იქუთაისის ინფექციურ კლინიკას, კიდევ ოთხი კოვიდდადებითი პაციენტი დაემატა. ორი აჭარის, ორი კი ქუთაისის კლასტერია

. კლინიკის სამედიცინო დირექტორის, ნოდარ მაღლაფერიძის განცხადებით, მათი მდგომარეობა საშუალო სიმძიმისაა.

ქუთაისის ინფექციურ საავადმყოფოში კორონავირუსის დიაგნოზით 18 პაციენტი მკურნალობს. კლინიკამ ჯამში 91კოვიდ ინფიცირებული პაციენტი მიიღო, 73-მა ვირუსი დაამარცხა.

დღეს კორონავირუსის რეკორდული რაოდენობა -57 ახალი შემთხვევა დაფიქსირდა. ინფიცირებულთა რაოდენობა 1830 გახდა. 

 57 ახალი შემთხვევიდან 5 პაციენტის წყარო არის საკონდიტრო „დონა“, 14 პაციენტის ინფიცირება დაკავშირებულია ბათუმთან, 18 პირი დადასტურებულ შემთხვევებთან კონტაქტია, 4 პაციენტის ინფიცირება უკავშირდება აჭარაში მოგზაურობის ისტორიას,  3 შემთხვევა არის შემოტანილი, საიდანაც 2 სატვირთო ავტომობილის მძღოლია, 5 არის სამედიცინო პერსონალი, ხოლო 8 პაცინეტის წყარო ჯერჯერობით უცნობია.

57 ახალი შემთხვევიდან, 27 აჭარაში გამოვლინდა. აჭარის ჯანდაცვის სამინისტროს ინფორმაციით, ბათუმის რესპუბლიკურ საავადმყოფოში 122 პაციენტი მკურნალობს. 

გამოჯანმრთელებულების ციფრი 9-ით გაიზარდა გახდა 1334.

დღეს საკრებულოს რიგგარეშე მე-16-ე სხდომა გაიმართა. დეპუტატებმა სამ საკითხზე იმსჯელეს, მათგან ერთი საარჩევნო პლაკატებისთვის ადგილების გამოყოფას ეხებოდა. დაზუსტდა იმ შენობა-ნაგებობების სია, სადაც აკრძალულია სააგიტაციო მასალების გაკვრა. საარჩევნო- სააგიტაციო  მასალის განსათავსება მოხდებას პეციალურად  გამოყოფლ მისამართებზე მდებარე  სტენდებზე. 

,,საარჩევნო კოდექსში აკრძალვებს დაემატა 2 შენობა-ნაგებობა,ეს არის სახელმწიფო უსაფრთხოების სამსახურის შენობა-ნაგებობები  და ასევე სახელმწოფო დაცვის სპეციალური სამსახურის შენობა-ნაგებობა.დამატებით ავკრძალეთ საარჩევნო პლაკატების გაკვრა ხე-ნარგავებზე და გარეგანათების ბოძებზე. დადგენილების მესამე მუხლში განსაზღვრული იყო ადგილები, სადაც შესაძლებელია საარჩევნო პლკატების გაკვრა, კერძოდ სპეციალურად გამოყოფილ ბანერებზე არის საუბარი. დროთა განმავლობაში რამოდენიმე დაზიანდა , კერძოდ 2 ცალი და ვერ ხერხდებოდა საარჩევნო პლაკატის გაკვრა.ის ორი ამოღებული იქნა დადგენილებიდან და ჩაემატა ახალი. ასევე საარჩევნო სუბიექტებს ქონდათ შეზღუდვა და ერთ ბანერზე შეეძლოთ მხოლოდ 4 პლაკატის გაკვრა, ეს შეზღუდვა ამოვიღრეთ.შეზღუდვა შეეხება მხოლოდ პლაკატის ზომებს,,-აცხადებს ირაკლი გიორგაძე, ქუთაისის მერიის იურისტი.

საკრებულოს დღევანდელ სხდომას ოპოზიცია არ ესწრებოდა.

საქართველოში კორონავირუსის 44 ახალი შემთხვევა გამოვლინდა და ინფიცირებულთა რაოდენობა 1773 გახდა.კოვიდცენტრებში 421 პაციენტი მკურნალობს.

44 ახალი დადასტურებული შემთხვევიდან 7 არის „დონასთან“ დაკავშირებული, 12 კი ქალაქ ბათუმთან , 12 დადასტურებულ შემთხვევასთან კონტაქტია, 2-ს აქვს ეპიდკერაში მოგზაურობის ისტორია, 5 იმპორტირებულია, 3 სამედიცინო პერსონალია, სამ შემთხვევაზე გრძელდება კონტაქტების მოკვლევა წყაროს დადგენის თვალსაზრისით.

კრიტიკულად მძიმე არის კორონავირუსით ინფიცირებული 3 პაციენტი, ხოლო მძიმე - 17-ის მდგომარეოობაა.

ქუთაისის ინფექციურ საავადმყოფოში კორონავირუსის დიაგნოზით სამი პაციენტი მოათავსეს,,ხოლო ექვსი  გამოჯანმრთელდა. კლინიკის სამედიცინო დირექტორის, ნოდარ მაღლაფერიძის ინფორმაციით, ისინი ერთი ოჯახის წევრები არიან.

"სამი პაციენტი დაგვემატა ერთი ოჯახის წევრები. ბებია ქუთაისში ცხოვრობს, შვილი და შვილიშვილი თბილისში. მათ კლინიკას თვითდინებით მიმართეს, რადგან ქონდათ ტემპერატურა და ვირუსისთვის დამახასიათებელი სიმპტომები. პაციენტებს შესაბამისი კვლევები უტარდებათ",-განაცხადა ნოდარ მაღლაფერიძემ.

ქუთაისის ინფექციურ კლინიკაში, ამ დროისთვის 14 კოვიდდადებითი პაციენტი მკურნალობს.

კორონავირუსი დაუდასტურდა ქუთაისში მამაკაცს, რომელიც სამსახურეობრივი მივლინებით აჭარაში იმყოფებოდა და იქედან რამდენიმე დღის წინ დაბრუნდა.მისი კონტაქტების მოძიება გრძელდება.

რაც შეეხება კიდევ ერთ პაციენტს,რომელაც ინფექცია დაუდგინდა,  ის წყალტუბოს საკარანტინო სივრცეში იმყოფებოდა.

კიდევ ერთი ფაქტი დაფიქსირდა საჩხერეში. საჩხერის სამედიცინო ცენტრის  დირექტორის ინფორმაციით , კორონავირუსი ახალგაზრდა მამაკაცს დაუდასტურდა. ის სამედიცინო ცენტრშია მოთავსებული.მისი ჯანმრთელობის მდგომარეობა დამაკმაყოფილებელია.