დღეს, 16 თებერვალს, ქუთაისის მერიის წინ, 20:00 სთ.-ზე  ქუთაისის უწყვეტ აქციას მწერალი ელზა გურგენიძე შეუერთდება. 

ის  ისაუბრებს თავის რომანზე - "ზაოდი".

რომანი ლიტერატურული პრემია „საბას“ გამარჯვრბულია ნომინაციაში - ,,საბჭოთა და პოსტსაბჭოთა ისტორიის რეფლექსია ქართულ ლიტერატურაში".

 ბათუმის საქალაქო სასამართლოში 17 თებერვალს ჩაინიშნა სხდომა 11 იანვრის საპროტესტო აქციის მონაწილეების, მათ შორის მზია ამაღლობელის წინააღმდეგ. 

,,აღსანიშნავია, რომ სასამართლო სხდომა ისე ჩაინიშნა, რომ ამის შესახებ არ უცნობებიათ არც მზია ამაღლობელისათვის და არც მისი ადვოკატებისათვის, რაც დარღვევას წარმოადგენს. 

ამ დრომდე ჩვენთვის არ გადმოუციათ არც ადმინისტრაციული სამართალდარღვევის ოქმი, რომელიც სასამართლოში საქმის განხილვის დაწყების წინაპირობაა. სამართალდარღვევის პროცესის ჩანიშვნა და განხილვა მხარისათვის შეტყობინების გარეშე, დაუშვებელია.

 მზია ამაღლობელი 11 იანვარს მხოლოდ სტიკერის გაკვრის გამო დააკავეს. დაკავების ოქმში ჩაიწერა ყალბი ინფორმაცია იმასთან დაკავშირებით, რომ მზია ამაღლობელი დაკავებამდე ლანძღავდა და შეურაცხყოფას აყენებდა პოლიციას, რაც სრული სიცრუეა. ამ სიცრუეს ადასტურებს მზია ამაღლობელის დაკავების ვიდეოკადრები.,,-საია.

სოციალურ ქსელში საბრძოლო დიდების მუზეუმის კედელზე დამონტაჟებული ბარელიეფის რეაბილიტაციის ფოტოები გავრცელდა.როგორც აღმოჩნდა, ბარელიეფი აღდგენილი არ არის და გავრცელებული ფოტოები მონტაჟია,ხოლო ინფორმაცია ტყუილი.

1975 წლის 9 მაისს დაარსებული მუზეუმის კედელზე არსებული ბარელიეფი ამ დროისთვის ასე გამოიყურება:

სოციალურ ქსელში ქუთაისის საბრძოლო დიდების მუზეუმის კედელზე დამონტაჟებული ბარელიეფის  ფოტო ვრცელდება.ფოტოზე დაზიანებული ქანდაკება აღდგენილია,რამაც მოსახლეობის დაინტერესება გამოიწვია.

,,ქუთაისის საბრძოლო დიდების მუზეუმი. ერთი კითხვა მაქვს-ჰონორარი რამდენი გადაუხადეს ამაში???,,-წერს სოციალურ ქსელში მოქალაქე  მარინა მესხი.

ქუთაისის საბრძოლო დიდების მუზეუმი 1975 წლის 9 მაისს დაარსდა.

 რეაბილიტაციამდე.

 რეაბილიტაციის შემდეგ.

15-17 თებერვალს საქართველოს ცალკეულ რაიონში მოსალოდნელია ნალექიანი ამინდი.

თბილისში უნალექო ამინდია მოსალოდნელი. ჰაერის ტემპერატურა დღისით +10, +12 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): 15 თებერვალს უნალექო ამინდი იქნება, 16-17 თებერვალს კი ზოგან გაწვიმდება. ჰაერის ტემპერატურა დღისით +13, +15 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 15 თებერვალს უნალექო ამინდი იქნება, 16-17 თებერვალს კი გაწვიმდება. ჰაერის ტემპერატურა დღისით +12, +14 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 15 თებერვალს უნალექო ამინდი იქნება, 16-17 თებერვალს კი ზოგან ნალექიანი ამინდია მოსალოდნელი. ჰაერის ტემპერატურა დღისით +9, +11 გრადუსი დაფიქსირდება. 

დასავლეთ საქართველოს მაღალმთიან რაიონებში (მესტია, ბახმარო):15 თებერვალს უნალექო ამინდი იქნება, 16-17 თებერვალს კი მოთოვს. ჰაერის ტემპერატურა დღისით +3, +5 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): 15-16 თებერვალს უნალექო ამინდი იქნება, 17 თებერვალს კი ზოგან გაწვიმდება. ჰაერის ტემპერატურა დღისით +11, +13 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 15-16 თებერვალს უნალექო ამინდი იქნება, 17 თებერვალს კი ზოგან გაწვიმდება. ჰაერის ტემპერატურა დღისით +12, +14 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 15-16 თებერვალს უნალექო ამინდი იქნება, 17 თებერვალს კი ზოგან მოთოვს. ჰაერის ტემპერატურა დღისით +7, +9 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 15 თებერვალს უნალექო ამინდი იქნება, 16-17 თებერვალს კი ზოგან მოთოვს. ჰაერის ტემპერატურა დღისით +1, +3 გრადუსი დაფიქსირდება.

რამდენიმე საათის წინ, იმერეთში, ჯაპანის ტბებზე, გურიის გარემოსდაცვითი სამსახურის თანამშრომლებს, ბრაკონიერმა , სავარაუდოდ დაშინების მიზნით, ცეცხლი სანადირო იარაღიდან გაუხსნა.

ინფორმაციას ,,მოძრაობა ბრაკონიერების წინააღმდეგ,, ავრცელებს .

მათივე ცნობით, ამჟამად ადგილზე მობილიზებულია როგორც იმერეთის , ასევე გურიის კრიმინალური პოლიციის სამსახურები, ასევე დეპარტამენტის ორივე რეგიონის ეკიპაჟები. 

,ეს შემთხვევა არის კიდევ ერთი დასტური იმისა, რომ აღნიშნული სამსახურის თანამშრომლები აუცილებლად უნდა აღჭურვილნი იყვნენ ცეცხლსასროლი იარაღით

მოძრაობის სრული თანადგომა დეპარტამენტის ეკიპაჟებს 🙏 ვიღაც კი ძალიან მაგარ შარშია სახლართი ბადის და ორი კილოგრამი თევზის გამო.,,-წერს გვერდი.