მაჟორიტარულ ოლქებში არჩევნების მეორე ტური არჩევნებიდან მესამე შაბათს - 21 ნოემბერს ჩატარდება და მასში მაჟორიტარობის ის ორი კანდიდატი მიიღებს მონაწილეობას, ვინც პირველ ტურში სხვებზე მეტ ხმას მოიპოვებს.

ამ დროის მონაცემებით, საქართველოს მასშტაბით არსებული 30 მაჟორიტარული ოლქიდან მეორე ტური გაიმართება თბილისის 8-ვე ოლქში, ასევე რეგიონების 6 ოლქში,მათ შორის ქუთაისშიც.

პარლამენტში 150 დეპუტატს შორის 120 პროპორციული, 30 კი მაჟორიტარული წესით არჩეული იქნება.

ქუთაისის 59 საოლქო საარჩევნო კომისიამ 130 -ვე უბნის ხმა დათვალა. ამ წუთებში ოლქების მონაცემების დაჯამება მიმდინარეობს და პარალელურად ცესკოს გვერდზე იტვირთება. წინასწარი მონაცემებით, პარტია ქართულმა ოცნებამ 41,58%, ნაციონალურმა მოძრაობამ 29,72 პროცენტი აიღო. გიორგი ვაშაძე -სტრატეგია აღმაშენებელი 6,65%,  ევროპული საქართველო 3,81, გირჩი 3,09; ლელო - 2,99, პატრიოტთა ალიანსი - 2,52 ალეკო ელისაშვილი მოქალაქეები - 1,17. რაც შეეხება მაჟორიტარებს, ამ მონაცემებით ქუთაისში მეორე ტური იქნება . ,,ქართული ოცნების,, მაჟორიტარობის კანდიდატმა ზაზა ლომინაძემ 40,51%, ხოლო ,,ერთიანი ნაციონალური მოძრაობის,, კანდიდატმა გრიგოლ ვაშაძემ 36,14 % აიღო. მერობის კანდიდატებს შორის კი ხმები ასე გადანაწილდა - ,,ქართული ოცნებიდან ,, იოსებ ხახალეიშვილმა 46,10% აიღო, ,,ნაციონალური მოძრაობიდან,,გრიგოლ შუშანიამ კი 31,47%.

საარჩევნო უბნები ქვეყნის მასშტაბით  8 საათზე დაუხურა.ქუთაისში ხმა 73 813 ამომრჩეველმა მისცა,რაც საერთო რაოდენობია 47,62 პროცენტია.59- ე საოლქო საარჩევნო კომისიაში სულ 18 საჩივარი დაიწერა,ძირითადად პროცედურული ხასიათის.

ქუთაისში ძირითადი საარჩევნო 123 უბანი და 7 სპეც. უბანი ფუნქციონირებდა,აქედან ერთი სასჯელაღსრულების დაწესებულებაში.

17 საათის მონაცემებით ქუთაისში ხმა 59 940 ამომრჩეველმა მისცა,რაც საერთო რაოდენობის 38,6 პროცენტია.ქალაქში 123 ძირითადი საარჩევნო  უბანია და 7 სპეც. უბანი,აქედან ერთი სასჯელაღსრულების დაწესებულებაში,ხოლო დანრჩენი 6 კი ის უბნებია,სადაც კორონავირუსით ინფიცირებული მოქალაქეები   აძლევენ ხმას.ჯამში 873 ადამიანზეა საუბარი.ხმის მიცემა გადასატანი ყუთის საშუალებით ხდება.

ქალაქში სულ 156275 ამომრჩეველია რეგისტრირებული.

15 საათის მონაცემებით ქუთაისში ხმა 47 657 ამომრჩეველმა მისცა,რაც 30,74 %-ია.ეს მონაცემები 2 %-ით მეტია წინა საპარლამენტო არჩევნებთან შედარებით.

ამ დროისთვის ქუთაისის 59-ე საოლქო საარჩევნო კომისიაში პროცდურული ხასიათის 10 საჩივარია შესული.

ქუთაისში მაჟორიტარობის 22 და მერობის 8 კანდიდატი იყრის კენჭს.

,,ლეიბორისტული პარტიის" ქუთაისის მერობის კანდიდატი ირაკლი კიკვაძე პოლიციის შენობაში იმყოფება