,,ერთად შევხვდეთ შობას,,-ქუთაისში,მერიის წინ დღეს შეკრება იგეგმება.შობის შესახვედრად მოსახლეობა 22:00 საათიდან შეიკრიბებიან.

,,მერიის შენობაში ფუნქციონირებს მართლმადიდებლური ტაძარი, რომლის ისტორიაც დიდწილად მოიცავს და იმეორებს საქართველოს ისტორიის ზოგიერთ მნიშვნელოვან ნაწილს. 

სიმბოლურია დემონსტრანტებმა შობა (იმედის დღესასწაული) ერთად აღვნიშნოთ საქართველოს ისტორიული მტრის მიერ დაზიანებულ ერთ-ერთ ტაძარში.

ინფორმაციისთვის: ამ ადგილზე, წმ. მთავარანგელოზთა სახელობის პირველი ტაძარი 1450 წელს აიგო. 1840 წელს იმავე ადგილას ახალი ტაძარი ააგეს, რადგან ძველი მნიშვნელოვან რესტავრაციას საჭიროებდა. 

ამ ტაძარში არაერთი ქადაგება აქვთ ჩატარებული: გაბრიელ ქიქოძეს, რაჟდენ გიგაურს, კორნელი კეკელიძეს...

1944 წელს საბჭოთა კავშირმა ტაძარი დაანგრია.,,-წერია ინფორმაციაში. 

ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

ინფორმაციას საქართველოს საავტომობილო გზების დეპარტამენტი ავრცელებს. 

ქუთაისში მდებარე ხარაზოვის ბაღი უკვე წლებია დაზიანებულია და იქ ბავშვების თამაში და გადაადგილება სახიფათოა.

,,ქუთაისის მერიამ ნიღბების თეატრში საახალწლო კონცერტი გამართა.

სკვერში დიდი ჟრიამულია დღეს, ათობით ბავშვმა გადაიარა ამ სასაკლაოზე. 

რანაირად შეიძლება თქვენი კონცერტი და საჩუქრები იყოს გულწრფელი, როცა ეზოში უკვე მეოთხე ბავშვი ჩავარდა შადრევანში.ერთი მათგანი ფეხის მძიმე დაზიანებით წაიყვანა იქვე მაცხოვრებლმა ბიჭებმა. 

რანაირად შეიძლება დაგიჯეროთ ბავშვების სიყვარული??? 

და ახლა თქვენ გეკითხებით მშობლებო, ქალებო, მამებო! 

რომელ მხარეზე მესაუბრებით??? 

რომელ მშვიდობაზე მესაუბრებით, როცა წლებიაა ბავშვების უსაფრთხოებას ვითხოვ და ერთი კეთილი კაცი არ აღმოჩნდა მერიაში, ბავშვებს შოკოლადის სანაცვლოდ სიცოცხლე რომ აჩუქოს! 

მონიშნეთ ყველა ის ადამიანი ვისაც ეს ქალაქი უყვარს! 

ამოიღეთ ხმა, აღარც ნიღბების თეატრი ჰგავს კულტურის ძეგლს და აღარც ეს სკვერია ბავშვებისთვის.,,-წერს სოციალურ ქსელში სოფა საკანდელიძე.

მშობლები ხარაზოვის ბაღში არსებულ სიტუაციაზე დიდი ხანია საუბრობენ და მოგვარებას ითხოვენ.

,,მსგავსი გულიგრილობით თომა ტვინის შერყევით და 8 ნაკერით იწვა ბავშვთაში. პარკის დირექტორს შევხვდი და საშიში დეკორაციის ამბავი ვუამბე, გავაფრთხილე იქნებ აიღოთ , სხვა ბავშვებს გაუფრთხილდეთქო და პასუხად მივიღე " ამაში იმდენი მაქვს გადახდილი" ...,,-სოფია გორგოძე.

შინაგან საქმეთა სამინისტროს მიგრაციის დეპარტამენტმა, მიმდინარე წლის ნოემბერ-დეკემბრის თვეებში სხვადასხვა ქვეყნის 91 მოქალაქე ქვეყნიდან გააძევა.

„შესაბამისი კანონმდებლობის საფუძველზე, ნოემბერ-დეკემბრის თვეებში ქვეყნიდან გაძევებულ იქნენ ირანის, ალჟირის, ინდოეთის, მაროკოს, შრი-ლანკის, ეგვიპტის, პაკისტანის, ნიგერიის, ერაყის, თურქეთის, აზერბაიჯანის, რუსეთის, თურქმენეთის და სხვა ქვეყნების მოქალაქეები.

