ბაღდათის მუნიციპალიტეტში სტიქიის სალიკვიდაციო სამუშაოები გრძელდება.

იწმინდება საავტომობილო და შიდა საუბნო გზები, საცხოვრებელი სახლების ეზოები. 

ელექტროენერგია აღდგენილია სრულად. ბუნებრივი აირი არ მიეწოდება ასამდე ოჯახს. 

ძლიერი წვიმის შედეგად მიყენებული ზარალის დათვლა ამ დრომდე მიმდინარეობს.

უწყვეტ რეჟიმში მიმდინარეობს ბაღდათის მუნიციპალიტეტში უხვი ნალექის შედეგად დაზიანებული საავტომობილო გზების გაწმენდითი სამუშაოები.

ბაღდათის მუნიციპალიტეტის მერი ნოდარ გიორგიძე, მერის მოადგილეები საკრებულოს თავმჯდომარე გურამ კიკნაველიძე, ტერიტორიულ ერთეულებში მერის წარმომადგენლები უხვი ნალექის შედეგად დაზარალებულ მოსახლეობას ხვდებიან და პრობლემებს ეცნობიან. 

ბაღდათის მუნიციპალიტეტის მერია საგანგებო რეჟიმში მუშაობს, შექმნილია ზარალის დამთვლელი კომისია.

ამ დრომდე ბუნებრივი აირი არ მიეწოდება 1300, ხოლო ელექტრო ენერგია 700 აბონენტს.

უხვი ნალექის შედეგად, ბაღდათის მუნიციპალიტეტში დაიტბორა გზები, სახლები ეზოები და სახნავ-სათესი სავარგულები.

საგანგებო რეჟიმში მუშაობს ბაღდათის მუნიციპალიტეტის მერიის შესაბამის სამსახურები, ააიპ ბაღდათის კეთილმოწყობის დასუფთავებისა და მუნიციპალური სერვისები გაერთიანების თანამშრომლები.

ბაღდათის მუნიციპალიტეტის მერი, მერის მოადგილეები საკრებულოს თავმჯდომარე, ტერიტორიულ ერთეულებში მერის წარმომადგენლები უხვი ნალექის შედეგად დაზარალებული მოსახლეობის მდგომარეოაბს ეცნობიან და შესაბამის დახმარებას უწევენ. ძლიერი წვიმის შედეგად მიყენებულ ზარალს შესაბამისი კომისია შეისწავლის.

ბაღდათის მერიაში ფუნქციონირებს ცხელი ხაზი ძლიერი წვიმის შედეგად დაზარალებულ მოქალაქეებს დახმარებისთვის შეუძლიათ დარეკონ მითითებულ ნომერზე: +995 591 909 005

ბაღდათის და ზესტაფონის მუნიციპალიტეტებში ძლიერმა წვიმამ წყალდიდობა გამოიწვია .

დატბორილია გზები, სახნავ-სათესი მიწები,წყალი შევიდა საცხოვრებელი სახლების ეზოებსა და პირველ სართულებში. 

,,19:41 წუთის მდგომარეობით ეს სიტუაციაა ზესტაფონის მუნიციპიტეტის სოფელ პირველ სვირში.. დატბორილია მდინარე შაველას მიმდებარედ საყანე ფართობები და ვენახები. მეორე სვირთან დამაკავშირებელ გზაზე მოდის საკმაოდ დიდი წყალი და გზა ფაქტობრივად გაუვალია. ხიდამდე მისასვლელი გზაც დაფარულია წყლით.. ამ წუთში, შეუძლებელია რომ ადამიანური რესურსით რამე გაიწმინდოს..,,-წერს სოციალურ ქსელში თამთა კაკაურიძე .

,,არ ეყოფა ამას ბაღდათის ძალები და დაგვეხმარეთ ხალხო ქვეყნის მასშტაბით ჩართულობაა საჭიროოო ჩქარა.ხალხმა სანამ ჩვენი ხელებით ნაკოწოწებიც დავკარეთ . ახლა არ დაიწყოთ აქ ბუნებრივი კატასტროფებზე ზღაპრებზე საუბარი.დაგვეხმარეთ სასწრაფოდ,ყველგან უბედურება ხდება,,-წერს სოციალურ ქსელში გიორგი ცაავა.

შიდასახელმწიფოებრივი მნიშვნელობის წყალთაშუა-კურორტი საირმის საავტომობილო გზის მე-3 კმ-ზე ჩამოვიდა მიწის მასა და ჩაკეტა გზის სავალი ნაწილი, რის გამოც აღნიშნულ გზაზე დროებით აკრძალულია ყველა სახის ავტოტრანსპორტის მოძრაობა

ადგილზე მობილიზებულია სპეციალური ტექნიკა და გზის წმენდის სამუშაოები ინტენსიურ რეჟიმში მიმდინარეობს, რათა უმოკლეს ვადებში აღდგეს ავტოტრანსპორტის მოძრაობა 

ინფორმაციას საქართველოს საავტომობილო გზების დეპარტამენტი ავრცელებს. 

სურსათის ეროვნული სააგენტოს იმერეთის დეპარტამენტის ინსპექტორებმა სამტრედიის, სოფ. მთისძირსა (ინდივიდუალური მეწარმე- ვ. კ. ) და წყალტუბოს, სოფ. ფარცხანაყანებში (ინდივიდუალური მეწარმე - ტ. თ.) ყველის არალეგალური საწარმოები გამოავლინეს. 

სახელმწიფო კონტროლის შედეგად დადგინდა, რომ ბიზნესოპერატორი, შემდგომი რეალიზაციისთვის, ყველს ეკონომიკურ საქმიანობათა რეესტრში რეგისტრაციის და სავალდებულო აღიარების გარეშე აწარმოებდა. ამავდროულად , ობიექტზე გამოვლინდა კრიტიკული შეუსაბამობები (ტექნოლოგიური პროცესის დარღვევა) და მომხმარებლისათვის სურსათის შესახებ ინფორმაციის მიწოდების წესის (ეტიკეტირების) დარღვევა.  

კანონმდებლობის შესაბამისად, ბიზნესოპერატორები დაჯარიმდნენ და საწარმოო პროცესი შეუჩერდათ.