სოციალური სამართლიანობის ცენტრი, სახელოვნებო სფეროს პროფკავშირი „გილდია“,მეცნიერების, განათლებისა და კულტურის პროფკავშირი,პროფკავშირი „ლაბორი“,სოციალურ მუშაკთა გაერთიანება და საქართველოს მუსიკოსთა პროფესიული კავშირი ჭიათურელ მაღღოელებთან დაკავშირებით,საერთო განაცხადებას ავრცელებს. 

,,ხელმომწერი ორგანიზაციები ვეხმაურებით ჭიათურაში შექმნილ კრიზისს და მივიჩნევთ, რომ დაუშვებელია, ჭიათურაში მანგანუმის მოპოვების შესახებ სახელმწიფოს მიერ ორგანიზებულ განხილვებში მონაწილეობის შესაძლებლობა არ ჰქონდეთ ჭიათურელ მაღაროელებს და ჭიათურის სხვა მცხოვრებლებს, რომელთა სამომავლო ბედიც ამ პროცესზეა დამოკიდებული. 

როგორც ცნობილია, 19 მარტს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში საქართველოს პროფესიული კავშირების მოწვევით, გაიმართა სოციალური პარტნიორობის სამმხრივი კომისიის რიგგარეშე სხდომა, რომელზე ჭიათურაში შექმნილი მდგომარეობა განიხილეს. კომისიის გადაწყვეტილებით, პროფკავშირების და დამსაქმებელთა გაერთიანებების წარმომადგენლების შემადგენლობით შეიქმნა სამუშაო ჯგუფი, რომელიც „იმსჯელებს პრობლემის გადაჭრის გზებზე და მიიღებს შესაბამის გადაწყვეტილებას.“

აღსანიშნავია, რომ არც სამმხრივი კომისიის სხდომაზე და არც 28 მარტს გამართულ სამუშაო ჯგუფის შეხვედრაზე არ მიუწვევიათ და მათში მონაწილეობის შესაძლებლობა არ ჰქონიათ ჭიათურელ მაღაროელებს, ისევე როგორც ზოგადად ჭიათურის მოსახლეობის წარმომადგენლებს, მიუხედავად იმისა, რომ მაღაროელები, რომლებიც სამსახურის და ანაზღაურების გარეშე დარჩნენ, ჯერ კიდევ 28 თებერვლიდან აქციებს მართავენ და ხელისუფლებასთან შეხვედრას ითხოვენ. 

ადგილობრივთა უგულებელყოფა და მათი პროცესიდან გამორიცხვა კონსტიტუციურ და უფლებრივ პრინციპებს ეწინააღმდეგება. დაუშვებელია ამის გაგრძელება, მით უმეტეს, როცა მაღაროელები დიდიხანია უნდობლობას უცხადებენ პროცესში დასაქმებულების მხრიდან მონაწილე პროფესიული კავშირების გაერთიანებას.

მოვუწოდებთ, საქართველოს ჯანდაცვის მინისტრს, ბატონ მიხეილ სარჯველაძეს, დაუყოვნებლივ შეხვდეს ჭიათურელი მაღაროელების წარმომადგენლებს და უზრუნველყოს მათი ჩართულობა სამუშაო ჯგუფის/კომისიის ყველა მომდევნო შეხვედრაში.,,-წერია განცხადებაში.

,,საკვები და სამართალი ჭიათურას"-მაღაროელთა ქალაქში ამ წუთებში აქცია იმართება.

ერთი თვეა ჭიათურლები გაჩერებული მაღაროების ამუშავება, სახელფასო დავალიანების გასტუმრება და კომპანია ,,ჯორჯიან მანგანეზის,, ქალაქიდან გასვლას ითხოვენ. 

2024 წლის პირველი ნოემბრიდან კომპანია ,,ჯორჯიან მანგანეზმა,,მაღაროებში მოპოვების პროცესი გააჩერა და მაღაროელებს ხელფასის 60%-ს დაპირდა. 

