საზოგადოება

: საზოგადოება; 20 მაისი 2022; გადასვლები: 1359

სოფელ ფერსათში საავტომობილო გზის რეაბილიტაცია მიმდინარეობს

ბაღდათის მუნიციპალიტეტის სოფელ ფერსათში ე.წ თავხელიძეების ბოგირიდან, პირველ საჯარო სკოლამდე მისასვლელი საავტომობილო გზის რეაბილიტაცია მიმდინარეობს.

ეწყობა სანიაღვრეები და იგება ბეტონის საფარი.

სამუშაოებს ტენდერში გამარჯვებული სამშენებლო კომპანია შპს “გი- ან 2011” ასრულებს, აღნიშნული პროექტი რეგიონებში განსახორციელებელი პროექტების ფონდიდან ფინანსდება.

მიმდინარე სამუშაოებს ბაღდათის მუნიციპალიტეტის მერი კახა ენუქიძე,პირველ მოადგილე დავით სილაგაძესთან ერთად გაეცნო.

: საზოგადოება; 19 მაისი 2022; გადასვლები: 1566

დღის მეორე ნახევრიდან ამინდი გაუარესდება

19 მაისს დღის მეორე ნახევრიდან 21 მაისამდე საქართველოში მოსალოდნელია დროგამოშვებით წვიმა და ელჭექი, ზოგან ძლიერი, დასავლეთის მიმართულების ძლიერი ქარი. აღმოსავლეთ საქართველოში ზოგან შესაძლებელია სეტყვა.

მოსალოდნელმა ნალექებმა შესაძლებელია საქართველოს მდინარეებზე წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრული პროცესების ჩასახვა - გააქტიურება გამოიწვიოს.

ინფორმაციას გარემოს ეროვნული სააგენტო ავრცელებს.

: საზოგადოება; 18 მაისი 2022; გადასვლები: 1042

იმერეთში 2022 წელს ცენტრალური ბიუჯეტიდან 132 000 000 ლარის ღირებულების 1200 პროექტია დაფინანსებული

იმერეთში 2022 წელს ცენტრალური ბიუჯეტიდან 132 000 000 ლარის ღირებულების 1200 პროექტია დაფინანსებული

იმერეთში სახელმწიფო რწმუნებულმა ზვიად შალამბერიძემ, საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ ილია ბეგიაშვილმა, საქართველოს მთავრობის რეგიონებთან ურთიერთობის დეპარტამენტის რეგიონული კოორდინაციის სამმართველოს უფროსმა შოთა კაკაბაძემ და გუბერნატორის მოადგილემ ბესიკ გოფოძემ, იმერეთში მიმდინარე ინფრასტრუქტურული სამუშაოები დაათვალიერეს.

ინფრასტრუქტურული პროექტების მონიტორინგის ფარგლებში, საჩხერესა და ჭიათურაში, სამუშაოების მიმდინარეობას ადგილზე გაეცნენ და მშენებელი კომპანიებისგან დეტალური ინფორმაცია მოისმინეს.

,,იმერეთში ინფრასტრუქტურული სამუშაოები სრული დატვირთვით მიმდინარეობს. მოვინახულეთ ოთხი მუნიციპალიტეტი: საჩხერე, ჭიათურა, ზესტაფონი და თერჯოლა, სადაც ჯამში სამუშაოები შეადგენს 38 000 000 ლარს. შედეგად ეს მუნიციპალიტეტები მიიღებენ ახალ საავტომობილო გზებს, წყალმომარაგების ახალ სისტემებს, სკოლებს, ბაღებს. მონიტორინგის ფარგლებში რა თქმა უნდა ჩვენ გავაკონტროლებთ, რომ რეაბილიტაცია-მშენებლობების ყველა ვადა იყოს დაცული“ - ზვიად შალამბერიძე.

,,ყველა იმ პროექტის გარდა, რომელსაც ახორციელებს საქართველოს განვითარებისა და ინფრასტრუქტურის სამინისტრო მთელი საქართველოს მასშტაბით, ასევე ხორციელდება პროექტები, რომლებიც ფინანსდება სხვადასხვა ფონდებითა და პროგრამებით. 2022 წელს 132 000 000 ლარის 1200 პროექტია დაფინანსებული იმერეთის მხარეში. ამ პროექტებში შედის სოფლის მხარდაჭერის პროგრამა, მთის ფონდი, რეგიონული ფონდი, ევროკავშირის პროექტები და სხვადასხვა დაფინანსების წყაროები, რაც ჯამურად შეადგენს 1200 პროექტს. დღეს უკვე რამდენიმე მუნიციპალიტეტში მოვინახულეთ მიმდინარე პროექტები და სასიხარულოა, რომ სამუშაოები სხვადასხვა მიმართულებით ხორციელდება, პრაქტიკულად ინფრასტრუქტურის მთელი სპექტრი არის მოცული“ - ილია ბეგიაშვილი.

საჩხერეში ქორეთის ადმინისტრაციულ ერთეულში შემავალი სოფლების სასმელი წყლის სისტემების მოწყობის სამუშაოები აქტიურად მიმდინარეობს. პროექტის დასრულების შედეგად სოფელ ქორეთისა და კალვათას ასევე, პასიეთის დასახლებაში მცხოვრები 870 ოჯახი ისარგებლებს წყალმომარაგებით.

