შინაგან საქმეთა სამინისტროს გენერალური ინსპექციის თანამშრომლებმა, ნარკოტიკული საშუალების უკანონო შეძენა-შენახვის ბრალდებით, 1999 წელს დაბადებული ლ.ჩ. დააკავეს.

სამართალდამცველებმა იმერეთის პოლიციის დეპარტამენტის თანამშრომლის - ლ.ჩ.-ს პირადი ჩხრეკისას, დიდი ოდენობით ნარკოტიკული საშუალება „მეთადონი“ ნივთმტკიცებად ამოიღეს.

გამოძიება სისხლის სამართლის კოდექსის 260-ე მუხლის მე-2 ნაწილის ,,ა” ქვეპუნქტით მიმდინარეობს, რაც 8 წლამდე ვადით თავისუფლების აღკვეთას ითვალისწინებს.

დედის დღედ 3 მარტი 33 წლის წინ,საქართველოს პირველი პრეზიდენტის,ზვიად გამსახურდიას ინიციატივით დაწესდა. საქართველოს უზენაესმა საბჭომ  პრეზიდენტის გადაწყვეტილება 1991 წელს დაამტკიცა.

ზვიად გამსახურდიას გადაწყვეტილებით, დედის დღეს საქართველოში ქალთა საერთაშორისო დღე – 8 მარტი უნდა ჩაენაცვლებინა.

3 მარტი  უქმე დღეა.

3-5 მარტს საქართველოში შენარჩუნებული იქნება შედარებით ცივი და დროგამოშვებით ნალექიანი ამინდი.

ქ. თბილისში უმეტესად უნალექო ამინდი იქნება. ჰაერის ტემპერატურა დღისით +6, +8 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): დროგამოშვებით წვიმაა მოსალოდნელი. ჰაერის ტემპერატურა დღისით +10, +12 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): დროგამოშვებით წვიმაა მოსალოდნელი. ჰაერის ტემპერატურა დღისით +11, +13 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): დროგამოშვებით ნალექია მოსალოდნელი. ჰაერის ტემპერატურა დღისით +6, +8 გრადუსი დაფიქსირდება. 

დასავლეთ საქართველოს მაღალმთიან რაიონებში (მესტია, ბახმარო): დროგამოშვებით თოვლია მოსალოდნელი. ჰაერის ტემპერატურა დღისით -1, +1 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ნალექია მოსალოდნელი. ჰაერის ტემპერატურა დღისით +6, +8 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ნალექია მოსალოდნელი. ჰაერის ტემპერატურა დღისით +6, +8 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან თოვლია მოსალოდნელი. ჰაერის ტემპერატურა დღისით 0, +2 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან თოვლია მოსალოდნელი. ჰაერის ტემპერატურა დღისით -2, -4 გრადუსი დაფიქსირდება.

ხარაგაულის მუნიციპალიტეტის დამეწყრილ სოფლებში - ღვერკსა და ხემაღალში გარემოს ეროვნული სააგენტოს დასავლეთ საქართველოს გეოლოგიის დეპარტამენტისა და საქართველოს რკინიგზის ინფრასტრუქტურის ფილიალის წარმომადგენლები,ასევე ხარაგაულის მერი იმყოფებოდა. სპეციალისტებმა მდინარე ყარნებაზე არსებული წყლის შეგუბების კერა კიდევ ერთხელ დაათვალიერეს და მიმდინარე პროცესები დეტალურად შეაფასეს. 

 შეფასების შედეგად დადგინდა, რომ ამ ეტაპზე დაგუბებული წყლის მოცულობა არ წარმოადგენს კრიტიკულ მასას და არ ქმნის მომეტებულ საფრთხეს არც მოსახლეობისთვის და არც მიმდებარე ინფრასტრუქტურისთვის, მათ შორის — რკინიგზისა და საავტომობილო გზისთვის.

სპეციალისტების ინფორმაციით, მდგომარეობა სტაბილურია — წყლის დონე, კლიმატური პირობების ცვლილების მიუხედავად უცვლელია. კალაპოტი, რომელიც მდინარის ბუნებრივი გამოდინების უზრუნველსაყოფად გაიჭრა, ფუნქციონირებს სრულად და დამატებით გაფართოებულია, რაც ზრდის გამტარუნარიანობას. 

