ქუთაისელი ძალოსანი ნანა ხორავა ევროპის ვიცე-ჩემპიონი გახდა.

ალბანეთში მიმდინარე 20 წლამდე ძალოსანთა ევროპის ჩემპიონატზე ნანა ხორავამ 77 კილოგრამ წონით კატეგორიაში ატაცსა და ორჭიდში ვერცხლის მედლები მოიპოვა.

ქართველმა ძალოსანმა ატაცში 105 კილოგრამი დააფიქსირა, აკვრაში 125 კილოგრამი, ორჭიდის ჯამში კი 230 კილოგრამი მოაგროვა.

 ქუთაისის ვაჟ ფრენბურთელთა გუნდი 2009-2010 წლებში დაბადებულთა შორის საქართველოს ჩემპიონი გახდა.

საქართველოს ასაკობრივი ჩემპიონატი 26-31 ოქტომბერს მცხეთაში ჩატარდა და მასში 7-მა გუნდმა მიიღო მონაწილეობა. 

,,ქუთაისმა” ჯგუფში ყველა შეხვედრა მოიგო-თბილისი-ქუთაისი 1:3;ბათუმი-ქუთაისი 0:3;მარტვილი-ქუთასი 0:3.

ნახევარფინალში ჩვენმა ფრენბურთელებმა გურჯაანი დაამარცხეს 3:0. 

ფინალში ,,ქუთაისმა” დაძაბულ მატჩში 3:2 მოუგო ,,თბილისს” და ჩემპიონის ტიტული მოიპოვა. (მწვრთნელები: გრიგოლ ჭოლაძე, პაატა გორდაძე, თამაზ ჟორჟოლიანი)

საუკეთესო ცენტრალურ თავდამსხმელად ,,ქუთაისის”ფრენბურთელი ნიკოლოზ გოჩელაშვილი დასახელდა. საუკეთესო გარე თავდამსხმელად კი დავით ჩიტაიშვილი. 

საუკეთესო ლიბერო, ასევე ქუთაისური გუნდის წევრი გიორგი ხვადაგიანი გახდა. 

აღსანიშნავია, რომ ჩემპიონატის შემდეგ ქუთაისური გუნდიდან ასაკობრივ ნაკრებში მიიწვიეს: დავით ჩიტაიშვილი, ცოტნე კორძაძე, ნიკოლოზ გოჩელაშვილი, გელა ჟორჟოლიანი და გიორგი ხვადაგიანი.

28-30 ოქტომბერს თურქეთის ქალაქ რიზეში ბერძნულ-რომაულ ჭიდაობაში 15 და 17 წლამდე ასაკობრივ ჯგუფებს შორის საერთაშორისო ტურნირი ჩატარდა. 

შეჯიბრზე წარმატებით გამოვიდნენ ქუთაისის დავით ხახალეიშვილის სახელობის ჭიდაობის N17 კომპლექსური სპორტსკოლის მოჭიდავეები. 

ახალგაზრდა ქუთაისელი ფალავნები რიზედან 4 ოქროს მედლით დაბრუნდნენ 🙌

ჩემპიონები გახდნენ :

ბაგრატ შიუკაშვილი (მწვრთნელი, ოთარ ლოლაძე )

საბა იობიძე (მწვრთნელი, ოთარ ლოლაძე )

ჟორიკო დვალი (მწვრთნელი, ხვიჩა გოგიტაძე)

გიორგი ნუცუბიძე(მწვრთნელი, ხვიჩა გოგიტაძე )

ქუთაისელი საბა ინანეიშვილი მსოფლიო ჩემპიონი გახდა.

ქართულ ჭიდაობაში მსოფლიო ჩემპიონატი წელს პირველად ჩატარდა და მასში 25 ქვეყანა მონაწილეობდა.

მძიმე წონოსანმა, ქუთაისელმა სპორტსმენმა ფინალურ ორთაბრძოლაში მონღოლეთის წარმომადგენელი დაამარცხა და ოქროს მედალი მოიპოვა.

ბრინჯაოს მედალი მოიპოვა კიდევ ერთმა ქართველმა, უჩა ტაბატაძემ.

ქუთაისის მერის მოვალეობის შემსრულებელი დავით ერემეიშვილი,  ქუთაისელ მოკრივეს,16 წლის  დავით მხეცაძეს შეხვდნენ, რომელიც ევროპის ჩემპიონატზე ახალგაზრდებს შორის ვერცხლის მედალს დაეუფლა. 

 დავით ერემეიშვილმა ახალგაზრდა მოკრივეს და მის მწვრთნელს ზაალ ჯავახაძეს საერთაშორისო არენაზე მიღწეული მნიშვნელოვანი გამარჯვება მიულოცა.

საქართველოს 19 წლამდე ნაკრებმა ჩეხეთში გამართულ ევროპის ჩემპიონატზე 3 ოქროს და 2 ვერცხლის მედალი მოიპოვა.

 ქუთაისელი მოკრივე, 16 წლის დავით მხეცაძე U19 ევროპის ვიცე-ჩემპიონია.მის8 მწვრთნელი, ზაალ ჯავახაძე.

ევროპის ჩემპიონატი ჩეხეთის ქალაქ ოსტრავაში მიმდინარეობდა.

საქართველოს დელეგაციამ ჯამში 5 მედალი მოიპოვა.