18 მაისს მუზეუმების საერთაშორისო დღე აღინიშნება.
ქუთაისის ისტორიულ-ეთნოგრაფიულ მუზეუმში, ქალაქის მუზეუმების ღვაწლმოსილი და წარმატებული თანამშრომლები დააჯილდოვეს. მათ ფულადი ჯილდო და სპეციალური დიპლომები ქუთაისის მერმა გადასცა.
„მუზეუმების მესვეურნი, ჩვენი მემატიანეები და ამ ისტორიის მცველები, მნიშვნელოვანი და პატივსაცემი ადამიანები არიან ჩვენთვის.“- განაცხადა იოსებ ხახალეიშვილმა.
დღესვე, ქუთაისის ისტორიულ-ეთნოგრაფიულ მუზეუმს კერძო კოლექციონერმა შოთა ჯღამაიამ ეროვნული ბანკის მიერ გამოშვებული ქართველი მეფეების სერიის მონეტები გადასცა საჩუქრად.
ღონისძიება ქუთაისელი ახალგაზრდა პიანისტის გიორგი არაბიძის კონცერტით დასრულდა.
