,,ჩვენ არაერთხელ დავაფიქსირეთ ჩვენი პოზიცია მიმდინარე მოვლენებზე, თუმცა ვფიქრობთ, დროა ყველა ერთად შევიკრიბოთ; ვფიქრობთ, აუცილებელია საჯაროდ ვთქვათ ჩვენი სათქმელი,,-ამ განცხადებით მოძრაობა  ,,რიონის ხეობის გადარჩენისთვის,, წარმომადგენლები მხარდამჭერებს  მიმართავენ.

ისინი შაბათს, 22 თებერვალს, 14:00 საათზე, ქუთაისში, ბალახვანში, ასსაფეხურიან კიბეებთან შეკრებას აანონსებენ.

,,ბოლო ოთხი წლის განმავლობაში, ჩვენ, თქვენთან ერთად, შევძელით ნამოხვანში, რაჭაში, ლეჩხუმში მნიშვნელოვანი გამარჯვებების მიღწევა. მიუხედავად არაერთი წინააღმდეგობისა, პროტესტის მშვიდობიანმა, კანონმორჩილმა ხასიათმა და ჩვენმა ერთობამ განაპირობა სახალხო პროტესტების სამი წარმატებული შედეგი, თუმცა ბოლო დროს კანონმდებლობა სიტყვისა და გამოხატვის თავისუფლების კუთხით იმდენად დამძიმდა, რომ პროტესტის ფორმები, რასაც ჩვენ აქამდე მივმართავდით, სისხლის სამართლით დასჯად დანაშაულად იქცა. ამ საკანონმდებლო ცვლილებებით გამართლდა და დაკანონდა მძიმე რეპრესიები, რაც თითქმის ორი წლის წინ დაიწყო, ბოლო თვეების განმავლობაში კი განსაკუთრებულ მასშტაბს მიაღწია. 

ასეთ ვითარებაში შეუძლებელი ხდება პროტესტის გამოხატვის შესაძლებლობა, აღარ რჩება მნიშვნელოვან საკითხებში ჩვენი საერთო, სახალხო მონაწილეობის თეორიული შესაძლებლობაც კი. საქართველოს სხვადასხვა კუთხეში ადამიანები ახლაც იბრძვიან თავიანთი სოფლის, მიწა-წყლის დასაცავად, არაერთი უსამართლობის წინააღმდეგ. ვიცით, დღეს თუ ხვალ ჩვენც მოგვიწევს დავიცვათ, რისთვისაც ვიბრძოდით, დაკანონებული რეპრესია კი ყველას ერთად გვემუქრება.,,-მოძრაობა  ,,რიონის ხეობის გადარჩენისთვის,,

შინაგან საქმეთა სამინისტროს თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისში, კახეთში, აჭარაში, სამეგრელოში, ქვემო ქართლში, შიდა ქართლში, იმერეთსა და რაჭა-ლეჩხუმში უკანონო ცეცხლსასროლი იარაღები და საბრძოლო მასალა ამოიღეს - დაკავებულია 21 პირი.

იმერეთის პოლიციის დეპარტამენტის დეტექტივების სამმართველოს და ამავე დეპარტამენტის წყალტუბოს რაიონული სამმართველოს თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად 2 პირი - 1998 წელს დაბადებული თ.ს. და 1989 წელს დაბადებული, წარსულში ნასამართლევი მ.კ. დააკავეს. სამართალდამცველებმა ტყვიამფრქვევი, ცეცხლსასროლი პისტოლეტი, რევოლვერი, გადაჭრილი სანადირო თოფი, დამბაჩა, 2 მჭიდი და 69 ვაზნა ნივთმტკიცებად ამოიღეს.

დანაშაული 7 წლამდე ვადით თავისუფლების აღკვეთას ითვალისწინებს.

ოპოზიციონერი პოლიტიკოსი, თემურ ცამციშვილი წყალტუბოს პარკში არსებულ სიტუაციაზე საუბრობს.მისი თქმით, პარკში არსებული უთავსახურო  ჭები მოსახლეობას საფრთხეს უქმნის.

,,წლებია წყალტუბოს პარკში არსებულ პრობლემებზე ვწერთ,ვიღებთ,თუ ვინმე ჩამოვიდოდა პოლიტიკოსი აქ მომყავდა, მაგრამ არაფერი არ შეცვლილა,საერთოდ არაფერი.დღეს ჭის სახურავები კი ასე გამოიყურება"-წერს ,,ერთიანი ნაციონალური მოძრაობის,, წარმომადგენელი თემურ ცამციშვილი. 

დღეს, 16 თებერვალს, ქუთაისის მერიის წინ, 20:00 სთ.-ზე  ქუთაისის უწყვეტ აქციას მწერალი ელზა გურგენიძე შეუერთდება. 

ის  ისაუბრებს თავის რომანზე - "ზაოდი".

რომანი ლიტერატურული პრემია „საბას“ გამარჯვრბულია ნომინაციაში - ,,საბჭოთა და პოსტსაბჭოთა ისტორიის რეფლექსია ქართულ ლიტერატურაში".

 ბათუმის საქალაქო სასამართლოში 17 თებერვალს ჩაინიშნა სხდომა 11 იანვრის საპროტესტო აქციის მონაწილეების, მათ შორის მზია ამაღლობელის წინააღმდეგ. 

,,აღსანიშნავია, რომ სასამართლო სხდომა ისე ჩაინიშნა, რომ ამის შესახებ არ უცნობებიათ არც მზია ამაღლობელისათვის და არც მისი ადვოკატებისათვის, რაც დარღვევას წარმოადგენს. 

ამ დრომდე ჩვენთვის არ გადმოუციათ არც ადმინისტრაციული სამართალდარღვევის ოქმი, რომელიც სასამართლოში საქმის განხილვის დაწყების წინაპირობაა. სამართალდარღვევის პროცესის ჩანიშვნა და განხილვა მხარისათვის შეტყობინების გარეშე, დაუშვებელია.

 მზია ამაღლობელი 11 იანვარს მხოლოდ სტიკერის გაკვრის გამო დააკავეს. დაკავების ოქმში ჩაიწერა ყალბი ინფორმაცია იმასთან დაკავშირებით, რომ მზია ამაღლობელი დაკავებამდე ლანძღავდა და შეურაცხყოფას აყენებდა პოლიციას, რაც სრული სიცრუეა. ამ სიცრუეს ადასტურებს მზია ამაღლობელის დაკავების ვიდეოკადრები.,,-საია.

სოციალურ ქსელში საბრძოლო დიდების მუზეუმის კედელზე დამონტაჟებული ბარელიეფის რეაბილიტაციის ფოტოები გავრცელდა.როგორც აღმოჩნდა, ბარელიეფი აღდგენილი არ არის და გავრცელებული ფოტოები მონტაჟია,ხოლო ინფორმაცია ტყუილი.

1975 წლის 9 მაისს დაარსებული მუზეუმის კედელზე არსებული ბარელიეფი ამ დროისთვის ასე გამოიყურება: