ქუთაისის საპელაციო სასამართლოს მოსამართლე ნიკოლოზ მარგველაშვილმა ოთხი ჭიათურელი მაღაროელის საქმეზე გადაწყვეტილება დღეს გამოაცხადა.

მან უცვლელი დატოვა პირველი ინსტანციის სასამართლოს გადაწყვეტილება და მსჯავრდებულებს — მერაბ სარალიძესა და გიორგი ნეფარიძეს — 6 წელი და 3 თვე, ხოლო არჩილ ჭუმბურიძესა და თენგიზ გველესიანს 4 წელი და 3 თვე პატიმრობა მიუსაჯა (1 წელი და 5 თვე უკვე გავიდა). 

,,ამ გადაწყვეტილებას ზემდგომ ინსტანციაში გავასაჩივრებთ, საბოლოოდ კი ადამიანის უფლებათა ევროპულ სასამართლოში (სტრასბურგში) წავიყვანთ.

ხაზგასვმით და ცალსახად შეგვიძლია ვთქვათ, რომ საქართველოში სასამართლო სისტემა არ არსებობს — ის მიკერძოებულია და ზემოდან ნაბრძანებ მითითებებს ასრულებს. როგორც თამარ მაზანაშვილი, ისე ნიკოლოზ მარგველაშვილი სისტემის ჯიბის მოსამართლეები არიან და მათ მსგავსად მრავალი სხვაა.,,-აცხადებენ დაკავებული მაღაროელების გულშემატკივრები.

შინაგან საქმეთა სამინისტროს იმერეთის პოლიციის დეპარტამენტის თანამშრომლებმა, წინასწარი შეთანხმებით ჯგუფის მიერ დიდი ოდენობით ნარკოტიკული საშუალების უკანონო შეძენა-შენახვის, რეალიზაციისა და რეალიზაციის ხელშეწყობის ბრალდებით სამი პირი დააკავეს. მათ შორის ერთი უცხო ქვეყნის მოქალაქეა. 

სამართალდამცველებმა, მოსამართლის განჩინების საფუძველზე, ერთ-ერთი დაკავებულისგან განახორციელეს ნარკოტიკული საშუალებების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.

პოლიციამ ნარკოდანაშაულის ბრალდებით დაკავებული პირების პირადი ჩხრეკისას, ასევე ჩატარებული საგამოძიებო ექსპერიმენტის დროს მათ მიერ მითითებული ადგილებიდან, ნივთმტკიცებად ამოიღეს სარეალიზაციოდ გამზადებული - 107 შეკვრად დაფასოებული ნარკოტიკული საშუალება „მარიხუანა“. 

სამართალდამცველების მიერ, ასევე, ამოღებულია ნარკოტიკული საშუალებების დაფასოებისთვის საჭირო მასალები. 

გამოძიება სისხლის სამართლის კოდექსის 260-ე, 260-ე ტერცია და 260-ე კვარტა მუხლებით მიმდინარეობს, რაც 12 წლამდე ვადით თავისუფლების აღკვეთას ითვალისწინებს.

დღეს ქუთაისის სააპელაციო სასამართლოში ოთხი  ჭიათურელი მაღაროელის საქმეზე პროცესი გაიმართა.

მოსამართლემ  ყველა მათგანის საბოლოო სიტყვას მოუსმინა. განაჩენი ხვალ, დილის 10:00 საათზე  გამოცხადდება.

,,მივმართავთ მოსამართლეს: ვიცით, რამხელა მნიშვნელობისაა ეს საქმე. უბრალოდ, გისურვებთ სიმტკიცესა და გამძლეობას. დაიცავით თქვენი მანტია, აღასრულეთ ის სამართალი, რასაც წელიწადი და ხუთი თვეა, ვითხოვთ. ნუ იქნებით მიკერძოებული, მსგავსად თქვენი კოლეგისა იყავით თავისუფალი, ობიექტური და სამართლიანი. ჩვენ ბევრს არ ვითხოვთ, უბრალოდ შეასრულეთ თქვენი ფუნქცია ჯეროვნად და უმწიკლოდ.,,-მაღაროელთა საინიციატივო ჯგუფი. 

დღეს სააპელაციო სასამართლოში  ჭიათურელ მაღალოელთა საქმის განხილვა გაიმართება. დაკავებულთა ადვოკატები სააპელაციო წესით მოსამართლე თამარ მაზანაშვილის გადაწყვეტილებას ასაჩივრებენ, რომელის მიხედვითაც  ოთხ მაღაროელს   პატიმრობა მიესაჯა.

