საზოგადოება

: საზოგადოება; 10 მაისი 2023; გადასვლები: 1885

სოფელ დიმში შიდა საუბნო გზების რეაბილიტაცია მიმდინარეობს

ბაღდათის მუნიციპალიტეტში საგზაო ინფრასტრუქტურული პროექტების სამუშაოები აქტიურად მიმდინარეობს.

შიდა საუბნო გზების რეაბილიტაცია ხორციელდება სოფელ დიმში ე.წ ჩიქვინიძეების და ხიზანეიშვილების, ასევე ეწრის უბანში.

აღნიშნულ გზებზე ეწყობა სანიაღვრეები, იგება როგორც ბეტონის, ასევე ასფალტის საფარი და იგი რეგიონებში განსახორციელებელი პროექტების ფონდიდან ფინანსდება.

მიმდინარე სარეაბილიტაციო სამუშაოებს ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძესთან და მერიის ინფრასტრუქტურის სამსახურის წარმომადგენლებთან ერთად გაეცნო.

: საზოგადოება; 10 მაისი 2023; გადასვლები: 844

ვანის მუნიციპალიტეტში სკოლის მოსწავლეზე შესაძლო სექსუალური ძალადობის ფაქტს ვანის რესურსცენტრი ეხმაურება

ვანის მუნიციპალიტეტის სოფელ შუამთაში,სკოლის მოსწავლეზე შესაძლო ძალადობის ფაქტს ვანის რესურსცენტრი განცხადებით ეხმაურება

,,საზოგადოებრივი ინტერესიდან გამომდინარე, გაცნობებთ, რომ ვანის მუნიციპალიტეტის სოფელ შუამთის საჯარო სკოლის დირექტორმა, რომლის მეუღლეც ფიგურირებს არასრულწლოვანის მიმართ გარყვნილი ქმედების შესაძლო ჩადენის საქმეში, 5 მაისს დატოვა დაკავებული თანამდებობა.

ჩვენთვის კატეგორიულად მიუღებელია და ვგმობთ ნებისმიერი ტიპის მსგავს ქმედებას, განსაკუთრებით არასრულწლოვანების მიმართ.

მოგახსენებთ, რომ სკოლა და რესურსცენტრი გამოძიებასთან აქტიურად ვთანამშრომლობთ. შესაბამისი უწყების მიერ, საქმეზე მიმდინარეობს გამოძიება, სსკ-141-ე მუხლის პირველი ნაწილით.,,-ვანის საგანმანათლებლო რესურსცენტრი

შეგახსენებთ, ვანის მუნიციპალიტეტის სოფელ შუამთაში , არასრულწლოვანზე სექსუალური ძალადობის შესაძლო ფაქტზე გამოძიება მიმდინარეობს. ინფორმაცია, რომლის მიხედვითაც გოგონაზე სასკოლო ავტობუსის მძღოლი ძალადობდა,ჟურნალისტმა ელისო კილაძემ გაავრცელა.კილაძე სავარაუდო მოძალადის სახელსაც ასახელებს-ტარიელ მეფარიშვილი,რომელიც სოფელ შუამთის სკოლის დირექტორის, ლალი სულაბერიძის ქმარია.

ჟურნალისტი ვიდეო მასალასაც აქვეყნებს,რომელიც მეფარიშვილს არასრულფასოვანმა ფარულად გადაუღო.

: საზოგადოება; 09 მაისი 2023; გადასვლები: 751

ხარაგაულში მეორე მსოფლიო ომის მხოლოდ ერთი მონაწილეა ცოცხალი

ხარაგაულში მეორე მსოფლიო ომის დასრულებიდან 78-ე წელს მხოლოდ ომის ერთი ვეტერანია ცოცხალი-97 წლის იური ბუაჩიძე.

მას 1000 ლარის გარდა ხარაგაულის ს მუნიციპალიტეტისგან სასაჩუქრე კალათა გადაეცა.

ხარაგაულის მუნიციპალიტეტიდან მეორე მსოფლიო ომში 5 706 კაცი გაიწვიეს, აქდან 2 704 მეომარი შინ აღარ დაბრუნებულა. 798 ადამიანი დაჯილდოვდა ორდენებითა და მედლებით გმირული ბრძოლისთვის.