პირველი მარტიდან სამუშაო პროცესი უნდა განახლებულიყო, თუმცა კომპანიამ მიწისქვეშა მაღაროების დახურვის გადაწყვეტილება მიიღო და 3500 ოჯახი შემოსავლის გარეშე დარჩა.   

ჭიათურაში მოქმედ, სამთო-მომპოვებელ კომპანიებში არსებულ მდგომარეობასა და იმავე კომპანიებში დასაქმებულთა საკითხებთან დაკავშირებით, სოციალური პარტნიორობის სამმხრივი კომისიის გადაწყვეტილებით შექმნილი სამუშაო ჯგუფის შეხვედრა გაიმართა. 

ჯგუფის შექმნის მიზანია, იმ კრიზისული ვითარებიდან გამოსავლის გამონახვა, რომელიც შეიქმნა „ჭიათურა მენეჯმენტ კომპანის“ მიერ, ჭიათურის მაღაროებში სამთო-მოპოვებითი სამუშაოების შეწყვეტის თაობაზე მიღებული გადაწყვეტილებით. შეხვედრას სამინისტროს, შრომის ინსპექციის, პროფკავშირების, დამსაქმებელთა ასოციაციის წარმომადგენლები ესწრებოდნენ.

შექმნილი ვითარების შესწავლის მიზნითა და აღნიშნული გადაწყვეტილების არგუმენტაციის გასაცნობად, სამუშაო ჯგუფის შეხვედრაზე, „ჭიათურა მენეჯმენტ კომპანის“ წარმომადგენლები მოიწვიეს. საუბარი შეეხო გადაწყვეტილების გადასინჯვისა და დასაქმებულებისთვის მნიშვნელოვან სხვა საკითხებს, მოლაპარაკებებისთვის მზადყოფნის შეფასებას.

ჯგუფის მთავარ ამოცანას წარმოადგენს კოლექტიური შრომითი ხელშეკრულებით განსაზღვრული ყველა სოციალური უფლების რეალიზებასა და მის შემდგომ გაგრძელებაზე მუშაობაში პროფკავშირების გაერთიანების მხარდაჭერა. სამუშაო ჯგუფი აქტიურად განაგრძობს მედიაციასა და კრიზისიდან გამოსავლის სხვადასხვა გზის მოძიებას.

მიმდინარე 60%-იან სახელფასო დავალიანებასთან დაკავშირებით, პროფკავშირების გაერთიანებამ, მოამზადა შეთავაზება, რომლის თანახმადაც, დასაქმებულთათვის, უნდა მოხდეს იანვრის 60%-იანი ხელფასის დაუყოვნებლივ ანაზღაურება, რაც გაიცემა პროფკავშირების მიერ ერთ-ერთ საბანკო დაწესებულებასთან თანამშრომლობით. ინიციატივა, ჯგუფის წევრებმა, დადებითად შეაფასეს და მისი აღსრულებაზე მუშაობის გაგრძელებაზე შეთანხმდნენ. 

საუბარი შეეხო მაღაროების დახურვის თაობაზე მიღებული გადაწყვეტილების გადახედვის აუცილებლობას. კომპანიის წარმომადგენლები, მაღაროს ლიკვიდაციის აუცილებლობის მოტივად, მის არარენტაბელურობას ასახელებენ. მიუხედავად ამისა, მიღწეული იქნა შეთანხმება აღნიშნული გადაწყვეტილების გადასინჯვის მიზნით, მოლაპარაკების გაგრძელებაზე. 

შეხვედრაზე შეთანხმდნენ, რომ აღნიშნულის წინაპირობა უნდა იყოს დარგის მოწვეული და ადგილობრივი სპეციალისტებისგან დაკომპლექტებული კომისიის შექმნა, რომელიც განიხილავს გერმანული საკონსულტაციო კომპანიის DMT დასკვნას (რომელზე დაყრდნობითაც ამყარებს კომპანია საკუთარი გადაწყვეტილების არგუმენტაციას) და მოამზადებს ოპტიმალურ წინადადებებს.

