ქუთაისის მეორე საჯარო სკოლაში კორონავირუსი 2 პედაგოგს დაუდასტურდა.შესაბამისად სკოლაში ე.წ. წერილოვანი შეზღუდვა ამოქმედდა და ორი ჯგუფი 8 აპრილამდე  დისტანციურ რეჟიმზე გადავიდა.ფაქტს ადასტურებს მეორე საჯარო სკოლის დირექტორიც.

ქუთაისის 37 საბავშვო ბაღიდან მხოლოდ 35 ფუნქციონირებს.  კორონავირუსის დაფიქსირების გამო 2  ფილიალი დახურულია-22-ე   და 13-ე  საბავშვო ბაღებში სააღმზრდელო პროცესი შეჩერებულია. საბავშვო ბაღების თანამშრომლებს ტესტირება ყოველ 2 კვირაში უტარდებათ.ააიპ ბაგა-ბაღების გაერთიანების ხელმძღვანელის განცხადებით, ყველა ფილიალში არის უსაფრთხო გარემო  და  რეკომენდაციები  დაცულია.დავით წიტაიშვილი ამბობს, რომ აღსაზრდელთა რაოდენობა ყოველკვირეულად იმატებს.

ქუთაისში სულ 37 საბავშვო ბაღია, სადაც ჯამში 8 200 აღსაზრდელი სწავლობს.

ზურაბ ჟვანიას სახელობის სახელმწიფო ადმინისტრირების სკოლის დირექტორი ქეთევან ჯაყელი საქართველოს პარლამენტის განათლებისა და მეცნიერების კომიტეტის  წევრებს  გიორგი ამილახვარსა და თამარ ტალიაშვილს შეხვდა.

დღეის მონაცემებით, ქუთაისის მასშტაბით  ჰიბრიდული მოდელი 15 სკოლაში ფუნქციონირებს, ეს ის სკოლებია, სადაც ე.წ. წერტილოვანი შეზღუდვები მოქმედებს და კონკრეტული კლასებია დახურული.  სრულად დისტანციურ რეჟიმში კი ქალაქში  არცერთი სკოლა არ იმყოფება. ქუთაისის საგანმანათლებლო რესურსცენტრის ინფორმაციით, კორონავირუსით  სხვადასხვა სკოლაში ინფიცირებულია 8 მოსწავლე და 9 მასწავლებელი.რაც შეეხება დისტანციურ რეჟიმს, მომდევნო კვირაში ონლაინ რეჟიმში 1668 ბავშვი ისწავლის. 

ქუთაისის ბაღებში სასწავლო პროცესი 1 მარტს აღდგა. თანამშრომლებს ყოველ 2 კვირაში სავალდებულო ტესტირება უტარდებათ.დღეის მონაცემებით, 29-ე ბაგა -ბაღში თანამშრომელს კორონავირუსი დაუდასტურდა, შესაბამისად ბაღი დახურულია. 29-ე ბაღი იმ სამ დაწესებულებას შორის იყო, სადაც სასწავლო პროცესი 1 მარტს არ განახლებულა.ორი კვირის შემდეგ, მორიგი ტესტირება ჩატარდება და თუ ვირუსი არ დაფიქსირდა, 29-ე ბაღი მუშაობას დაიწყებს.

ამ დროის მონაცემებით, აღსაზრდელებს 37-დან 36 ბაღი იღებს.რაც შეეხება დასწრებას,  სააღმზრდელო პროცესში საშუალოდ 2 700 ბავშვია ჩართული.

ქუთაისის მერი იოსებ ხახალეიშვილი და ა(ა)იპ „კულტურულ, სახელოვნებო, საგანმანათლებლო დაწესებულებათა გაერთიანების“ ხელმძღვანელი ვაჟა ჯუღელი #1 მუსიკალურ სკოლაში მივიდნენ და სასწავლო პროცესის მიმდინარეობას გაეცნენ.