ქუთაისში მედიის მხარდასაჭერად სინათლის მარში -,,სინათლე არ უნდა ჩაქრეს,, იმართება .

მონაწილეები ანთებული ფარნებით ქალაქის  ქუჩებში გადაადგილდებიან.

უამინდობის მიუხედავად,ჟურნალისტები,სამოქალაქო აქტივისტები და მოსახლეობა მერიის წინ ანთებული ფარნებით შეიკრიბა.

,,სინათლე არ უნდა ჩაქრეს ,, 22 ონლაინმედიის ერთობის კამპანიაა, რომლის მიზანიც დამოუკიდებელი მედიის დასაცავად მხარდამჭერების გაერთიანებაა.

2026 წლის ბიუჯეტის პროექტის  მიხედვით 1 იანვრიდან ასაკობრივი პენსია გაიზრდება .

მომავალი წლიდან 70 წლის და მეტი ასაკის პენსიონერთა პენსია იზრდება 45 ლარით და განისაზღვრება 495 ლარის ოდენობით. ამავე კატეგორიის პენსიონერთა პენსია მაღალმთიან დასახლებებში თითქმის 594 ლარს გაუტოლდება;

70 წლამდე პირთა პენსია იზრდება 20 ლარით და განისაზღვრება 370 ლარის ოდენობით, ხოლო მაღალმთიან დასახლებებში 444 ლარი იქნება.

გარდა პენსიისა, გათვალისწინებულია მკვეთრად გამოხატული და 18 წლამდე შშმ პირების სოციალური გასაცემელის ზრდა 45 ლარით, ხოლო დანარჩენი კატეგორიის შშმ პირთა გასაცემელის ზრდა 20 ლარით.

საქართველოში 70 წლამდე პირთა პენსია 350 ლარს შეადგენს, მაღალმთიან დასახლებებში ამავე ასაკობრივი ჯგუფის პენსიონერები 420 ლარს იღებენ. 70 წლის და მეტი ასაკის პენსიონერთა პენსია 450 ლარს შეადგენს, ხოლო მაღალმთიან დასახლებებში ამავე კატეგორიის პენსიონერთა პენსია 540 ლარია.

შინაგან საქმეთა სამინისტროს საპატრულო პოლიციის, თბილისის პოლიციის, იმერეთის პოლიციის, კახეთის პოლიციისა და შიდა ქართლის პოლიციის დეპარტამენტების თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისსა და რეგიონებში უკანონო ცეცხლსასროლი იარაღები, ასევე, საბრძოლო მასალა ამოიღეს - დაკავებულია 9 პირი.

ცეცხლსასროლი იარაღებისა და საბრძოლო მასალის უკანონო შეძენა-შენახვისა და ტარების ფაქტებზე დაკავებულები არიან: 1969 წელს დაბადებული მ.ლ.; 1997 წელს დაბადებული დ.ღ.; 1997 წელს დაბადებული ჯ.ქ.; 1984 წელს დაბადებული ვ.ბ.; 1961 წელს დაბადებული გ.გ. 

ასევე, წარსულში ნასამართლევი 4 პირი - 1995 წელს დაბადებული რ.კ; 1970 წელს დაბადებული პ.ღ.; 1976 წელს დაბადებული ა.ბ. და 1972 წელს დაბადებული ბ.ჯ.

დანაშაული 7 წლამდე ვადით თავისუფლების აღკვეთას ითვალისწინებს.

სამართალდამცველებმა ბრალდებულების პირადი, ავტომობილების და საცხოვრებელი სახლების ჩხრეკის შედეგად, ნივთმტკიცებად ამოიღეს, სხვადასხვა სახის ცეცხლსასროლი იარაღი, მათ შორის ავტომატური ცეცხლსასროლი იარაღები, რევოლვერები და პისტოლეტები, საბრძოლო ვაზნები და მჭიდები.

ცეცხლსასროლი იარაღებისა და საბრძოლო მასალის უკანონო შეძენა-შენახვის ფაქტებზე გამოძიება სისხლის სამართლის კოდექსის 236-ე მუხლით მიმდინარეობს.