საპილოტე რეგიონების ინტერგირებული განვითარების პროგრამის ფარგლებში, საჩხერეში, კულტურული მემკვიდრეობის ძეგლის "მოდინახის ციხის" მისასვლელისა და მიმდებარე ტერიტორიის კეთილმოწყობაც ხორციელდება. პროექტი ევროკავშირის მიერ არის დაფინანსებული.

მონიტორინგის ფარგლებში ინფრასტრუქტურული პროექტები ჭიათურაშიც დაათვალიერეს. პროექტის ,,განახლებული რეგიონები“ ფარგლებში 9 პროექტი განხორციელდა. მოეწყო შადრევანი, სკვერი, სკეიდბორდის მოედანი, რეაბილიტაცია ჩაუტარდა ფასადებსა და ტროტუარებს.

ასევე, საპილოტე რეგიონების ინტეგრირებული განვითარების პროგრამის ფარგლებში, ჭიათურის მუნიციპალიტეტში სამი პროექტი ხორციელდება. მოცემულ ეტაპზე, აქტიურად მიმდინარეობს: ყოფილი პიონერთა სასახლის მიმდებარე ტერიტორიაზე რეკრეაციული ზონისა და სკვერის მოწყობა, გედების ტბის მიმდებარე ტერიტორიის კეთილმოწყობა და კაცხის სვეტამდე მისასვლელი გზის რეაბილიტაცია.

: საზოგადოება; 16 მაისი 2022; გადასვლები: 1262

ბაღდათში საოჯახო ღვინის მარნებთან მისასვლელი გზების რეაბილიტაცია გრძელდება

ბაღდათში საოჯახო ღვინის მარნებთან მისასვლელი გზების რეაბილიტაცია გრძელდება. ამ ეტაპზე რკინა-ბეტონის საფარი იგება, ეწყობა სანიაღვრეები და საპარკინგე სივრცე, სოფელ ობჩაში სიმონ ჩხეიძის ღვინის მარანთან მისასვლელ გზაზე.

საპილოტე რეგიონების ინტეგრირებული განვითარების პროგრამის ფარგლებში ბაღდათში საოჯახო ღვინის მარნებთან მისასვლელი გზების რეაბილიტაცია მიმდინარეობს. პროექტი ადგილობრივი ბიზნეს განვითარების ხელშემწყობი ინფრასტრუქტურის მოწყობას გულისხმობს, რომლის ფარგლებშიც 2022 წლის ბოლომდე მუნიციპალიტეტის 7 ტერიტორიულ ერთეულში 14 საოჯახო ღვინის მარანთან მისასვლელი საუბნო გზების რეაბილიტაცია, გარე განათებების და საპარკინგე ადგილების მოწყობა განხორციელდება.

მიმდინარე სამუშაოებს ბაღდათის მუნიციპალიტეტის მერი კახა ენუქიძე, მერის პირველ მოადგილე დავით სილაგაძესთან, მერიის ინფრასტრუქტურის სამსახურის უფროს კახა მსხვილიძესთან და მაჟორიტარი დეპუტატის ბაღდათის ბიუროს წარმომადგენელთან ერთად გაეცნო.

: საზოგადოება; 16 მაისი 2022; გადასვლები: 1048

სოლიდარობა ნიკა გვარამიას-ქუთაისში აქცია გაიმართა

სოლიდარობა ნიკა გვარამიას” – ამ ლოზუნგით ქუთაისელმა ჟურნალისტებმა და საზოგადოების წარმომადგენლებმა “მთავარი არხის” გენერალური დირექტორის მხარდამჭერი აქცია გამართეს. აქციის მონაწილეები ნიკა გვარამიას მიმართ გამოტანილ განაჩენს აპროტესტებენ. მოსამართლე ლაშა ჩხიკვაძემ ნიკა გვარამიას სამი წლითა და 6 თვით თავისუფლების აღკვეთა მიუსაჯა ის სასამართლო დარბაზში დააკავეს. ადვოკატის განმარტებით, ნიკა გვარამიას სამსახურეობრივი უფლებამოსილების ბოროტად გამოყენებას ედავებიან.

: საზოგადოება; 15 მაისი 2022; გადასვლები: 910

უკრაინაში კიდევ ერთი ქართველი დაიღუპა

უკრაინის ქალაქ იზიუმთან კიდევ ერთი ქართველი მებრძოლი, რატი შურღაია დაიღუპა.ოჯახის ახლობლების ინფორმაციით, შურღაიამ ერთ-ერთი ბრძოლის დროს მძიმე დაზიანებები მიიღო და კანტუზია განუვითარდა, მაგრამ მკურნალობის კურსი ბოლომდე არ ჩაუტარებია და საომარ მოქმედებებში მონაწილეობის მიღება გააგრძელა, რის გამოც მდგომარეობის გართულების შემდეგ, ექიმებმა მისი გადარჩენა ვერ შეძლეს.

უკრაინაში რუსეთთან ომში 11 ქართველი დაიღუპა. დაღუპული ქართველი მებრძოლები არიან: დავით რატიანი, გია ბერიაშვილი, ბახვა ჩიქობავა, დავით გობეჯიშვილი, დავით მენაბდიშვილი, ნიკოლოზ შანავა, არკადი კასრაძე, ალიკა ცაავა, ზაზა ბიწაძე და ტატო ბიგვავა.

დღის სიახლეები

საზოგადოება

Search