ხარაგაულიდან ომის ველზე წასული 19 მამა-შვილი უკან აღარ დაბრუნებულა. ხშირი იყო შემთხვევა, როდესაც ერთი ოჯახიდან ომში 4-5 ძმას უწევდა წასვლა. ასე დაეცა ბრძოლის ველზე ხუთი ძმა კუპატაძეები - ვანიდან, ოთხი ძმა ავალიანები -სარგვეშიდან, ოთხი ძმა ტაბატაძეები - ხევიდან, ოთხი ძმა სახვაძეები ვერტყვიჭალიდან და სხვა.

: საზოგადოება; 09 მაისი 2023; გადასვლები: 771

98 წლის გიორგი ჭეიშვილი მეორე მსოფლიო ომის ერთადერთი ცოცხალი მონაწილეა წყალტუბოდან

წყალტუბოს მუნიციპალიტეტში მეორე მსოფლიო ომის მონაწილეთაგან ცოცხალი მხოლოდ 98 წლის გიორგი ჭეიშვილია.ის სოფელ ფარცხანაყანევის მკვიდრია .მას გამარჯვების დღე წყალტუბოს მუნიციპალიტეტის მერიის წარმომადგენლებმა მიულოცეს.

ომის ვეტერანს ადგილობრივი ბიუჯეტიდან 1000 ლარი დაერიცხა.

მეორე მსოფლიო ომში წყალტუბოდან 12 480 ჯარისკაცი იბრძოდა. იმ დროს ყველა სანატორიუმი ჰოსპიტლად გადაკეთდა და 80 ათასმა დაჭრილმა გაიარა მკურნალობა,დაჭრილთაგან 223 ჯარისკაცი ვეღარ დაუბრუნდა საკუთარ ოჯახს და სოფელ გვიშტიბში "ძმათა სასაფლაოზე" დაკრძალეს.

: საზოგადოება; 09 მაისი 2023; გადასვლები: 1662

სოფელ წითელხევში საგზაო ინფრასტრუქტურული პროექტები გრძელდება

ბაღდათის მუნიციპალიტეტის სოფელ წითელხევში, დევიძეების საუბნო გზის

რეაბილიტაცია აქტიურად მიმდინარეობს.

ამ ეტაპზე იგება ბეტონის საფარი,

რომლის დასრულების შემდეგ მოეწყობა სანიაღვრეები.

სამუშაოებს სამშენებლო კომპანია

"Georgian Build" ასრულებს .

დევიძეების საუბნო გზის რეაბილიტაცია

რეგიონებში განსახორციელებელი პროექტების ფონდიდან ფინანსდება.

აღნიშნული პროექტი გარდამავალია.

გასულ წელს დაიწყო და მიმდინარე წელს დასრულდება.

სოფელ წითელხევში დევიძეების საუბნო გზის რეაბილიტაცია აქამდე არასდროს განხორციელებულა.

სოფელ წითელხევში ე.წ დევიძეების უბნის საგზაო ინფრასტრუქტურულ სამუშაოებს, ბაღდათის მუნიციპალიტეტის მერი კახა ენუქიძე, მერიის ინფრასტრუქტურის სამსახურის ხელმძღვანელ კახა მსხვილიძესთან ერთად გაეცნო.

: საზოგადოება; 09 მაისი 2023; გადასვლები: 990

101 წლის შოთა ჩიხლაძე-მეორე მსოფლიო ომის ვეტერანი ქუთაისიდან

მეორე მსოფლიო ომის ვეტერანს , 101 წლის შოთა ჩიხლაძე ფაშიზმზე გამარჯვების დღე ქუთაისის მერმა მიულოცა.

" 78 წელი გავიდა მეორე მსოფლიო ომის დასრულებიდან. ძალიან ცოტანი დარჩნენ ჩვენს გვერდით იმ ომის მონაწილეები - ადამიანები, რომლებმაც იბრძოლეს და გაიმარჯვეს.

დღეს ერთ-ერთ მათგანს, ბატონ შოთა ჩიხლაძეს სახლში ვესტუმრე და გამარჯვების დღე მივულოცე.

9 მაისი კიდევ ერთხელ შეხსენებაა იმისა, რა საშინელებაა ომი.

მშვიდობიან სამყაროში გვეცხოვროს!"' - განაცხადა იოსებ ხახალეიშვილმა.

ქუთაისში მეორე მსოფლიო ომის მონაწილე სამი

ვეტერანია ცოცხალი.

საქართველოს მთავრობის განკარგულებით, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს, ხოლო მეორე მსოფლიო ომში დაღუპულთა ოჯახის წევრები - 500 ლარს მიიღებენ.

დღის სიახლეები

საზოგადოება

Search