რიონის ხეობაში ნამოხვანჰესის მშენებლობა კიდევ ერთხელ გააპროტესტეს ადგილობრივებმა.სოფლების ნამოხვანის,მექვენისა და ტვიშის მცხოვრებლები ნამოხვანის ჩანჩქერთან შეიკრიბნენ და კომპანიის წარმონადგენლებს სამუშაოების დამადასტურებელი ნებართვა მოსთხოვეს. ადგილზე მთის აფეთქებები და ჰესის მშენებლობის მოსამზადებელი სამუშაოები მიმდინარეობს. მოსახლეობა აცხადებს,რომ მთის ჩამოშლა და შემდგომ უკვე ჰესის აქ აგება საფრთხეა,როგორც ხეობისთვის, ასევე ქუთაისისთვის და კიდევ,რამდენიმე ახლომდებარე ქალაქისთვის.
მოგვიანებით შეკრებილებმა კომპანიის ოფისთან გადაინაცვლეს,სადაც მათ გამოჩენას ხმაური და სიტყვიერი დაპირისპირება მოჰყვა. ნამახვანის ჰესების კასკადის განმახორციელებელ კომპანიაში აცხადებენ,რომ შესაბამისი უწყებების მიერ ყველა ნებართვა გაცემულია და სამუშაოები კანონიერად მიმდინარეობს.