საქართველოს 21 წლამდე ნაკრები საკვალიფიკაციო რაუნდის ბოლო მატჩს დღეს ქუთაისში ითამაშებს.

ახალგაზრდული ნაკრები შენგელია არენაზე უეფას 2025 წლის 21 წლამდელთა ევროპის ჩემპიონატის საკვალიფიკაციო ეტაპის ფარგლებში ჩრდილოეთ მაკედონიას დაუპირისპირდება.

მატჩი 20:00 საათზე დაიწყება.

დღევანდელი შეხვედრა საქართველოს ნაკრებისთვის ძალიან მნიშვნელოვანია. გუნდს აქვს შანსი, ევროპის ჩემპიონატზე მოხვდეს.

ნიდერლანდების 21-წლამდელთა ნაკრებმა ევროპის ჩემპიონატის შესარჩვი ეტაპის ბოლო ტურში შვედეთს 3:0 მოუგო.იმ შემთხვევაში , თუ დღეს საქართველოს ახალგაზრდული ნაკრები ჩრდილოეთ მაკედონიას დაამარცხებს, ჯგუფში მე-2 ადგილს დაიკავებს და პლეი-ოფში ითამაშებს.

სუპერლიგის მოქმედმა ჩემპიონმა ,,ქუთაისი 2010” -მა საკალათბურთო სუპერლიგის ახალი სეზონი გამარჯვებით დაიწყო!

კოტე ტუღუშის გუნდმა “დელტა” გურჯაანში, ძალიან რთულ შეხვედრაში ბოლო წამებზე – 78:73 (სტატისტიკა)დაამარცხა. 

ქუთაისურ კლუბში 25 ქულით და 14 მოხსნით საუკეთესო იყო გიორგი კორსანტია. 18 ქულა და 9 პასი გიორგი ოჩხიკიძემ, ხოლო 13 ქულა და 7 მოხსნა გიორგი სულაბერიძემ მოაგროვა.

აქვე უნდა აღინიშნოს, რომ ქუთაისი 2 დღის წინ დაბრუნდა სლოვაკეთიდან, სადაც ფიბა ევროპის თასის მატჩზე პირველი მატჩი გამართა და ადგილობრივ ,,პრევიდზასთან” თანაბარ ბრძოლაში, 8 ქულით დამარცხდა. 

,,ქუთაისი 2010” სლოვაკეთიდან ფაქტობრივად პირდაპირ გურჯაანში, სუპერლიგის პირველი ტურის მატჩის სათამაშოდ ჩავიდა.

 საქართველოს ფეხბურთის ფედერაციის ორგანიზებით, 18 ოქტომბერს, ქუთაისში საქართველოსა და ლატვიის ნაკრები გუნდების ვეტერანი ფეხბურთელების ამხანაგური მატჩი გაიმართება. 

 შეხვედრას, რომელშიც ქართველი და ლატვიელი ლეგენდარული ფეხბურთელები მიიღებენ მონაწილეობას, შენგელია არენა 21:00 საათზე უმასპინძლებს. 

 მატჩზე დასასწრები ბილეთების შეძენა ონლაინ რეჟიმში TKT.ge-ს საშუალებით არის შესაძლებელი. ბილეთის ფასი 5 ლარია. თითოეულ მომხმარებელს მატჩზე დასასწრები მაქსიმუმ ოთხი ბილეთის შეძენა შეუძლია. 

 ბილეთების შეძენა  შესაძლებელი იქნება შენგელია არენას სალაროებშიც. 

სომხეთის ქალაქ ვანაძორში ჩატარდა საერთაშორისო ტურნირი 2010-2011 წლებში დაბადებულ მოკრივეთა შორის, სადაც საქართველოს, სომხეთისა და ისრაელის ასაკობრივი გუნდები მონაწილეობდნენ. 

ტურნირზე წარმატებით გამოვიდა ქუთაისის აკაკი კაკაურიძის სახელობის N18 კრივის სპორტსკოლის გუნდი. ქუთაისელმა მოკრივეებმა 5 ოქროს, 7 ვერცხლისა და 4 ბრინჯაოს მედალი მოიპოვეს. 

ვანაძორის საერთაშორისო ტურნირის გამარჯვებულები გახდნენ: საბა კერძევაძე ( 42კგ. მწვრთნელი, ირაკლი გვენეტაძე), ვლადიმერ ხვისტანი (46კგ. მწვრთნელი, ზაალ ჯავახაძე), მათე თათელიშვილი (40კგ. მწვრთნელი, მამუკა სუთიძე), საბა რატიანი (60კგ. მწვრთნელი, მამუკა სუთიძე), საბა ობოლაძე (54კგ. მწვრთნელი, გიორგი ქოჩიშვილი).

,,ამ ტურნირზე ნაჩვენები შედეგების მიხედვით დაკომპლექტება გუნდი, რომელიც ჯერ საქართველოს ჩემპიონატში მიიღებს მონაწილეობას, გამარჯვების შემთხვევაში კი ევროპის ჩემპიონატზე იასპარეზებს" - აღნიშნა კრივის სპორტსკოლის დირექტორმა ირაკლი გვენეტაძემ.

საქართველოს 21 წლამდე ნაკრები საკვალიფიკაციო რაუნდის ბოლო მატჩს ქუთაისში ითამაშებს.

ახალგაზრდული ნაკრები შენგელია არენაზე უეფას 2025 წლის 21 წლამდელთა ევროპის ჩემპიონატის საკვალიფიკაციო ეტაპის ფარგლებში ჩრდილოეთ მაკედონიას დაუპირისპირდება.

მატჩი 20:00 საათზე დაიწყება.

 თამაში ახალგაზრდული ნაკრებისთვის ძალიან მნიშვნელოვანია.თუ 10 ოქტომბერს, სტუმრად შვედეთში ქართველები მასპინძლებთან მინიმუმ ფრეს ითამაშებენ, მაკედონიასთან გამარჯვების შემთხვევაში მინიმუმ პლეი-ოფის, ხოლო შესაძლებელია პირდაპირ ევროპის ჩემპიონატის საგზური მოვიპოვოთ.

 საქართველოს სარაგბო ჩემპიონატის ,,დიდი 10” - ის ლიდერები ქუთაისური გუნდები ,,აია” და ,,არესი” არიან.

საქართველოს მოქმედმა ჩემპიონმა ,,აიამ” ოთხიდან, ოთხივე შეხვედრა მოიგო და 17 ქულით პირველ ადგილზეა. ქუთაისელებმა გუშინ ,,აია” არენაზე რუსთავის ,,ხარები” 24:12 დაამარცხეს. 

დიდი 10- ის IV ტურში გამარჯვება იზეიმა ,,არესმაც”, რომელმაც საოცრად დაძაბულ და სანახაობრივ შეხვედრაში სტუმრად ,,არმია” დაამარცხა ანგარიშით 48:41.

,,არესი” სატურნირო ცხრილში, 15 ქულით მეორე ადგილზეა. 

მომდევნო ტურის შეხვედრებს ქუთაისური გუნდები 11-13 ოქტომბერს გამართავენ. 

,,არესი” 11 ოქტომბერს ,,აია არენაზე” ბოლნისის ,,ყოჩებს” ეთამაშება (დასაწყისი-17:00).

 ,,აია” 13 ოქტომბერს სტუმრად ,,ხვამლს” დაუპირისპირდება.