ჟურნალისტ მზია ამაღლობელის საქმეზე ქუთაისის სააპელაციო სასამართლომ გადაწყვეტილება გამოაცხადა. მოსამართლეებმა განაჩენი- 2 წლიანი პატიმრობა ძალაში დატოვეს.

საქმეს  სამი მოსამართლე განიხილავდა- ნიკოლოზ მარგველაშვილი (მომხსენებელი ), მარინა სირაძე და ნანა ჯოხაძე.

მზია ამაღლობელის ადვოკატები ჟურნალისტის გათავისუფლებას ითხოვდნენ.

პარალელურად, ბათუმის საქალაქო სასამართლოს გადაწყვეტილებას ასაჩივრებდა პროკურატურაც . ისინი სასჯელის გამკაცრებას  და პატიმრობას 4-დან 7 წლამდე ვადით ითხოვდნენ.