დღევადელ სხდომაზე სააპელაციო სასამართლოს მოსამართლე ნიკოლოზ მარგველაშვილი ბრალდებულებს საბოლოო სიტყვით მოუსმენს. თუ მოსამართლე დროში ჩაეტია და განაჩენის გამოტანა მოასწრო, ეს პროცესი ბოლო იქნება.

,,მივმართავთ მოსამართლე ნიკოლოზ მარგველაშვილს: ჩვენ არ ვითხოვთ განსაკუთრებულს — გვსურს მიუკერძოებელი, ობიექტური სასამართლო და სიმართლის ზეიმი, რათა ეს უდანაშაულო ხალხი ყოველგვარი სასჯელისგან გათავისუფლდეს. უსამართლობისათვის ციხეში გატარებული წელიწადნახევარი საკმარისზე მეტია; დროა, სიმართლემ იზეიმოს.,,-მაღაროელთა საინიციატივო ჯგუფი. 

სასამართლო პროცესი დღეს, საღამოს 5 საათზე, ქუთაისში,სააპელაციო სასამართლოში გაიმართება.

 სურსათის ეროვნულმა სააგენტომ ვანში, წყალტუბოსა და თერჯოლაში რძის პროდუქტების არალეგალური საწარმოები გამოავლინა

 იმერეთის დეპარტამენტის ინსპექტორებმა სახელმწიფო კონტროლის ფარგლებში ფიზიკური პირების დ. დ-ის (ვანი, სოფელი ციხესულორი), ზ. ხ-ის (ვანი, ტაბიძის ქუჩის მიმდებარე), ჰ. ა-ის (თერჯოლა, სოფელი კვახჭირი) და ა. ც-ის (თერჯოლა, სოფელი ქვედა სიმონეთი) ყველის საწარმოები შეამოწმეს. ინსპექტირების შედეგად დადგინდა, რომ ბიზნესოპერატორები ყველს სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე აწარმოებდნენ.  

  ამავდროულად, ობიექტებზე აღმოჩნდა კრიტიკული შეუსაბამობები და ტექნოლოგიური პროცესის დარღვევით დამზადებული ყველი, რომელიც შემდგომი განადგურების მიზნით დაილუქა. 

კრიტიკული შეუსაბამობები გამოვლინდა ფიზიკური პირის მ. ქ-ის (წყალტუბო, სოფელი ქვიტირი) საწარმოშიც. ბიზნესოპერატორი რძის პროდუქტებს აღიარებისა და ეკონომიკურ საქმიანობათა რეესტრში რეგისტრაციის გარეშე აწარმოებდა; დარღვეული იყო ასევე ტექნოლოგიური პროცესი და ეტიკეტირების წესი. ობიექტები კანონმდებლობის შესაბამისად დაჯარიმდნენ და საწარმოო პროცესი შეუჩერდათ.

ეროვნული სატყეო სააგენტოს თანამშრომლებმა, მიმდინარე წლის აგვისტოს თვეში, სამართალდარღვევის 25 ფაქტი გამოავლინეს. მათგან 21 ხე-ტყის უკანონო მოპოვებას, მათ შორის, უკანონო მოპოვებული ხე-ტყის ტრანსპორტირებას უკავშირდება.

გამოვლენილი სამართალდარღვევების შედეგად, ჯამში, ამოღებულია სხვადასხვა სახეობის 65 კუბურ მეტრამდე საშეშე და სამასალე მერქანი, რომელიც ეროვნული სატყეო სააგენტოს „საქმიან ეზოებში“ დასაწყობდა.

ხე-ტყის უკანონოდ მოპოვების ფაქტებიდან 4 სამრთალდარღვევა გამოვლენილია იმერეთის, 3 - სამცხე-ჯავახეთის, 1 - რაჭა-ლეჩხუმისა და ქვემო სვანეთის, 3 - ქვემო ქართლის, 4 -გურიის, 2 - კახეთის, 1 - მცხეთა-მთიანეთის და 3 - შიდა ქართლის რეგიონებში.

ამასთან, გამოვლინდა სახელმწიფო ტყის თვითნებურად დაკავების 4 ფაქტი სამცხე-ჯავახეთის და შიდა ქართლის რეგიონებში.

მიმდინარე წლის პირველი რვა თვის განმავლობაში, ქვეყნის მასშტაბით, ეროვნული სატყეო სააგენტოს თანამშრომლებმა ხე-ტყის უკანონო მოპოვების 464 ფაქტი გამოავლინეს.

 ფოტო პირობითია.