ხვალ, 30 სექტემბერს, 13:00 საათზე, ხარაგაულის კინოთეატრში, მუნიციპალიტეტის მერი კობა ლურსმანაშვილი, გეოლოგებთან და ექსპერტებთან ერთად, ხემაღალისა და ღვერკის მოსახლეობას შეხვდება.  

შეხვედრაზე წარმოდგენილი იქნება აღნიშნული სოფლების ტერიტორიაზე მეწყრული პროცესების შესწავლის მიზნით ჩატარებული კომპლექსური საინჟინრო - გეოლოგიური კვლევის შედეგები და სპეციალისტთა რეკომენდაციები. მოსახლეობას ექნება შესაძლებლობა მიიღოს დეტალური ინფორმაცია და დასვას კითხვები.

შეხვედრის მიზანია სპეციალისტთა რეკომენდაციების გაცნობა და მოსახლეობასთან ერთად შემდგომი ნაბიჯების განხილვა.

სოფელ ხემაღალისა და სოფელ ღვერკის ტერიტორიაზე, მეწყერული პროცესების შესწავლის მიზნით, კომპლექსური საინჟინრო - გეოლოგიური კვლევა ხარაგაულის მუნიციპალიტეტის მერიის დაკვეთით, კომპანია „გეოლოჯიქსმა“ ჩაატარა.

საარჩევნო ადმინისტრაციის ორგანიზებით უსინათლო ამომრჩევლებთან
საინფორმაციო შეხვედრა გაიმართა. შეხვედრის მთავარი თემა 2025 წლის
მუნიციპალიტეტის ორგანოთა არჩევნები იყო. ცენტრალური საარჩევნო
კომისიის (ცესკო) შეზღუდული შესაძლებლობების მქონე პირთა საკითხებზე
მომუშავე სამუშაო ჯგუფის ხელმძღვანელმა გიორგი სანტურიანმა შეხვედრის
მონაწილეებს 4 ოქტომბრის არჩევნების შესახებ ინფორმაცია და საარჩევნო
ტექნოლოგიებთან დაკავშირებული სიახლეები გააცნო.
გიორგი სანტურიანმა დეტალურად ისაუბრა იმ სერვისების შესახებ, რომელსაც
საარჩევნო ადმინისტრაცია უსინათლო ამომრჩევლებს საარჩევნო უბანზე
სთავაზობს. შეხვედრის მონაწილეებმა ამომწურავი პასუხები მიიღეს მათთვის
საინტერესო კითხვებზე. თავის მხრივ, საარჩევნო ადმინისტრაციის
წარმომადგენლებს თავადაც გაუზიარეს მოსაზრებები, რომელიც არჩევნებზე
უსინათლო ამომრჩეველთა მონაწილეობის პროცესის ხელშეწყობას
უკავშირდება.
შეხვედრას ასევე ესწრებოდა ცესკოს შეზღუდული შესაძლებლობების მქონე
პირთა საკითხებზე მომუშავე სამუშაო ჯგუფის მდივანი ელენე ბობოხიძე.
საინფორმაციო შეხვედრა სამუშაო ჯგუფის საქმიანობის ფარგლებში,
საქართველოს უსინათლოთა კავშირთან თანამშრომლობით 26 სექტემბერს
თბილისში გაიმართა. უსინათლო ამომრჩეველთან საინფორმაციო შეხვედრა
ასევე დაგეგმილია რუსთავში.

მედიის მხარდასაჭერად ქუთაისში სინათლის მარში გაიმართება.მარშს სამოქალაქო სექტორის წარმომადგენლები უერთდებიან.

 "წამოიღე ფარანი, მოდი მერიასთან და ერთად გავანათოთ ქუთაისის ქუჩები. სინათლე არ უნდა ჩაქრეს",- ამბობენ კრიტიკული მედიის წარმომადგენლები.

მარში ხვალ, 30 სექტემბერს, 20:00 საათზე, ქუთაისის მერიის წინ არის დაგეგმილი.

"სინათლე არ უნდა ჩაქრეს" 22 ონლაინმედიის ერთობის კამპანიაა, რომლის მიზანიც დამოუკიდებელი მედიის დასაცავად მხარდამჭერების გაერთიანებაა.