საზოგადოება

: საზოგადოება; 28 ივლისი 2021; გადასვლები: 987

ცაგერში სახელმწიფო ქონების მოტყუებით დაუფლების ფაქტი გამოვლინდა-სამართლებრივი დევნა ერთ პირზეა დაწყებული

სახელმწიფო ქონების მოტყუებით დაუფლების ფაქტი

საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის იმერეთისა და რაჭა-ლეჩხუმის სამმართველოს თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი დოკუმენტების დამზადება-გამოყენების გზით, სახელმწიფო ქონების მოტყუებით დაუფლების ფაქტზე, სისხლისსამართლებრივი დევნა ერთი პირის მიმართ დაიწყეს.

გამოძიებით დადგინდა, რომ ბრალდებულმა, რომელიც იყო ერთ-ერთი კომპანიის დირექტორი, უკანონო მატერიალური სარგებლის მიღების მიზნით, ცაგერის მუნიციპალიტეტში, სახელმწიფო შესყიდვის ხელშეკრულებით გათვალისწინებული ვერცხლისფერი ნაძვის ნაცვლად, ობიექტი მოაწყო იაფფასიანი ჯიშის მცენარეებით, რის შემდეგაც ოფიციალურ დოკუმენტში შეიტანა ყალბი მონაცემები დარგული მცენარეების სახეობასთან დაკავშირებით, რა გზითაც მართლსაწინააღმდეგოდ დაეუფლა სახელმწიფოს კუთვნილ თანხას.

გამოძიების პროცესში ბიუჯეტზე მიყენებული ზიანი სრულად იქნა ანაზღაურებული.

გამოძიება მიმდინარეობს საქართველოს სისხლის სამართლის კოდექსის 180-ე მუხლის მე-2 - მე-3 ნაწილებით და 362-ე მუხლის მე-2 ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე .

: საზოგადოება; 27 ივლისი 2021; გადასვლები: 1080

წყალდიდობამ ქუთაისი-წყალტუბო -ცაგერი-ლენტეხის დამაკავშირებელი გზა დააზიანა

სტიქიური მოვლენების განვითარების შედეგად, ქუთაისი (წყალტუბოს გადასახვევი)-წყალტუბო-ცაგერი-ლენტეხი-

ლასდილის საავტომობილო გზის 98-ე კმ-ზე (სოფელ საყდართან), ადიდებულმა მდინარემ დააზიანა

ხიდი და საავტომობილო გზა. რის გამოც, გზის აღნიშნულ მონაკვეთზე აკრძალულია ყველა სახის

ავტოტრანსპორტის მოძრაობა

ასევე, ძლიერი წვიმის გამო ადიდებულმა მდინარე ენგურმა შიდასახელმწიფოებრივი მნიშვნელობის

(ზუგდიდი-ჯვარი-მესტია-ლასდილის საავტომობილო გზის 165-ე კმ-ზე (კალა-იფარი) რკინა-ბეტონის

ხიდს გამოურეცხა მარცხენა ბურჯის საყრდენი. აღნიშნულ მონაკვეთზეც აიკრძალა ყველა სახის

ავტოტრანპსორტის მოძრაობა

საქართველოს საავტომობილო გზების დეპარტამენტის წარმომადგენლები ადგილზე სწავლობენ

ვითარებას და ამუშავებენ გეგმას, როგორც სტიქიის სალიკვიდაციო, ისე გაწმენდითი სამუშაოების

დასაწყებად.

: საზოგადოება; 26 ივლისი 2021; გადასვლები: 1118

გარემოსდაცვითი ზედამხედველობის სამსახურმა იმერეთსა და რაჭაში უკანონო თევზჭერის 5 ფაქტი გამოავლინა

გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა უკანონო თევზჭერის 5 ფაქტი გამოავლინეს.

3 სამართალდარღვევა გამოვლენილია იმერეთში, ორი კი - რაჭაში.

მოქალაქეები მდინარე გუბისწყალზე, მდინარე ყუმურსა და შაორის წყალსაცავში ანკესზე დამაგრებული სახლართი ბადეებით, ე.წ. პარაშუტით და დადგენილ სტანდარტს შეუსაბამო სასროლი ბადით ახდენდნენ თევზჭერას. ერთი მოქალაქე კი, პირველ ჰესთან, 500-მეტრიან აკრძალულ ზონაში ახდენდა თევზჭერას.

