სამსახურიდან დათხოვნილ ჭიათურელ მაღაროელთა ინტერესებს უფლებების დამცველი საზოგადოებრივი ორგანიზაცია-ICFRP-ს შრომის, ჯანმრთელობის, სოციალური საკითხებისა და მოქალაქეობის სამსახური“ (SOC) დაიცავს.
,,მაღაროელებმა ღირსეული სამუშაო პირობების გაუმჯობესების უზრუნველსაყოფად დამსაქმებლის წინაშე გამოხატეს მოსაზრებანი (მათ შორის პროტესტის გზით), რაც სამწუხაროდ მიუღებელ ქცევად შეფასდა დამსაქმებლის მხრიდან და ისინი (რეორგანიზაციის საფუძვლით) დათხოვნილ იქნენ სამსახურიდან, მიუხედავად იმისა, რომ შრომის ღირსეული ანაზღაურების უფლება შრომითი უფლების განუყოფელი ნაწილია და მასზე მნიშვნელოვნად არის დამოკიდებული ადამიანის ღირსეული ცხოვრება, ხოლო ს.შ.კ.-ის მე-5 მუხლის ,,გ“ პუნქტის თანახმად - დისკრიმინაციის აკრძალვა, ასევე ვრცელდება შრომის, შრომის ანაზღაურებისა და შრომითი ურთიერთობის შეწყვეტის პირობებზეც.
საქართველოს უზენაესი სასამართლოს არაერთ გადაწყვეტილებაში განმარტებული აქვს, რომ ,,რეორგანიზაცია მუშაკთან ხელშეკრულების შეწყვეტის ფორმალური საფუძველი არ არის და ორგანიზაციაში მიმდინარე სტრუქტურული, ორგანიზაციული ცვლილებები არ უნდა იქცეს მუშაკის სამსახურიდან გათავისუფლების კანონისმიერ საფუძვლად“ მით უფრო, როდესაც აშკარაა ,,რეორგანიზაციის საფუძვლით“ სამსახურიდან გაშვების გადაწყვეტილებით დამსაქმებელი ცდილობს გადაფაროს მოსაზრებების/პროტესტის გამო სამსახურიდან გაშვების დისკრიმინაციული მოტივები“ .
სამსახურიდან რეორგანიზაციის საფუძვლით დათხოვნასთან დაკავშირებით მვნიშვნელოვანია EEuropean Court of Human Rightsს პრაქტიკა, კერძოდ საქმეზე Baka v. Hungary, EEuropean Court of Human Rightsმ აღნიშნა, რომ ,,რეორგანიზაციის საფუძვლით მუშაკის თანამდებობიდან გათავისუფლების რეალურ მიზეზს მის მიერ გამოთქმული მოსაზრებები წარმოადგენდა და დაადგინა განმცხადებლის მიმართ უფლებადარღვევის განხორციელების ფაქტი. ,,- ICFRP-ს ,,შრომის, ჯანმრთელობის, სოციალური საკითხებისა და მოქალაქეობის სამსახური“ (SOC) თქვენი სოციალური უფლებებისთვის.
ფოტო პირობითია.
პოლიტიკა
20.10.2025 / 13:49
„ფორმულა“ - ჟურნალისტების დევნას განვიხილავთ შეტევად დამოუკიდებელ მედიაზე, რომლის მიზანი კრიტიკული აზრის ჩახშობაა - მოვუწოდებთ საერთაშორისო მეგობრებს ქმედითი მხარდაჭერისკენ, რათა რეჟიმმა ფასი გადაიხადოს
„ფორმულა“ - ჟურნალისტების დევნას განვიხილავთ შეტევად დამოუკიდებელ მედიაზე, რომლის მიზანი კრიტიკული აზრის ჩახშობაა - მოვუწოდებთ საერთაშორისო მეგობრებს ქმედითი მხარდაჭერისკენ, რათა რეჟიმმა ფასი გადაიხადოს
მოვითხოვთ ქეთა ციცქიშვილის გათავისუფლებას, ასევე, მოვუწოდებთ საერთაშორისო მეგობრებს ქმედითი მხარდაჭერისკენ, რათა რეჟიმმა კრიტიკული მედიის დევნისთვის შესაბამისი პოლიტიკური ფასი გადაიხადოს, - ამის შესახებ ტელეკომპანია „ფორმულას“ განცხადებაშია ნათქვამი, რომელიც ჟურნალისტ ქეთა ციცქიშვილის დაკავების შემდეგ გაავრცელეს.
მათი თქმით, ვახო სანაიასა და ქეთა ციცქიშვილის დაკავება, დამოუკიდებელი მედიის წინააღმდეგ შეტევად განიხილება.
„დღეს, 20 ოქტომბერს, რეჟიმის პოლიციამ დააკავა „ფორმულას“ კიდევ ერთი წამყვანი, ჟურნალისტი ქეთა ციცქიშვილი. მიზეზი, სავარაუდოდ, აქციაში მონაწილეობაა. გუშინ რეჟიმის სასამართლომ ანალოგიური საბაბით 6 დღით საპატიმროში ჩასვა „ფორმულას“ წამყვანი, ჟურნალისტი ვახო სანაია.
„ფორმულა“ ჟურნალისტების გახშირებულ დევნას განიხილავს შეტევად დამოუკიდებელი მედიის წინააღმდეგ, რომლის მიზანი კრიტიკული აზრის ჩახშობაა.
მოვითხოვთ ქეთა ციცქიშვილის გათავისუფლებას, ასევე მოვუწოდებთ საერთაშორისო მეგობრებს ქმედითი მხარდაჭერისკენ, რათა რეჟიმმა კრიტიკული მედიის დევნისთვის შესაბამისი პოლიტიკური ფასი გადაიხადოს. მიუხედავად მძიმე სამუშაო პირობებისა, „ფორმულა“ განაგრძობს თავისუფალი სიტყვის დაცვას“,- ნათქვამია განცხადებაში.
