21 - 22 აგვისტოს საქართველოს ტერიტორიაზე მოსალოდნელია ჰაერის ტემპერატურის მომატება. დასავლეთ საქართველოს დაბლობში ჰაერის ტემპერატურამ შესაძლებელია 37-39 გრადუსს გადააჭარბოს, ხოლო მთიან რაიონებში 35-37 გრადუსს მიაღწიოს. 

აღმოსავლეთ საქართველოში ჰაერის მაქსიმალური ტემპერატურა 33-38 გრადუსის ფარგლებშია მოსალოდნელი. 

ჰაერის მოსალოდნელი მაღალი ტემპერატურა ტყის ხანძრების ერთ-ერთ ხელშემწყობ პირობას წარმოადგენს. (საფრთხის დონე საშუალო).

საგანგებო სიტუაციების მართვის სამსახური მოსახლეობას სიფრთხილისკენ მოუწოდებს.

,,გარემოს ეროვნული სააგენტოს ინფორმაციით, მომავალი დღეების განმავლობაში როგორც დასავლეთ, ასევე, აღმოსავლეთ საქართველოს ტერიტორიაზე, მოსალოდნელია ტემპერატურის მატება. რის გამოც, იზრდება ტყისა და მინდვრის ხანძრების გაჩენის რისკი. 

შინაგან საქმეთა სამინისტროს ცენტრალური კრიმინალური პოლიციის, საპატრულო პოლიციის, თბილისის, აჭარის, სამეგრელო-ზემო სვანეთის, იმერეთის და მცხეთა-მთიანეთის პოლიციის დეპარტამენტების თანამშრომლებმა, გენერალურ პროკურატურასთან ერთად, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 19 პირი დააკავეს, მათ შორის 6 ნარკორეალიზატორია.

დაკავებულები არიან, როგორც საქართველოს, ასევე, უცხო ქვეყნის მოქალაქეები.

დანაშაულები 20 წლამდე ან უვადო თავისუფლების აღკვეთას ითვალისწინებს

უახლოეს დღებში დასავლეთ საქართველოში ცხელი და უნალექო ამინდია მოსალოდნელი, ხოლო აღმოსავლეთ საქართველოს ცალკეულ რაიონში მაღალი ტემპერატურის ფონზე შესაძლოა ხანმოკლე წვიმა და ელჭექი აღინიშნოს. 

თბილისში უნალექო ამინდი იქნება. ჰაერის ტემპერატურა დღისით +34, +36 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): ცხელი და უნალექო ამინდი იქნება. ჰაერის ტემპერატურა დღისით +32, +34 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): ცხელი და უნალექო ამინდია მოსალოდნელი. ჰაერის ტემპერატურა დღისით +36, +38 გრადუსი დაფიქსირდება. 

დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ცხელი და უნალექო ამინდია მოსალოდნელი. ჰაერის ტემპერატურა დღისით +34, +36 გრადუსი იქნება. 

დასავლეთ საქართველოს მაღალმთიან რეგიონებში (მესტია, ბახმარო): უნალექო ამინდია მოსალოდნელი. ჰაერის ტემპერატურა დღისით +30, +32 გრადუსი იქნება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): მაღალი ტემპერატურის ფონზე ზოგან შესაძლოა მცირე ხანმოკლე წვიმა ელჭექით აღინიშნოს. ჰაერის ტემპერატურა დღისით +34, +36 გრადუსი იქნება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): მაღალი ტემპერატურის ფონზე ზოგან შესაძლოა ხანმოკლე წვიმა ელჭექით აღინიშნოს. ჰაერის ტემპერატურა დღისით +34, +36 გრადუსი დაფიქსირდება. 

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): მაღალი ტემპერატურის ფონზე ზოგან შესაძლოა ხანმოკლე წვიმა ელჭექით აღინიშნოს. ჰაერის ტემპერატურა დღისით +33, +35 გრადუსი დაფიქსირდება. 