იმერეთის სატყეო სამსახურის თანამშრომლებმა, საჩხერეში, სახელმწიფო ტყის ტერიტორიაზე ხე-ტყის უკანონო მოპოვების ფაქტი გამოავლინეს. სამართალდამრღვევმა 4 კუბურ მეტრამდე წითელი ნუსხით დაცული წაბლის სახეობის სამასალე მერქანი უკანონოდ მოიპოვა. გარემოზე მიყენებული ზიანი 4000 ლარს შეადგენს. ვინაიდან საქმე შეიცავს სისხლის სამართლის დანაშაულის ნიშნებს, მასალები შემდგომი რეაგირებისთვის, გადაგზავნილია შესაბამის საგამოძიებო უწყებაში. ხოლო, უკანონოდ მოპოვებული სამასალე მერქანი შემდგომი განკარგვის მიზნით, გადატანილია საჩხერის საქმიან ეზოში. 

 „სახელმწიფო კონტროლს ხე-ტყით უკანონო სარგებლობის აღკვეთის მიზნით, უწყვეტ რეჟიმში ვახორციელებთ. ჩვენი მიზანია, მინიმუმამდე დავიყვანოთ ტყეზე უკანონო ზეწოლა“, - აღნიშნა ეროვნული სატყეო სააგენტო უფროსმა ბესიკ ამირანაშვილი.

მოქალაქე ნინო ალანია ქუთაისის საერთაშორისო აეროპორტში მომხდარ ფაქტზე სოციალურ ქსელში წერს,რა დროსაც ახალგაზრდა მამაკაცი გარდაიცვალა. 

,,გუშინ ქუთაისის საერთაშორისო აეროპორტში ძალიან მძიმე და შემაშფოთებელი ფაქტის მომსწრე გავხდი.

ბათუმის მიმართულებით მიმავალ ავტობუსში ჩასხდომის შემდეგ, სანამ ავტობუსი დაიძვრებოდა, მძღოლი, ახალგაზრდა კაცი ეცრად ცუდად გახდა. ადგილზე მყოფმა ადამიანებმა დაუყოვნებლივ დაიწყეს დახმარება. შემთხვევითი გამვლელები, პოლიციელები და აეროპორტის ექიმები ერთად, თავდაუზოგავად და უწყვეტად უტარებდნენ გულის მასაჟს.

მაგრამ სასწრაფო დახმარების ჯგუფის მოსვლას დაახლოებით 30 წუთი დასჭირდა.

30 წუთი.

ამ დროის განმავლობაში ადამიანები საკუთარი ძალებით ცდილობდნენ ადამიანის სიცოცხლის შენარჩუნებას აეროპორტში, საერთაშორისო აეროპორტში, სადაც ყოველდღიურად ათასობით მგზავრი გადაადგილდება.

და აქ ჩნდება სრულიად ლოგიკური და მძიმე კითხვა:

რატომ არ არის საერთაშორისო აეროპორტში მუდმივად მორიგე სასწრაფო დახმარების ჯგუფი?

რატომ უნდა ელოდოს სასწრაფოს მოსვლას ნახევარი საათი ადგილი, რომელიც წარმოადგენს ქვეყნის ერთ-ერთ მთავარ სატრანსპორტო კვანძს?

როგორ შეიძლება ადგილზე რამდენიმე პოლიციის ეკიპაჟის არსებობა და ამავე დროს არც ერთი სასწრაფო დახმარების ჯგუფი?

როგორც იქ მომუშავეებმა თქვეს, წინა დღესაც იყო შემთხვევა, როდესაც მგზავრს დასჭირდა გადაუდებელი დახმარება და მაშინაც სასწრაფოს დაგვიანებით მოუწია მოსვლა. 

არ ვიცი, დროულად მოსვლას შეცვლიდა თუ არა შედეგს. მაგრამ ერთი რამ ცხადია, ასეთი მასშტაბის ობიექტზე გადაუდებელი სამედიცინო დახმარების მყისიერი ხელმისაწვდომობა არ უნდა იყოს კითხვის ნიშნის ქვეშ.

ეს არ არის არავის ბრალდება, ეს არის მოქალაქის სრულიად სამართლიანი კითხვა.

იმედი მაქვს, ეს კითხვა მიაღწევს იმ ადამიანებამდე, ვისაც შეუძლია მსგავსი კრიტიკული საკითხების გადახედვა და შეცვლა.

რადგან ასეთ დროს ყოველი წუთი გადამწყვეტია.,,-წერს ჯგუფში ,,მოგზაურთა კლუბი,, ნინო ალანია.