საზოგადოება

: საზოგადოება; 07 ოქტომბერი 2023; გადასვლები: 852

ჭიათურობა 2023-ქალაქში სახალხო დღესასწაულს აღნიშნავენ

დღეს ჭიათურაში ტრადიციული სახალხო დღესასწაული ,, ჭიათურობა 2023 ’’ აღინიშნება.

ქალაქის მთავარ დღესასწაულთან დაკავშირებით იმართება სხვადასხვა საინტერესო და შთამბეჭდავი ღონისძიებები.

ქალაქის ცენტრალურ მოედანზე გაიმართა კოსტიუმირებული მსვლელობა და სახალხო სეირნობა,

თეატრალიზებული წარმოდგენები, კულტურული და სპორტული აქტივობები, მოეწყო გამოფენები, ფლეშმობები. გამოიფინა ხელნაკეთი ნივთები. იმერულ ფაცხებში ეთნოგრაფიული კუთხე ფოლკლორით და სამზარეულოთია წარმოადგენილი.

გაიხსნა ტურიზმის საინფორმაციო ცენტრი და მუზეუმი.

დღის ბოლოს გაიმართება საპატიო ჭიათურლების დაჯილდოება

ჩატარდება ანრი ჯოხაძის კონცერტი -ნინი ბადურაშვილის,ნიკოლოზ ხარატის და ოთო ბაზერაშვილის მონაწილეობით. დღესასწაულს დიჯეი- LK ფოიერკერკი დაასრულებს

: საზოგადოება; 06 ოქტომბერი 2023; გადასვლები: 703

ქუთაისში ნიკეას ქუჩის მოსახლეობა საპროტესტო აქციას მართავს

ნიკეას ქუჩის მოსახლეობა დასახლებულ ტერიტორიასთან ახლოს ნაგავსაყრელის არსებობას აპროტესტებს. ადგილობრივების თქმით, ანტისანიტარიის გამო ცხოვრება უკვე შეუძლებელი ხდება.

,,წლებია ვითხოვთ, რომ დაიხუროს ნაგავსაყრელი. ამას ვითხოვდით ჯერ კიდევ წინა მთავრობის დროს ,მაგრამ დღემდე არავინ ინტერესდება. აქ მაცხოვრებლები ფანჯრებს ვერ ვაღებთ, ეზოში ვერ გამოვდივართ. შეჩერებას აღარ ვაპირებთ".-აცხადებენ აქციის მონაწილეები.

ადგილზე საპატრულო პოლიციაა მობილიზებული.

: საზოგადოება; 06 ოქტომბერი 2023; გადასვლები: 803

ხვალ ქუთაისი ღვინის დღეებს უმასპინძლებს

ხვალ ქუთაისში ფესტივალი “ღვინის დღეები” გაიმართება.

ფესტივალი საქართველოს 23 ქალაქში, 7-დან 15 ოქტომბრის ჩათვლით ჩატარდება.

ღონისძიების ცისფერყანწელების ქუჩაზე,თეთრი ხიდის მიმდებარედ არის დაგეგმილი.

საფესტივალო პროგრამა 14:00 საათიდან დაიწყება.

• 14:00–21:00 იმერული ღვინის დეგუსტაცია და გამოფენა-გაყიდვა.

• 14:00–21:00 კვების სივრცე

• 14:00-21:00 საგამოფენო სივრცე - „8000-წლიანი უწყვეტი ტრადიცია“.

• 15:00–18:00 პურის ცხობა, ჩურჩხელების ამოვლება, ფელამუშის მომზადება, ყურძნის დაწურვა საწნახელში.

• 15:00–18:00 საბავშვო გასართობი სივრცეები და გაკვეთილები: თიხით ძერწვა, ღვინის ჭიქებისა და ბოთლების მოხატვა.

• 15:00–19:00 DJ

• 15:30–16:00 ქართული ხალხური საკრავების წარმოდგენა.

• 16:00–17:00 ღვინის კონკურსი.

• 17:00–17:30 კინტოების წარმოდგენა.

• 17:30–18:30 სომელიე ჯაბა ძიმისტარიშვილის სესიები ადგილობრივ ღვინოზე.

• 19:00–21:00 კონცერტი: ანსამბლი “ჰერიო“; „სალიო”.

: საზოგადოება; 04 ოქტომბერი 2023; გადასვლები: 1038

თუ ადიდდა ცხენისწყალი,სავალალო შედეგს გამოიწვევს-სოფელ მათხოჯის მაცხოვრებლები დახმარებას ითხოვენ

ხონის მუნიციპალიტეტის სოფელი მათხოჯის მოსახლეობა დატბორვის საფრთხის წინაშე დგას. .მდინარე ცხენისწყალმა ბუნებრივი კალაპოტი რამდენიმე წლის წინ შეიცვალა და მოსახლეობას საფრთხეს უქმნის.

