ბაღდათის მუნიციპალიტეტში, შეზღუდული შესაძლებლობის მქონე პირთა საერთაშორისო დღე აღინიშნა.

ამ დღესთან დაკავშირებით, მუნიციპალიტეტში მცხოვრებ შშმ პირებს "GAME ზონამ" უმასპინძლა, სადაც შშმ პირებისთვის შემეცნებითი ღონისძიებები მოეწყო.

შეზღუდული შესაძლებლობის მქონე პირთა საერთაშორისო დღისადმი მიძღვნილ ღონისძიებას ბაღდათის მუნიციპალიტეტის მერის მოადგილე რევაზ კიკნაველიძე და მერიის სოციალური და ჯანმრთელობის დაცვის სამსახურის ხელმძღვანელი მარეხ მშვენიერაძე დაესწრნენ.

შეზღუდული შესაძლებლობის მქონე პირთა საერთაშორისო დღე, ბაღდათის მუნიციპალიტეტში მერიის მხარდაჭერით ყოველ წელს აღინიშნება.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2025 წლის 1 ნოემბრიდან 30 ნოემბრის ჩათვლით პერიოდში, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 794 ფაქტი გამოავლინეს.

556 სამართალდარღვევა გამოვლენილია თბილისში, 111 - ბათუმში, 86 - ქუთაისში, 41 კი - ქალაქ რუსთავში. 

794 ფაქტიდან 706 ფიზიკური პირის მიერაა ჩადენილი, 88 შემთხვევაში კი, დეპარტამენტის თანამშრომლებმა იურიდიული პირები დააჯარიმეს.

აღსანიშნავია, რომ 401 სამართალდარღვევა მსუბუქი ავტომობილების, 359 - მიკროავტობუსების, 26 სატვირთო ავტომობილების, 1 ავტობუსის, 1 კი ექსკავატორის მძღოლების/მფლობელების მიერაა ჩადენილი.

რაც შეეხება წლის სტატისტიკას, 2025 წლის 11 თვეში გამოვლენილია 5291 სამართალდარღვევა.

ქუთაისის საერთაშორისო აეროპორტს ახალი მიმართულება – ვენეცია დაემატა.

 Wizz Air კვირაში ორჯერ, სამშაბათსა და შაბათს, Airbus A321neo-სით ახორციელებს პირდაპირ რეისებს ვენეცია–ქუთაისი–ვენეციის მიმართულებით. პირველი რეისით ჯამში 340-მა მგზავრმა ისარგებლა.

ქუთაისიდან ახლა უკვე იტალიის მესამე ქალაქში – ვენეციაში არის პირდაპირი ფრენა შესაძლებელი.

შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, წინასწარი შეთანხმებით ჯგუფის მიერ სადგომში ან საცავში შეღწევით ჩადენილი ქურდობის ბრალდებით, 1998 წელს დაბადებული გ.თ. და 1998 წელს დაბადებული ი.ს. დააკავეს.

გამოძიებით დადგინდა, რომ ბრალდებულები შპს „სპენუს ჯგუფში“ ტექნიკოსებად იყვნენ დასაქმებულნი. ისინი „ქუთაისის დავით აღმაშენებლის სახელობის საერთაშორისო აეროპორტის“ ტერიტორიაზე, ასაფრენ ბილიკზე მიმდინარე სამშენებლო სამუშაოებისათვის განთავსებული სპეცტექნიკიდან, წინასწარი შეთანხმებით, ფარულად დაეუფლნენ 310 ლიტრ საწვავს.

სამართალდამცველებმა ბრალდებულების მართვის ქვეშ მყოფი ავტომობილის ჩხრეკის შედეგად, მართლსაწინააღმდეგოდ დაუფლებული საწვავი ნივთმტკიცებად ამოიღეს. დანაშაული 7 წლამდე ვადით თავისუფლების აღკვეთას ითვალისწინებს.

გამოძიება სისხლის სამართლის კოდექსის 177-ე მუხლით მიმდინარეობს.

საქართველოს ინფრასტრუქტურის სამინისტროს, გაერთიანებული წყალმომარაგების კომპანიის, იმერეთის რეგიონის ხელმძღვანელად, ბაღდათის მუნიციპალიტეტის ყოფილი მერი კახა ენუქიძე დაინიშნა.

საქართველოს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ25-კმ41 მონაკვეთზე შეზღუდვა ამოქმედდება.

სარეაბილიტაციო სამუშაოების გამო, 2025 წლის 3 დეკემბრის 09:00სთ-დან 7 დეკემბრის 19:00სთ-მდე, აღნიშნული საავტომობილო გზის კმ1-კმ41 მონაკვეთზე დროებით იზღუდება სატვირთო ავტოტრანსპორტის გადაადგილება, ხოლო დანარჩენი სახის ავტოტრანსპორტის მოძრაობა თავისუფალია.