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): ზოგან შესაძლებელია ხანმოკლე წვიმა ელჭექით. ჰაერის ტემპერატურა დღისით +25, +27 გრადუსი დაფიქსირდება.

ბაღდათის მუნიციპალიტეტის სოფელ პირველ ობჩაში ე.წ მთისძირის დასახლებაში სასმელი წყლის სისტემის მოწყობა მიმდინარეობს.

სასმელი წყლის სისტემის სამშენებლო სამუშაოებს კომპანია " ვაბე" ასრულებს. 

ტენდერის პირობების თანახმად,სოფელ პირველ ობჩაში , მთისძირის დასახლებაში, აშენდა ახალი წყლის შემგროვებელი სათავე ნაგებობა და დაიქსელა მილები. აღნიშნული სამუშაოები რეგიონებში განსახორციელებელი პროექტების ფონდიდან დაფინანსდა .

სოფელ პირველ ობჩაში მთისძირის უბნის მოსახლეობას, სასმელი წყლის პრობლემა წლების მანძილზე აწუხებდა.

წყალმომარაგების ახალი სისტემა მალე ექსპლოატაციაში შევა და ადგილობრივებს ხარისხიანი წყალი უწყვეტად ექნება.

,,დროებითი გადახურვა პირველივე ქარის დროს..

ალბათ ესეც "სტიქიას" დაბრალდება..

კომიტეტი შვებულებაშია სიცხის გამო..

გელათში უწყვეტი კატასტროფა წყევლასავითაა, არ სრულდება.

დღეს, 2 კვირის წინ დამონტაჟებული გადახურვის ტენტი ფრიალებდა..

სამუშაოების შეწყვეტის მიზეზად გუშინ ცხელი ამინდები და დისკომფორტი დასახელდა...

გელათის ამბებზე გატრუნულები დიდი ხნის წინ ჩამოვწერე,

ყანწიანი ქართველები, 

მხოლოდ იმიტომ რომ დუმან, წყლის ჩაგუბებით თითქოს მათგან მოწონებულ პარტიულ ხელმძღვანელობას ზოგავენ,

გელათის ხარჯზე ზიანს არიდებენ.

ასეთების პატრიოტობის, ქრისტიანობის და ქართველობის არ გაიშვას, საცოდავი ხალხია..

აქვე, ისინიც სასაცილოები არიან წულუკიანის დროს რომ იშვიათად, მაგრამ წაიკნავლებდნენ ხოლმე და რადგან ახლა საპატრიარქოა პასუხისმგებელი და რადგან არჩევნები მოდის, გელათის კატასტროფა დამიუთებული აქვთ..

თითქოს არ ხდება..

ნაწილი აქტიურად ავრცელებდა კიდეც "საოცარ პროგრესზე" ალიოშა დევდარიანის ფოტოდოკუმენტებს..

 ესენი ზემოთებზე არანაკლები მავნებლები არიან, ანუ რომელი - რომელს.

როცა გელათს ეს სჭირს,მიზანშეწონილობებით დუმილი არ დაგეკარქოთ საცხა.,,-წერს თორნიკე ბარათაშვილი, ,,ევროპა ჩვენი სახლიას,, დამფუძნებელი. 

შეგახსენებთ,გელათის მონასტერი მეორე თვეა ტურისტებისა და მომლოცველებისათვის დაკეტილია.მონასტერი 15 აგვისტოს უნდა გახსნილიყო,თუმცა შესვლა ისევ აკრძალულია. მონასტრის დაკეტვა მიზეზად გადახურვის სამუშაოები დასახელდა.სამუშაოები ამ დროისთვის შეწყვეტილია.

გელათის რეაბილიტაციის დროებითი კომიტეტის განაცხადებით, ,,აგვისტოს თვეში რეგიონში არსებული მძიმე (ცხელი და ტენიანი) კლიმატური პირობები ძალზე რთული გადასატანი აღმოჩნდა გერმანელი სპეციალისტებისთვის. ამ ფაქტორმა ასევე დიდწილად შეაფერხა სამუშაოების წარმოების ტემპი.,,