მასალები, შემდეგი რეაგირების მიზნით, შესაბამის უწყებებში გადაიგზავნება.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2021 წლის 01 იანვრიდან 30 ივნისის ჩათვლით, უკანონო თევზჭერის 204 ფაქტი გამოავლინეს, მათ შორის 56 ფაქტი სისხლის სამართლის დანაშაულის ნიშნებს შეიცავს.

: საზოგადოება; 26 ივლისი 2021; გადასვლები: 1044

გარემოს დაცვის კომიტეტის თავმჯდომარე ჭიათურაში იმყოფებოდა

გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე და წიაღის ეროვნული სააგენტოს უფროსი ოთარ დანელია ჭიათურაში იმყოფებოდნენ, სადაც კომპანია "ჯორჯიან მანგანეზის" ხელმძღვანელ პირებთან ერთად მანგანუმის მოპოვების, მისი გადამუშავებისა და საკარიერო ველებზე რეკულტივაციის საკითხებს გაეცნენ.

ვიზიტის ფარგლებში სტუმრებმა მოინახულეს მანგანუმის მადნის გამამდიდრებელი საწარმოები - „ახალი გამამდიდრებელი ქარხანა“ და „29-ე ქარხანა“. ამ უკანასკნელში, მადნის გამდიდრების შედეგად, მდინარე ყვირილას წყლის ხარისხის გაუმჯობესების საპილოტე პროექტის მიმდინარეობას გაეცნენ.

ამასთან, სტუმრები გაეცნენ შლამსადენის დაგეგმილი მშენებლობის პროცესს, რომლის განხორციელების შედეგად მდინარე ყვირილა აღარ დაბინძურდება. კერძოდ, პროექტის მიხედვით შლამის გადამამუშავებელი ქარხანა შლამის მიმღები ავზებით ახალი გამამდიდრებელი ქარხნის ტერიტორიაზე მოეწყობა. 6-ი კმ სიგრძის მილებისა და ტუმბოების საშუალებით შლამი გადაიტვირთება ცდფ-ს ტერიტორიაზე მოწყობილ ავზებში. კვლავ მილებისა და ტუმბოების საშუალებით, 3-მ კმ-იანი სიგრძის ფერდობზე შლამი ღურღუმელას შლამსაცავში გადაიტვირთება.

ქარხანა წელიწადში მილიონ 60 ათას ტონა შლამს გადაამუშავებს. შედეგად მიიღება კონცენტრატი, 135 ათასი ტონა წელიწადში. შლამსადენის საინვესტიციო ღირებულება კი 16 მილიონი აშშ დოლარია. შლამსადენის მშენებლობა 2021 წელს დაიწყება და ერთ წელიწადში დასრულდება.

სტუმრები, ასევე, ეწვივნენ რეკულტივირებულ და სარეკულტივაციო ბლოკებს. კარიერ „სიამაყეზე“ ბიოლოგიური რეკულტივაციის ზონა დაათვალიერეს. 2021 წლის მდგომარეობით, დარღვეული ტერიტორიების ფართობი 504 ჰექტარს შეადგენს, აქედან რეკულტივირებულია 283 ჰექტარი (56%). ეკოლოგიური მიმართულებით 2017-2020 წლებში 47 მილიონი ლარი დაიხარჯა.

კარიერების დათვალიერების შემდეგ, მხარეებმა სამუშაო შეხვედრა გამართეს, სადაც გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ და წიაღის ეროვნული სააგენტოს უფროსმა ოთარ დანელიამ განაცხადეს, რომ მუდმივ მონიტორინგს გაუწევენ კომპანიის საქმიანობას რეგიონში, რათა მიმდინარე და დაგეგმილი პროექტების დროული განხორციელება მოხდეს.

: საზოგადოება; 26 ივლისი 2021; გადასვლები: 1144

უპასუხისმგებლო აქციების შედეგია ის რაც მოხდა-ირაკლი ღარიბაშვილი კორონავირუსის გაზრდილ მაჩვენებელზე

საქართველოს პრემიერ-მინისტრი ბოლო პერიოდში კორონავირუსით ინფიცირების მაჩვენებლის ზრდას ქვეყანაში გამართულ საპროტესტო აქციებს უკავშირებს.

