ნიკეას ქუჩაზე აღმართული დროშა ისევ  დაშვებულია.ინფორმაციას ააიპ ,,ქუთგანათების სერვისი,, ავრცელებს.,,ერთკვირიანი პროგნოზიდან გამომდინარე, ქუთაისში მოსალოდნელი ძლიერი ქარის გამო, საქართველოს დროშა დროებით დაშვებული იქნება,,-წერია ააიპის ფეისბუქგვერზე.

 47 მეტრიანი დროშის სადგარის  მონტაჟისთვის მერიამ ტენდერი 6-ჯერ გამოაცხადა, ქუთაისის ბიუჯეტს კი მისი აღმართვა 65 ათასი ლარი დაუჯდა. დროშა ქარიანი ამინდების გამო რამდენჯერმე უკვე იყო ჩამოხსნილი.

იმერეთში ნიღბიანმა პირებმა ოჯახის დაყაჩაღება სცადეს.

ქუთაისის სპორტის მუზეუმის დამაარსებელი  კორონავირუსით გარდაიცვალა.ზურაბ ჯავახაძე ამ დრომდე მუზეუმის დირექტორის მოადგილედ მუშაობდა.იყო ქუთაისის საპატიო მოქალაქე  .ის ქუთაისის ინფექციურ კლინიკაში 10 დღე მკურნალობდა.  თანმდევი დაავადებების გამო (შაქრიანი დიაბეტი, გულის და თირკმლის უკმარისობა) ექიმებმა მისი გადარჩენა ვერ შეძლეს.ზურაბ ჯავახაძე 40-ამდე წიგნის ავტორია.სპორტის მუზეუმში დაცული 10 ათასი ექსპონატიდან უმეტესობა მისი  თაოსნობით არის შეგროვებული.ზურაბ ჯავახაძე 84 წლის იყო.

 ამ დროისთვის ქუთაისის ინფექციურ  კლინიკაში  83 კოვიდინფიცირებული მკურნალობს,მათგან მძიმეა 4 პაციენტის მდგომარეობა.

იმერეთის მასშტაბით სწრაფი ტესტირების ჩატარება 65 სამედიცინო ცენტრში იქნება შესაძლებელი.

ქუთაისში არსებულ კოვიდმიმღებ კლინიკებს კიდევ ერთი დაემატება. ,,ევექსის,, ქსელში შემავალი სამედიცინო დაწესებულება, რომელიც იაშვილის ქუჩაზე მდებარეობს, კოვიდპაციენტებს უახლოეს პერიოდში მიიღებს.ზუსტი თარიღი ჯერ ცნობილი არ არის.

ამ ეტაპზე სამედიცინო დაწესებულებაში კოვიდკლინიკისთვის შესაბამისი ინფრასტრუქტურა ეწყობა.

კლინიკის დირექტორის, მამუკა იოსელიანის თქმით , პაციენტების ნაწილი, , რომლებიც მკურნალობის კურსს მათთან გადიოდნენ, გამოჯანმრთელდა, ხოლო ნაწილი სხვა კლინიკაში იქნა გადაყვანილი.