სამუშაო ჯგუფის წევრებმა აღნიშნეს, რომ საკითხი კომპლექსურია და გადაჭრის გზების მოსაძიებლად, ყველა მხარესთან აქტიური მუშაობაა საჭირო. მოკლე პერიოდში, დაიგეგმება ჯგუფის წევრების მიერ, ჭიათურაში გამგზავრებაც, ვითარების ადგილზე შესწავლის მიზნით, რათა გამოინახოს ისეთი ალტერნატივები, რომელიც მაქსიმალურად, დაიცავს დასაქმებულებს მოსალოდნელი ზიანისგან.

2024 წელს, საქართველოში ცოცხლად დაბადებულთა რიცხოვნობამ 39 483 ბავშვი შეადგინა.მათ შორის 20 755 ბიჭი და 18 728 გოგოა. აღნიშნული მაჩვენებელი, წინა წელთან შედარებით 1.8 პროცენტით არის შემცირებული.

იმერეთში, 2024 წელს,4 494 ბავშვი დაიბადა,რაც 343_ით ნაკლებია 2023 წლის მაჩვენებელთან შედარებით. ყველაზე ცოტა ბავშვი რაჭა ლეჩხუმსა და ქვემო სვანეთში გაჩნდა-237.ყველაზე ბევრი კი თბილისში-14 415.

2024 წელს, საქართველოში დაფიქსირდა უარყოფითი ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) და -4 488 ერთეულით განისაზღვრა. 

უარყოფითი ბუნებრივი მატება დაფიქსირდა ყველა რეგიონში, გარდა თბილისის,აჭარის ავტონომიური რესპუბლიკისა და ქვემო ქართლის რეგიონისა.

იმერეთში 2024 წელს 7 212 ადამიანი გარდაიცვალა,  2023 წელს კი 7 008.

29-30 მარტს საქართველოს ზოგიერთ, ხოლო 31 მარტს უმეტეს რაიონში მოსალოდნელია ხანმოკლე წვიმა და ელჭექი.

ქ. თბილისში 29-30 მარტს უნალექო ამინდი იქნება, ხოლო 31 მარტს მოსალოდნელია ხანმოკლე წვიმა ელჭექით. ჰაერის ტემპერატურა დღისით +22, +24 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +25, +27 გრადუსი დაფიქსირდება, 31 მარტს კი +17, +19 გრადუსამდე დაიკლებს დაიკლებს. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +27, +29 გრადუსი დაფიქსირდება, 31 მარტს კი +18, +20 გრადუსამდე დაიკლებს დაიკლებს. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +22, +27 გრადუსი დაფიქსირდება, 31 მარტს კი +15, +17 გრადუსამდე დაიკლებს დაიკლებს. 

დასავლეთ საქართველოს მაღალმთიან რაიონებში (მესტია, ბახმარო): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +17, +22 გრადუსი დაფიქსირდება, 31 მარტს კი +10, +12 გრადუსამდე დაიკლებს დაიკლებს. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +20, +25 გრადუსი დაფიქსირდება, 31 მარტს კი +17, +22 გრადუსამდე დაიკლებს დაიკლებს. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +21, +26 გრადუსი დაფიქსირდება, 31 მარტს კი +18, +23 გრადუსამდე დაიკლებს დაიკლებს. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +18, +23 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 29-30 მარტს ზოგან შესაძლოა მცირე წვიმა აღინიშნოს, ხოლო 31 მარტს უმეტეს რაიონში გაწვიმდება. ჰაერის ტემპერატურა დღისით +10, +15 გრადუსი დაფიქსირდება.

 საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის კმ4-კმ9 მონაკვეთზე, მიმდინარეობს დაზიანებული სავალი ნაწილის შეკეთების სამუშაოები. რის გამოც, 2025 წლის 27 მარტს, 12:00სთ-დან 19:00სთ-მდე, აღნიშნულ მონაკვეთზე ავტოტრანსპორტის მოძრაობა ეტაპობრივად შეიზღუდება გზის ჯერ ერთ, ხოლო შემდეგ მეორე სამოძრაო ზოლზე.

ინფორმაციას საქართველოს საავტომობილო გზების დეპარტამენტი ავრცელებს.