როგორც ღარიბაშვილმა მთავრობის დღევანდელ სხდომაზე განაცხადა, აქციების შემდეგ ინფიცირების მაჩვენებელი გაორმაგდა. პრემიერი მოსახლეობას სიფრთხილისკენ მოუწოდებს.

„ჩვენ ყურადღებით ვაკვირდებით ბოლო დღეების განმავლობაში მიმდინარე დინამიკას. პრაქტიკულად გაორმაგდა ბოლო ორ კვირაში ინფიცირების მაჩვენებელი. რამდენიმედღიანი უპასუხისმგებლო აქციების პირდაპირი შედეგია ის, რაც მოხდა აქციების შემდეგ - ინფიცირების რაოდენობა გაორმაგდა. ჩვენ, რა თქმა უნდა, მოვუწოდებთ მოსახლეობას, გამოვიჩინოთ ყურადღება, სიფრთხილე, პასუხისმგებლობით მოვეკიდოთ ჩვენს აქტივობას ნებისმიერ შეკრებასთან დაკავშირებით“, - განაცხადა პრემიერმა.

: საზოგადოება; 24 ივლისი 2021; გადასვლები: 1130

მაშველები საზღვაო სეზონის დაწყებიდან დღემდე 100-მდე ადამიანს დაეხმარნენ

შინაგან საქმეთა სამინისტროს საგანგებო სიტუაციების მართვის სამსახურის თანამშრომლები მიმდინარე საზღვაო სეზონზე გამოჩენილი განსაკუთრებული მამაცობისთვის დაჯილდოვდნენ. სახანძრო-სამაშველო ძალების დეპარტამენტის უფროსის მოადგილემ - ლაშა თვაურმა განსაკუთრებული მამაცობისთვის სამახსოვრო საჩუქრები 3 მაშველს - მამუკა წულუკიძეს, დავით ბაუჟაძეს და ბექა ხელაძეს გადასცა. სამივე მათგანმა ბოლო ერთი თვის განმავლობაში, საკუთარი სიცოცხლის ფასად, რამდენიმე რთული სამაშველო ოპერაცია ჩაატარა.

საგანგებო სიტუაციების მართვის სამსახურის თანამშრომლებმა 2021 წლის საზღვაო სეზონის გახსნიდან დღემდე, დაახლოებით ერთთვიან მონაკვეთში წყალში მყოფი 70 ადამიანის სიცოცხლე გადაარჩინეს.

გარდა ამისა, სანაპირო ზოლზე იპოვეს 10 გზააბნეული მოქალაქე, მათ შორის იყვნენ არასრულწლოვნებიც. სანაპირო ზოლზე მორიგეობისას, მაშველებმა პირველადი სამედიცინო დახმარება აღმოუჩინეს 12 დამსვენებელს.

საგანგებო სიტუაციების მართვის სამსახურის მაშველები გურიის, სამეგრელოს და აჭარის სანაპირო ზოლზე, ასევე, რაჭაში შაორის ტბაზე, თბილისის ზღვაზე და სხვა ტურისტულ ზონებში ყოველდღიურად მორიგეობენ და მოქალაქეთა უსაფრთხო დასვენებაზე ზრუნავენ. 2021 წლის ტურისტული სეზონის განმავლობაში, რამდენიმე ლოკაციაზე 300-ზე მეტი მაშველი მუშაობს და საჭიროების შემთხვევაში, მოქალაქეებს შესაბამის დახმარებას უწევს.

შინაგან საქმეთა სამინისტროს საგანგებო სიტუაციების მართვის სამსახური მოგიწოდებთ დასვენებისას მაქსიმალურად დაიცვათ უსაფრთხოების წესები და დაემორჩილოთ მაშველების მითითებებს.

ყურადღება მიაქციეთ საინფორმაციო ბანერებს და ამკრძალავ ნიშნებს. ასევე, არ გასცდეთ წყალში მონიშნულ საცურაო ტერიტორიას და მაშველთა პატრულირების არეალს; არ შეხვიდეთ წყალში არაფხიზელ მდგომარეობაში ან ნაბახუსევზე; დაუშვებელია ბავშვების და მოზარდების უყურადღებოდ დატოვება სანაპირო ზოლსა და წყალში. კატეგორიულად აკრძალულია წყალში შესვლა შტორმის, უამინდობის და შეზღუდული ხილვადობის დროს.

დღის სიახლეები

საზოგადოება

Search