2026 წლის 1-ელი იანვრიდან მძღოლები ზედმეტი ხმაურის გამო დაჯარიმდებიან.

ახალი წლიდან ძალაშია “ადმინისტრაციულ სამართალდარღვევათა კოდექსის“ ნორმა, რომლის მიხედვით, იმ სატრანსპორტო საშუალების მართვა, რომლის ექსპლუატაციისას წარმოქმნილი ხმაური კანონმდებლობით დადგენილ ნორმას აღემატება, გამოიწვევს დაჯარიმებას 100 ლარის ოდენობით.

განმეორების შემთხვევაში ჯარიმის ოდენობა 200 ლარი იქნება, ხოლო შემდეგ ჯერზე სატრანსპორტო საშუალების მძღოლი 300 ლარით დაჯარიმდება.

აღნიშნული კანონი 2026 წლის 1-ელი იანვრიდან ამოქმედდა

დღეიდან, 2026 წლის 1 იანვრიდან, ამოქმედდა „შინაური ცხოველების შესახებ“ კანონის ერთი ნაწილი.ამ ახალი წესებით, ცხოველების მეპატრონეებს უჩნდებათ ვალდებულებები და წესდება ჯარიმები.

 აიკრძალება არასამკურნალო მიზნით ცხოველებისთვის: ​ყურების მოჭრა; კუდის მოჭრა; ეშვებისა და ბრჭყალების ამოჭრა; სმენის დაქვეითება; ხმის იოგების გადაჭრა.

 მეპატრონე ვალდებული იქნება: ცხოველის ავადობის შემთხვევაში, ის დაუყოვნებლივ გადაიყვანოს ვეტერინარულ დაწესებულებაში; დაბინძურების შემთხვევაში დაასუფთაოს საზოგადოებრივი სივრცე; თუკი ცხოველი გამოიწვევს ზიანს, აანაზღაუროს ის კანონით დადგენილი წესით.

ამასთან, უკვე მოქმედებს სისხლის სამართლის პასუხიმგებლობის გამკაცრებული ზომები, რომელიც ცხოველის წამებას, მისდამი სასტიკ მოპყრობას ან ცხოველის მიმართ სხვაგვარ ძალადობას მოჰყვება.

კანონი ადგენს, რომ დაუშვებელია ცხოველისადმი არასათანადო ან სასტიკი მოპყრობა ან ასეთი ქმედების ხელშეწყობა, მათ შორის - ცხოველის ცემა, ცხოველის მუდმივად დაბმულ მდგომარეობაში ყოლა, ცხოველის ისეთი ფიზიკური დატვირთვა, რომელიც მის ტანჯვას იწვევს, ცხოველის მოწოდება აგრესიისკენ ან წახალისება სხვა ცხოველის და ადამიანის ჯანმრთელობის და სიცოცხლის საწინააღმდეგოდ, ასევე ცხოველისთვის ჭრილობის მიყენება, მისი დასახიჩრება ან ჯანმრთელობის სხვაგვარი დაზიანება (მათ შორის, ავტოსაგზაო შემთხვევისას), რომელიც სახიფათოა სიცოცხლისთვის და ჯანმრთელობისთვის. დაუშვებელი იქნება ცხოველის გამოყენება სამეცნიერო ექსპერიმენტისთვის და მასზე ლაბორატორიული ცდების ჩატარება (გარდა “ჯანმრთელობის დაცვის შესახებ“კანონით გათვალისწინებული შემთხვევებისა), ცხოველების ორთაბრძოლის ორგანიზება, ჩატარება და ორთაბრძოლისთვის ადგილის გადაცემა.

დიდთოვლობის გამო, შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის კმ40-კმ141 (ქორენიში-შოვი) მონაკვეთზე დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა შეზღუდულია.

 საავტომობილო გზის კმ1-კმ39 მონაკვეთზე ავტოტრანსპორტის მოძრაობა თავისუფალია.

ინფორმაციას საქართველოს საავტომობილო გზების დეპარტამენტი ავრცელებს. 

31 დეკემბერის დღის მეორე ნახევრიდან 3 იანვრამდე საქართველოში კვლავ მოსალოდნელია დროგამოშვებით ნალექი, ზოგან ძლიერი, უმეტესად თოვლის სახით. შესაძლებელია ქარის გაძლიერება, მთიან რაიონებში - ნისლი, ქარბუქი, გზებზე ლიპყინული და ზვავსაშიშროება. 1- 2 იანვარს ზღვაზე შესაძლებელია 3-4 ბალიანი შტორმული ღელვა. დიდთოვლობის, ქარბუქის, ხილვადობის გაუარესების, ლიპყინულის და ზვავსაშიშრიების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.  

მოსალოდნელმა ნალექებმა შესაძლებელია მდინარეებზე წყლის დონეების მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

ინფორმაციას საქართველოს საავტომობილო გზების დეპარტამენტი ავრცელებს. 

საჩხერის მუნიციპალიტეტში დიდთოვლობით გამოწვეული შეფერხებების აღმოსაფხვრელად სამუშაოები აქტიურ რეჟიმში მიმდინარეობს.

ინფორმაციას საჩხერის მუნიციპალიტეტის მერია ავრცელებს. 

იწმინდება ცენტრალური საავტომობილო გზები, რის შემდეგაც პროცესი შიდა საუბნო გზებზე გაგრძელდება. 

მუშაობს 18 ერთეული ტექნიკა.

შესაბამისი სამსახურები 24-საათიან რეჟიმში მუშაობენ, რათა მოსახლეობას გადაადგილებაში პრობლემები არ შეექმნას.

დიდთოვლობამ დააზიანა მაღალი ძაბვის ელექტროგადამცემი ხაზები, რის გამოც ამ დროისთვის მუნიციპალიტეტს ელექტროენერგია არ მიეწოდება. შესაბამისი სამსახურები დაზიანების ოპერატიულად აღმოფხვრის მიზნით ინტენსიურ რეჟიმში მუშაობენ.

ხარაგაულის მუნიციპალიტეტში თოვლის გაწმენდის სამუშაოები ინტენსიურად მიმდინარეობს. მთელი ღამის განმავლობაში უწყვეტ რეჟიმში იწმინდებოდა ხარაგაულში შემომავალი ცენტრალური გზები, ასევე დაბისა და პატარა ხარაგაულის ქუჩები. სამუშაოები რთულ მონაკვეთებზე გრძელდება.

ინფორმაციას ხარაგაულის მუნიციპალიტეტის მერია ავრცელებს. 

„ ამ ეტაპზე წყალი და გაზი მოქალაქეებს შეუფერხებლად მიეწოდებათ, ხოლო ელექტროენერგია დროებით გათიშული აქვს დაახლოებით 5 000 აბონენტს. მიმდინარეობს აღდგენითი სამუშაოები.“, - განაცხადა ხარაგაულის მერმა. 

ტექნიკა მუშაობს სოფლებში: წიფა, ზვარე, მოლითი, ღორეშა ,საღანძილე, წყალაფორეთი, ნადაბური, კიცხი,ხუნევი,ბორითი, წყალაფორეთი, ვარძია, ფარცხნალი, სადაც თოვლის საფარი ყველაზე მაღალია და 50 - 70 სანტიმეტრს აღწევს.