთ-ერთი დამაარსებელი. 1919 წელს გამოცემულმა "არტისტულმა ყვავილებმა" მას საყოველთაო აღიარება, "გენიალური გალაკტიონისა" და "პოეტების მეფის" სახელი მოუტანა, მისი ლექსები თარგმნილია მრავალ ენაზე.

: კულტურა; 30 ოქტომბერი 2022; გადასვლები: 979

დროში მოგზაურობა-ქუთაისი ფოლკლორულ ფესტივალს მასპინძლობს

ქუთაისი იმერეთის საერთაშორისო ფოლკლორულ ფესტივალს მასპინძლობს. ფესტივალი "მოგზაურობა დროში" ლადო მესხიშვილის სახელმწიფო დრამატულ თეატრში გაიხსნა და ის ორი დღე გაგრძელდება.

ფესტივალის გახსნას ქუთაისის ვიცე-მერი დავით ერემეიშვილი , თურქეთის ქალაქების- ორჰანგაზის , იზნიკისა და გორჯუკის ადგილობრივი ხელისუფლების წარმომადგენლები ასევე ორჰანგაზის ქართული ასოციაციის წევრები და პრეზიდენტი ადემ თურანი ესწრებოდნენ.

საქართველოს ფოლკლორისა და ტურიზმის განვითარების ცენტრი "ნატალის" მიერ დაფუძნებული ფესტივალის მხარდამჭერი ქუთაისის ადგილობრივი თვითმმართველობაა.

დღის სიახლეები

კულტურა

Search