ბოლო 24 საათის განმავლობას ქუთაისში ჩხობაძის სახელობის კლინიკაში  პაციენტი გარდაიცვალა.71 წლის მამაკაცი კოვიდცენტრში 2 დეკემბერს შეიყვანეს. მას  ფილტვის 70პროცენტი ჰქონდა დაზიანებული, აღენიშნებოდა თანმხლები დაავადებები.

კორონავირუსით კიდევ ერთი ექიმი დაიღუპა.ანესთეზიოლოგი მამუკა ნემსიწვერიძე  ინტერვენციული მედიცინის ცენტრში მუშაობდა და იქვე მკურნალობდა.ის 60 წლის იყო.

ბოლო 24 საათის განმავლობაში სამტრედიის ჯეო ჰოსპიტალში 70 წლის მამაკაცი გარდაიცვალა .პაციენტს თანმდევი ქრონიკული დაავადებები აღენიშნებოდა.მამაკაცი კლინიკაში კორონა ვირუსის დადასტურებული დიაგნოზით რამდენიმე დღის წინ,სასწრაფო სამედიცინო დახმარების ეკიპაჟმა შეიყვანა.კლინიკაში ამ ეტაპზე 60 პაციენტი აგრძელებს მკურნალობას,რეანიმაციაში 7 ადამიანი იმყოფება.საავადმყოფოში ამ ეტაპზე 6 თავისუფალი საწოლია.

ბოლო 24 საათში სამედიცინო დაწესებულება ექვსმა გამოჯანმრთელებულმა პაციენტმა დატოვა.

ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 18 824 კვლევა ტესტით, მათ შორის 9 506  კვლევა ანტიგენით და 9 318 PCR-ით.

სამტრედიის კლინიკაში კორონავირუსით  69 წლის მამაკაცი გარდაიცვალა. მას მძიმე ქრონიკული დაავადება ქონდა და სამედიცინო დაწესებულებაში 10 დეკემბრიდან მკურნალობდა.

,,ჯეოჰოსპიტალსის,,  სამტრედიის მრავალპროფილური სამედიცინო ცენტრის ადმინისტრაციული მენეჯერის, ლელა ხურციძის ინფორმაციით,   საავადმყოფოში 61 პაციენტი მკურნალობს,,ხოლო რეანიმაციულ განყოფილებაში მოთავსებულია 7 ადამიანი, რომელთა მდგომარეობაც მძიმედ ფასდება.ამ დროისთვის კლინიკაში 5 ადგილია თავისუფალი.

ბოლო 24 საათში ქუთაისში კორონავირუსის 51 შემთხვევა დაფიქსირდა.როგორც დაავადებათა კონტროლის დეპარტამენტის უფროსის მოადგილე  კოტე გვეტაძე აცხადებს, ბოლო პერიოდია ქალაქში რაიმე ახალი კლასტერი არ გამოკვეთილა. მისი შეფასებით ვითარება სტაბილიზაციისკენ მიდის, რაც დაწესებული შეზღუდვების შედეგია, თუმცა ამბობს, რომ სიკვდილიანობა ჯერ ისევ მაღალია. 

ბოლო 24 საათში იმერეთში ვირუსის 338 ახალი შემთხვევა დაფიქსირდა, ქვეყნის მასშტაბით 49 ადამიანი გარდაიცვალა.