საქართველოს მთავრობის ინფორმაციით, რეგიონებიდან თბილისში, პატრიარქისთვის პატივის მისაგებად წასვლის მსურველებისთვის უფასო ტრანსპორტი დაინიშნება.

,,სრულიად საქართველოს კათოლიკოს-პატრიარქის დაკრძალვასთან დაკავშირებით, 21 და 22 მარტს თბილისის მუნიციპალური ტრანსპორტი მგზავრებს უფასოდ მოემსახურება. გარდა ამისა, დაინიშნება უფასო ტრანსპორტი რეგიონებიდან თბილისში გამომგზავრების მსურველთათვის.

აღნიშნული გადაწყვეტილება სრულიად საქართველოს კათოლიკოს-პატრიარქის ილია II-ის დაკრძალვასთან დაკავშირებით შექმნილმა სახელმწიფო კომისიამ მიიღო.

კომისიის გადაწყვეტილებით, მგზავრებს ასევე უფასოდ მოემსახურება „საქართველოს რკინიგზა“. 

დამატებითი რეისები შესრულდება როგორც საავტომობილო, ისე სარკინიგზო ტრანსპორტით.,,-საქართველოს მთავრობა.

კულტურული მემკვიდრეობის დაცვის ეროვნული სააგენტოს წარმომადგენლები ტყიბულის მუნიციპალიტეტის სოფელ კურსებში იმყოფრბოდნენ, სადაც რამდენიმე დღის წინ მეწყრული პროცესები განვითარდა.

მეწყრულ ზონაში მდებარეობს მთავარანგელოზის სახელობის ეკლესია და ,,ზენობნის" მაცხოვრის ამაღლების სახელობის ეკლესია, კარიბჭე და გალავანი, რომელთაც მინიჭებული აქვთ კულტურული მემკვიდრეობის ძეგლის სტატუსი.

,,დეტალურად დათვალიერდა ორივე ძეგლი და დადგინდა, რომ ეკლესიები არ არის დაზიანებული. 

მას შემდეგ, რაც მეწყრული პროცესები დასტაბილურდება შესაბამისი დარგის სპეციალისტები დამატებით შეისწავლიან ძეგლების მდგომარეობას, მოხდება მათი სკანირება და ძველ მონაცემებთან შედარება, ასევე გატარდება ყველა შესაძლო ღონისძიება, ძეგლების დაცვა-შენარჩუნების მიზნით.

მადლობას ვუხდით საგანგებო სიტუაციების მართვის სამსახურის თანამშრომლებს, რომელთაც უზრუნველყვეს ტერიტორიაზე სააგენტოს თანამშრომლების უსაფრთხო გადააადგილება.,,-კულტურული მემკვიდრეობის დაცვის ეროვნული სააგენტო. 

93 წლის ასაკში, საქართველოს კათოლიკოს-პატრიარქი, ილია II კლინიკაში გარდაიცვალა 

კუჭიდან ძლიერი სისხლდენის გამო ილია II კავკასიის მედიცინის ცენტრში 17 მარტს გვიან ღამით გადაიყვანეს. 93 წლის პატრიარქი რეანიმაციაში მართვით სუნთქვაზე რამდენიმე საათის განმავლობაში იმყოფებოდა.

ილია II საქართველოს მართლმადიდებელი ეკლესიის წინამღძვრად 1977 წელს აირჩიეს

იმერეთში სახელმწიფო რწმუნებულმა ლევან ზალკალიანმა და საქართველოს რეგიონული განვითარების მინისტრის პირველმა მოადგილემ ლევან ზაუტაშვილმა მუნიციპალიტეტის მერთან, დავით კუბლაშვილთან ერთად ტყიბულის მუნიციპალიტეტში, სტიქიის ზონაში არსებული ვითარების შესახებ დეტალური ინფორმაცია მოისმინეს.

გარემოს ეროვნული სააგენტოს ინფორმაციით, სპეციალისტები მონიტორინგს უწყვეტ რეჟიმში აგრძელებენ და ამ დროისთვის მეწყრული პროცესები სტაბილიზაციის ფაზაში გადადის.

,,სოფელ კურსებში, საგანებო შტაბში მორიგი სამუშაო შეხვედრა გავმართეთ. სპეციალისტების განმარტებით, წვიმის მიუხედავად, სტიქიის არეალი არ გაზრდილა. ყოველდღიური კომუნიკაცია გვაქვს მოსახლეობასთან. ვზრუნავთ მათი საჭიროებების მოგვარებაზე. მინდა მადლობა გადავუხადო ყველა უწყებას, ყველა სამინისტროს რომლებიც პირველივე დღიდან ჩართული არიან პრობლემების მოგვარებაში,“ - განაცხადა ლევან ზალკალიანმა.

ხელისუფლების წარმომადგენლების განცხადებით, შესაბამისი უწყებები აქტიურად აგრძელებენ მუშაობას რათა მოსახლეობას დროულად გაეწიოს ყველა საჭირო დახმარება.

ტყიბულში, სოფელ კურსებში მეწყრული პროცესების შედეგად რამდენიმე საცხოვრებელი სახლი დაინგრა. სტიქიის ზონიდან გამოყვანილი 45 ოჯახის ქუთაისისა და ტყიბულის სასტუმროებში განთავსება ტყიბულის მუნიციპალიტეტის მერიამ უზრუნველყო.

იუსტიციის მინისტრის ბრძანების შესაბამისად, 2026 წლის 12 მარტს ტყიბულის მუნიციპალიტეტის სოფელ კურსებში განვითარებული სტიქიური მოვლენების შედეგად დაზარალებულ პირებს, ტყიბულის მერიის მიმართვის საფუძველზე, შეუძლიათ ერთჯერადად უფასოდ მიიღონ: 

- პირადობის ელექტრონული მოწმობა (იმავე დღეს);

- საქართველოს მოქალაქის ბიომეტრიული პასპორტი (თუ სააგენტოს მონაცემთა ელექტრონულ ბაზაში დაზარალებულ პირს 12 მარტისთვის უფიქსირდებოდა მოქმედი ბიომეტრიული პასპორტის ფლობა);

- სამოქალაქო აქტების რეგისტრაციის, მათ შორის, დაბადებისა და ქორწინების განმეორებითი მოწმობები.

სტიქიით დაზარალებული მოქალაქეები ასევე გათავისუფლდებიან მომსახურების საფასურისაგან, თუ დოკუმენტების გაცემისას საჭირო გახდება სამოქალაქო აქტების ჩანაწერში ცვლილების, შესწორების და/ან დამატების შეტანა.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლების მიერ სამართალდარღვევები გამოვლენილია ბაღდათისა და ზესტაფონის მუნიციპალიტეტებში. 

სოფლებში, ობჩასა და საწაბლეში მოქალაქეებს ცირკული ტიპის სახერხი დანადგარები საკარმიდამო ეზოებში ჰქონდათ დამონტაჟებული. ტერიტორიებიდან ამოღებულია 1 ერთეული მურყანის (თხმელა) და 6 ერთეული „წითელი ნუსხის“ წაბლის სახეობის მრგვალი ხე-ტყე (მორი).

ვინაიდან ორივე ფაქტი შეიცავს სისხლის სამართლის დანაშაულის ნიშნებს, მასალები შემდგომი რეაგირების მიზნით, შესაბამის უწყებებში გადაიგზავნა.

 2025 წლის განმავლობაში, მხოლოდ იმერეთში უკანონო ტყითსაგებლობის 245 ფაქტია გამოვლენილი. დალუქულია - 20 უკანონო სახერხი საამქრო.