"ვფიქრობ, გამომდის ეს საქმე და რატომაც არა? ეს მცდელობის შედეგია. მცდელობა, მე ვფიქრობ, ყოველთვის საჭიროა ადამიანის ცხოვრებაში იმიტომ, რომ ის შეიძლება გადაიზარდოს ისეთ საქმეში, რომელიც შეიძლება ძალიან მნიშვნელოვანი გახდეს როგორც შენთვის, ასევე სხვებისთვისაც", - გიგა ბიბიჩაძე, მკერავი.

ონლაინ სივრცეში ჩატარებულმა ტრენინგმა მონაწილეთა დაინტერესება  და აქტიურობა გამოიწვია - "გენდერული თანასწორობა და ქალთა მიმართ ძალადობა"- ეს ის საკითხებია რომელიც „აქილევსის ქუსლად“ იქცა სოციუმში.

 ქალთა ფონდი „სოხუმი“ წარმოგიდგენთ რუბრიკას "გენდერი და საზოგადოება".

18 და 19 მაისს ჩატარდა ონლაინ ტრენინგი თემაზე „კონფლიქტის მართვა, ანალიზი და ტრანსფორმაცია“, რომელსაც 5 მუნიციპალიტეტის (ქუთაისი, ხონი, წყალტუბო, ზუგდიდი, სენაკი) ქალთა საინიციატივო ჯგუფის 50 აქტიური ქალბატონი და პროექტის ასისტენტები ესწრებოდნენ.

-რა დროც არ უნდა გავიდეს, აფხაზეთიდან იძულებით გადაადგილებული ადამიანებისთვის ძალიან მტკივნეული იქნება ამ თემაზე საუბარი, თუმცა მაინც უნდა ვისაუბროთ.

-საშინელებაა, როცა შენს საფლავებს შორიდან უყურებ

-ჩვენ არ გვინდა ომით დაბრუნებული აფხაზეთი

- ჩვენმა შვილებმა არ უნდა იომონ

-ყველაფერს მოემატა და დევნილის შემწეობა წლებია ერთსა და იმავე ნიშნულზე დგას

-რამდენი წელი გავიდა და დღესაც არიან ბინოთ დაუკმაყოფილებელი დევნილები...

ეს ტრენინგის მონაწილეთა შეფასებაა, რომელიც მათთვის ორი დღის განმავლობაში ტარდებოდა პროექტ un womenis- ის ფარგლებში.

ქალთა ფონდი „სოხუმის“ თბილისის ოფისის წარმომადგენელმა - ეკატერინე გამახარიამ მონაწილეობა მიიღო WAVE ქსელის მიერ ორგანიზებულ სამუშაო შეხვედრაში ვენაში ეუთოს მიერ დაფინანსებული ახალი პროექტის დასაწყებად კონფლიქტურ და პოსტკონფლიქტურ ზონებში ძალადობის მსხვერპლი ქალების მხარდასაჭერად. პროექტის მიზანია შეიმუშაოს ის ინსტრუმენტები, რომელიც ასახავს ქალთა არასამთავრობო ორგანიზაციების საუკეთესო პრაქტიკებს ომის დროს და ომის შემდეგ გენდერული ძალადობის პრევენციისა და მათზე რეაგირების საკითხებზე. პროექტის მონაწილეებმა ერთმანეთს გაუზიარეს მოსაზრებები სახელმძღვანელო ინსტრუმენტების მნიშვნელობაზე, განსაზღვრეს მიზანი და პოტენციური სამიზნე აუდიტორია. გარდა ამისა, სტრუქტურა და პრაქტიკები, რომელსაც უნდა შეიცავდეს საბოლოო დოკუმენტი.

პროექტში ჩართული არიან WAVE წევრი ორგანიზაციები - სექსუალური ძალადობის მსხვერპლთა კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი, საქართველო), გაერთიანებულ ქალთა ფონდი Banja Luka (ბანა ლუკა, ბოსნია და ჰერცეგოვინა) და ცენტრი „ქალთა პერსპექტივები“ (ლვოვი, უკრაინა). დამატებითი ინფორმაცია პროექტის შესახებ შეგიძლიათ იხილოთ შემდეგ ბმულზე - https://wave-network.org/new-project-supporting-women-survivors-of-violence-in-conflict-and-post-conflict-areas/

„გავაანალიზე, რომ თანამშრომლობისა და მოქალაქეების ფართო ჩართულობის გზით შესაძლებელია ისეთი სამოქალაქო ინიციატივების განხორციელება და შედეგების მიღწევა, რაც ცალკეული ორგანიზაციებისა და ჯგუფებისათვის რთულად რეალიზებადია“...

„რისი გვჯერა? რა ცვლილებების მიღწევა გვინდა? როგორ მოვიქცეთ ამ ცვლილებების განსახორციელებლად?...მივხვდი, რომ თუ ამაზე პასუხი არ გვექნა ერთობლივად ვერ ვიმოქმედებთ“..

„გავიაზრე, რომ გუნდურ მუშაობას მეტის მოტანა შეუძლია. ბევრად უფრო მიმზიდველია, როცა ერთი მიზნის მისაღწევად სხვადასხვა ჯგუფები ერთდიანდებიან და ეს დიდი ძალაა“..

ეს შეფასები არის ტრენინგიდან რომელიც ქალთა საინიციატივო ჯგუფის წევრებისთვის დაგეგმილი ტრენინგის ციკლის ფარგლებში 13-14 მაისს ჩატარდა მორიგი ტრენინგი, თემაზე: „კოალიცია და ქსელები“.

მონაწილეებმა გაეცნენ ინფორმაციას სამოქალაქო აქტივისტების გაერთანების ფორმებს, იმ უპირატესობებს რაც ამ საშუალებით შეიძლება იქნება მიღწეული. როგორ შეიძლება გუნდური მუშაობის დაგეგმვა და რესურსების სწორად გადანაწილება.

ინფორმაცია რეალურ მაგალითებზე და პრაქტიკულ სავარჯიშოებზე დაყრდნობით იქნა მიწოდებული. ინტერაქტიული მუშაობის რეჟიმი კი მონაწილეებს უშუალო გარემოს უქმნიდა იმისთვის, რომ მეტად კარგად გარკვეულიყვნენ საკითხში.