ადგილობრივები საქართველოს რეგიონული განვითარებისა და ინფრასტრუქტურის სამინისტროს დახმარებას თხოვენ.

,,გაზაფხულამდე თუ არ გაკეთდა,აქ სერიოზული პრობლემები გვემუქრება.წაგვიღებს სახლებიანად წყალი.რეაგირება არის ნული. მივმართე ინფრასტრუქტურის სამინისტროს ,ადგილობრივ ხელისუფლებას, რეაგირება ნულია,,-აცხადებს ადგილობრივი მცხოვრები რობერტ კუხალაშვილი.

,,მივმართე ხონის მერს,მაგრამ დაზუსტებით ვერ გამცა პასუხი, როდის დაიწყება სამუშაოები.თუ ადიდდა ცხენისწყალი,სავალალო შედეგს გამოიწვევს,რაც მოხდა შოვში,გურიაში და მერე თავში ხელების ცემა გვიანი იქნება.,,- ამბობს ზვიად ჩიმაკაძე,საკრებულოს წევრი ,ერთიანი ნაციონალური მოძრაობიდან,,

: საზოგადოება; 04 ოქტომბერი 2023; გადასვლები: 1695

მათემატიკოსი ბერი,რომელმაც მოსწავლეებს მათემატიკა შეაყვარა

,,ადიგენში, სოფელი ზარზმის სკოლაში, არის "ზარზმის აკადემია", რომელშიც ძალიან, ძალიან, ძალიან კარგად და გაძლიერებულად ისწავლება მათემატიკა.

ბავშვები მოჰყავთ მთელი რეგიონიდან; მაგალითად, ერთი ბიჭი, კვირაში 3-ჯერ, 55 კილომეტრით დაშორებული სოფლიდან მოდის ზარზმაში, გაკვეთილისთვის გადის 110 კილომეტრს.

ისტორია არის ასეთი: მათემატიკოსი ჩამოვიდა ზარზმაში და გადაწყვიტა ბერად აღკვეცა, ასეც მოიქცა. მერე სოფელში დაიწყო მათემატიკის სწავლება, იმდენი მოახერხა, რომ "ზარზმის აკადემიის" 38-მა მოსწავლემ ჩააბარა კომაროვის გამოცდები და კომაროვში გააგრძელა სწავლა.

"რაღაც პერიოდის მერე ვცდილობთ ინგლისურად მოვიტანოთ ამოცანები, რომ ბავშვები ამ ენასაც შეეჩვივნონო"

რისი აღწერაც რთულია, არის ემოციური ნაწილი: როგორი გადამდები ენთუზიაზმი და მონდომება იგრძნობა მასწავლებლის და მოსწავლეების მხრიდან.

ახლა ცდილობენ აკადემიაში დაამატონ ინგლისური და ეკონომიკა. ეძებენ დაფინანსებას.

იმედი მაქვს, რომ ყველაფერი გამოუვათ და იმედი მაქვს, რომ მათი მაგალითი მოტივაციის მომტანი იქნება სხვებისთვისაც. ,,-წერს სოციალურ ქსელში მაგდა ბობოხიძე.

: საზოგადოება; 04 ოქტომბერი 2023; გადასვლები: 903

გელათში ფერწერის მდგომარეობა დინამიურად მძიმდება-ევროპა ჩვენი სახლია

გელათში ვითარება მძიმეა-ინფორმაციას არასამთავრობო ორგანიზაცია,,ევროპა ჩვენი სახლია,, ავრცელებს.

,,პოლიტიკური როქის გათამაშებიდან, ანუ წულუკიანის მიერ პასუხისმგებლობის არიდების და დანაშაულებრივი "რესტავრაციის" კატასტროფული შედეგების აღმოფხვრისთვის გელათის საპატრიარქოსთვის გადაბარებიდან 7 თვის თავზე, ფერწერის მდგომარეობა დინამიურად მძიმდება.

ცვენის პროცესს ვერაფერის აჩერებს.

ამ დროში, რაც გარე სამუშაოების საწარმოებლად ხელსაყრელ პერიოდს დაემთხვა, ტენიანობის შემანარჩუნებელი ფაქტორის, უხარისხო დროებითი გადახურვის შეცვლის გადაწყვეტილებაც ვერ იქნა მიღებული.

ზამთრის დადგომამდე ორი თვე რჩება და იმედი, რომ მორიგ ზამთარს გელათი შესაბამისი ხარისხის და მდგომარეობის შემამსუბუქებელი დროებითი გადახურვით შეხვდება, პრაქტიკულად გადაწურულია.,,-,,ევროპა ჩვენი სახლია,,

https://fb.watch/nsYORTLSCM/?mibextid=Nif5oz

დღის სიახლეები

საზოგადოება

Search