ქუთაისის სპორტის სასახლეში მოსწავლე მოკრივეთა შორის საქართველოს ჩემპიონატი გაიხსნა. მასში საქართველოს სხვადასხვა რეგიონიდან, 2011-2012 წლებში დაბადებული 190 სპორტსმენი მონაწილეობს. 

დღეს ქუთაისმა ,,დიდ ფინალს,, უმასპინძლა.

რაგბში საქართველოს ჩემპიონის სტატუსის მოსაპოვებლად  ერთმანეთს ქუთაისის ,,აია,, და ბათუმის  ,,ბათუმი,, დაუპირისპირდნენ .შეხვედრა ,აია არენაზე,, გაიმართა. 

დაძაბული შეხვედრა სტუმრების გამარჯვებით  დასრულდა ანგარიშით 10:14.შესაბამისად,საქართველოს ჩემპიონი ,,ბათუმი,, გახდა.

ამ მოგებით ,,ბათუმი,,საქართველოს თასს უკვე მეხუთედ დაეუფლა.

აღსანიშნავია, რომ სტუმრები მე-17 წუთიდან 14 კაცით თამაშობდნენ.

2021 წლის მსგავსად, საქართველოს ჩემპიონი წელსაც ქუთაისში, ადგილობრივი ‘აიასა’ და ‘ბათუმის’ დაპირისპირებით გაირკვევა.

წლევანდელი crocobet დიდი 10-ის წინასწარ ფინალში, ‘ბათუმმა’ რუსთავის ‘ხარებს’ 33:21 სძლია და 11 მაისს „აია არენაზე“ ორი კვირის თავზე დაბრუნდება.

‘აიამ’ და ‘ბათუმმა’ რეგულარული სეზონი პირველ-მეორე ადგილზე დაასრულეს და 27 აპრილს შესარჩევ ფინალში ერთმანეთს დაუპირისპირდნენ. დაძაბულ შეხვედრაში ქუთაისელებმა 11:10 მოიგეს და გადამწყვეტ მატჩში თამაში ნაადრევად დაიბევეს, ზღვისპირელებმა რუსთავის  კი ეს უფლება ‘ხარების’ დამარცხებით მოიპოვეს.

საგულისხმოა, რომ 2017 წლის შემდეგ ‘აია’ ან ‘ბათუმი’ ფინალში აუცილებლად თამაშობდა, თუმცა მათი გზები მხოლოდ ერთხელ, 2021 წელს გადაიკვეთა. ამ პერიოდში ‘ბათუმმა’ ფინალი 5-ჯერ ითამაშა და თასი ორჯერ მოიპოვა, ‘აიამ’ კი სატიტულო შეხვედრაში სამჯერ მიიღო მონაწილეობა და ორჯერ გამარჯვებული დარჩა. შეგახსენებთ, ქუთაისელები 2024 წლის საქართველოს ჩემპიონები არიან და საკუთარ მოედანზე ტიტულის დაცვას ეცდებიან.

 11 მაისს , 16 საათზე, ქუთაისის „აია არენაზე“ მასპინძელი ‘აია’ და ‘ბათუმი’ ტიტულის მოსაპოვებლად იბრძოლებენ. აქამდე ჩემპიონის თასს ‘აია’ 5-ჯერ, ხოლო ‘ბათუმი’ 4-ჯერ ფლობდა.

 საქართველო-კაბო ვერდეს მატჩზე დასასწრები ყველა ბილეთი გაყიდულია.

ივნისის თვის მეორე ამხანაგური თამაში კაბო ვერდეს წინააღმდეგ ქუთაისის რამაზ შენგელიას სახელობის სტადიონზე, 8 ივნისს, 20:00 საათზე გაიმართება. 

პირველი ამხანაგური მატჩი კი 5 ივნისს, დინამო არენაზე შედგება.საქართველო-ფარერის კუნძულების წინააღმდეგ. 

საქართველოს ეროვნულმა  ნაკრებმა ქუთაისში ბოლოს 8 წლის წინ, 2017 წლის 13 ნოემბერს, ბელარუსის წინააღმდეგ ითამაშა.მაშინ შეხვედრა 2-2 დასრულდა. 

პერუში მიმდინარე 17 წლამდე ძალოსანთა მსოფლიო ჩემპიონატზე საქართველოს ნაკრებიდან საბა ჩიხლაძემ (102 კგ.) იასპარეზა და სამი მედალი მოიპოვა, თუმცა რა სინჯის მედლები აიღო მხოლოდ მას შემდეგ გაირკვევა, რაც A ჯგუფის ასპარეზობა დასრულდება. ამ ეტაპზე მხოლოდ იმის თქმა შეიძლება რომ საბას ანგარიშზე გარანტირებული მინიმუმ სამი ბრინჯაოს მედალია.

ძალოსანი მსოფლიო ფიცარნაგზე B ჯგუფში გამოვიდა და ატაცში 123 / 125 / 130კგ. დაძლია და პირველი მედალი მოიპოვა.

ჩიხლაძემ აკვრაში დაძლეული 154 / 159 / 162 კილოგრამით ჯგუფში კვლავ პირველი ადგილი დაიკავა, იგივე პოზიციაზეა ორჭიდში მოგროვილი 292 კილოგრამითაც.

 სეულში, ხმლით მოფარიკავე სენიორებს შორის მიმდინარე გრან პრიზე ქუთაისელმა მოგარიკავე სანდრო ბაზაძემ ბრინჯაოს მედალი მოიპოვა.

ქართველი სპორტსმენი ბრძოლებში T64-დან ჩაერთო, 3 მოგებული შეხვედრის შემდეგ, მეოთხედფინალში ოლიმპიური ჩემპიონი და რეიტინგის N1 მოფარიკავე, კორეელი სან გუკ ოჰი  15:11🇰🇷დაამარცხა და ნახევარფინალში  უნგრელ მოფარიკავეს კრისტიან რაბს დაუპირისპირდა, თუმცა შეხვედრა 15:10  დათმო და ბრინჯაოს მედალი მოიპოვა.