გაძევებულ პირთა შორის, რომელთა მიმართაც შინაგან საქმეთა სამინისტროს მიგრაციის დეპარტამენტში დაიწყო გაძევების პროცედურა, არიან უცხო ქვეყნის ის მოქალაქეები, რომლებიც მიმდინარე წლის ნოემბერ-დეკემბერში, თბილისში მიმდინარე აქციებში მონაწილეობდნენ და სასამართლოს მიერ შეეფარდათ სხვადასხვა ადმინისტრაციული სახდელები - ჯამში 25 პირი. მათგან, 10-მა უცხო ქვეყნის მოქალაქემ უკვე დატოვა საქართველოს ტერიტორია.

მიგრაციის დეპარტამენტმა, 2024 წლის მონაცემებით, საერთო ჯამში ქვეყნიდან 430 უცხო ქვეყნის მოქალაქე გააძევა, რაც 126% -ით აღემატება წინა წლის ანალოგიურ მაჩვენებელს.,,- აღნიშნულია ინფორმაციაში.

დღეს, 14:00 საათზე ტყიბულში სოლიდარობის აქცია გაიმართება. 

,,დროა, ტყიბულმა თავისი სათქმელი თქვას!

2024 წლის 24 დეკემბერს, რეჟიმის დაკვეთით, Coal of Georgia-მ პოლიტიკური ნიშნით დევნის საფუძველზე 38 მეშახტე სამსახურიდან გაათავისუფლა, რადგან მათ გაბედეს თავისუფლად აზრის გამოხატვა.

ეს გადაწყვეტილება შეურაცხყოფს არა მხოლოდ მეშახტეებს, არამედ ჩვენს თავისუფლებას, ღირსებასა და მომავალს!

მეშახტეები ჩვენი ქალაქის ძალაა, მათ მიმართ გამოხატული უსამართლობა ქალაქის ღალატია.

2025 წლის 3 იანვარს, 14:00 საათზე, შევიკრიბებით მერიის წინ!

ჩვენი სოლიდარობით ვაჩვენებთ, რომ ტყიბული არ გაჩუმდება!

ერთად ვიბრძოლოთ სამართლიანობისთვის და დავანახოთ რეჟიმს, რომ ჩვენ ხმას ვერავინ ჩაახშობს!,,-წერია ინფორმაციაში. 

 31 დეკემბერს და 1 იანვარს საქართველოში ზოგან იწვიმებს, მაღალ მთაში მოთოვს, 2 იანვრიდან კი უმეტესად უნალექო ამინდია მოსალოდნელი.

ქ. თბილისში უნალექო ამინდი იქნება. ჰაერის ტემპერატურა დღისით +6, +8 გრადუსი დაფიქსირდება. 

 სანაპირო რაიონებში (ბათუმი, ქობულეთი, ანაკლია, ფოთი): 31 დეკემბერს და 1 იანვარს იწვიმებს, 2 იანვრიდან კი უნალექო ამინდია მოსალოდნელი. ჰაერის ტემპერატურა დღისით +12, +14 გრადუსი იქნება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 31 დეკემბერს და 1 იანვარს ზოგან იწვიმებს, 2 იანვრიდან კი უმეტესად უნალექო ამინდია მოსალოდნელი. ჰაერის ტემპერატურა დღისით +13, +15 გრადუსი იქნება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 2 იანვრამდე ზოგან ნალექიანი ამინდი იქნება, შემდგომში უმეტესად უნალექო ამინდია მოსალოდნელი. ჰაერის ტემპერატურა დღისით +8, +10 გრადუსი დაფიქსირდება. 

დასავლეთ საქართველოს მაღალმთიან რაიონებში (მესტია, ბახმარო): 31 დეკემბერს და 1 იანვარს ზოგან მოთოვს, 2 იანვრიდან კი უმეტესად უნალექო ამინდია მოსალოდნელი. ჰაერის ტემპერატურა დღისით -1, -3 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): 31 დეკემბერს ზოგან იწვიმებს, 1-3 იანვარს კი უმეტესად უნალექო ამინდი იქნება. ჰაერის ტემპერატურა დღისით +5, +10 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): უმეტესად უნალექო ამინდი იქნება. ჰაერის ტემპერატურა დღისით +10, +12 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 2 იანვრამდე ზოგან მოთოვს, შემდგომში კი უმეტესად უნალექო ამინდი იქნება. ჰაერის ტემპერატურა დღისით +4, +6 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 2 იანვრამდე ზოგან მოთოვს, 2 იანვრიდან კი უმეტესად უნალექო ამინდი იქნება. ჰაერის ტემპერატურა დღისით 0, +5 გრადუსი დაფიქსირდება.